საგადასახადო კოდექსში განხორციელდა ცვლილება, რომელიც საერთაშორისო კომპანიებს შეღავათებს  უწესებს

საგადასახადო კოდექსში განხორციელდა ცვლილება, რომელიც საერთაშორისო კომპანიებს შეღავათებს უწესებს

access_time2019-10-09 10:00:17

„საქართველოს საგადასახადო კოდექსში განხორციელდა ცვლილება, რომელიც საერთაშორისო კომპანიებს შეღავათებს უწესებს, “ ამის შესახებ „კომერსანტს“ ბიზნესის ანალიტიკოსმა ჯაბა თარიმანაშვილმა განუცხადა. მისი ინფორმაციით, 23–ე მუხლის შესაბამისად, განისაზღვრა შემდეგი: საერთაშორისო კომპანია არის საქართველოს საწარმო, რომელიც საქართველოს მთავრობის დადგენილებით განსაზღვრულ საქმიანობებს ახორციელებს და შემოსავალს მხოლოდ ამ საქმიანობებიდან იღებს. საერთაშორისო კომპანიის სტატუსს ანიჭებს საქართველოს მთავრობა. საერთაშორისო კომპანიის მიერ ისეთი საქმიანობის განხორციელება, რომელიც საქართველოს მთავრობის დადგენილებით განსაზღვრული არ არის, იწვევს მისთვის საერთაშორისო კომპანიის სტატუსის გაუქმებას ამ სტატუსის მინიჭების თარიღიდან.


როგორც თარიმანაშვილი აცხადებს, აღნიშნული ცვლილება საერთაშორისო ბიზნესის საქართველოში წარმოების დასაწყისისთვის უმნიშვნელოვანესია  . თუმცა, ამ ეტაპზე მთავრობის დადგენილებით არ არის განსაზღვრული საქმიანობების ჩამონათვალი. ამიტომ, აუცილებელია, რაც შეიძლება სწრაფად ჩამოყალიბდეს პოტენციური სეგმენტები, რომელიც აქამდე არ მუშაობდა, ხოლო საკანონმდებლო ცვლილებები საშუალებას მისცემს ახალ კომპანიებს დარეგისტრირებისთვის.


მისი განმარტებით, დღემდე საქართველოში რეგისტრირებული კომპანიები საგადასახადო კანონმდებლობის შეუსაბამობის გამო ვერ მართავდნენ საერთაშორისო სანაოსნო კომპანიებს, ასევე პრობლემატური იყო საერთაშორისო ლოგისტიკის და ვაჭრობის განხორციელება.


„აუცილებელია აღინიშნოს ბოლო პერიოდში წამოწყებული სავაჭრო ომების პრობლემატიკა, რომელმაც გლობალური ეკონომიკური ზრდის პერსპექტივაზეც იქონია უარყოფითი გავლენა. მიუხედავად ამისა საქართველოს, როგორც ქვეყანას, რომელსაც თავისუფალი ვაჭრობის შეთანხმებები აქვს როგორც ჩინეთთან ასევე ევროპასთან და გარკვეული პრეფერენციები აშშ–სთან, ვერ ითვისებს პოტენციალს სრულად. აღნიშნული პოტენციალის ასათვისებლად აუცილებელია საზღვაო სერვისების განვითარება. კერძოდ საბაჟო კოდექსით უნდა განისაზღვროს საქართველოს ტერიტორიულ წყლებში, რომელიც საგადასახადო კოდექსით წარმოადგენს საბაჟო კონტროლის ზონას, გემების ბორტზე განხორციელებული სატვირთო ოპერაციები. განისაზღვროს გემიდან გემში გადატვირთის კანონმდებლობა, რაც თავის მხრივ მოიზიდავს დამატებით გემებსა და ტვირთებს და სავაჭრო კომპანიებს საშუალებას მისცემს შექმნან დამატებითი ღირებულება. გაჩნდება ახალი საექსპორტო ნომენკლატურა, რაც საბოლოო ჯამში პოზიტიურად აისახება საქართველოს ეკონომიკაზე“-აცხადებს თარიმანაშვილი. 



მისივე განმარტებით, საგადასახადო კოდექსის ცვლილებების შესაბამისად, საერთაშორისო კომპანია  თავისუფალ ინდუსტრიულ ზონაში. არ შეიძლება შეიქმნას. დამატებული ღირებულების გადასახადით დაბეგვრის მიზნისათვის საერთაშორისო კომპანიის მიერ არარეზიდენტისათვის საქართველოს მთავრობის დადგენილებით განსაზღვრული მომსახურების გაწევის ადგილად არ მიიჩნევა საქართველო. როგორც თარიმანაშვილი აცხადებს, დაქირავებულისათვის ხელფასის გაცემისას საერთაშორისო კომპანიას არა აქვს საშემოსავლო გადასახადის გადახდის წყაროსთან დაბეგვრის ვალდებულება.


„საერთაშორისო კომპანიაში დაქირავებით მუშაობის შედეგად უცხო ქვეყნის იმ მოქალაქის მიერ მიღებული შემოსავალი, რომელიც ამ უცხო ქვეყნის რეზიდენტი არ არის და არის საქართველოს რეზიდენტი, თავისუფლდება საშემოსავლო გადასახადისაგან. საერთაშორისო კომპანიის მიერ გაცემული დივიდენდი გადახდის წყაროსთან არ იბეგრება და დივიდენდის მიმღები პირის ერთობლივ შემოსავალში არ ჩაირთვება.


საერთაშორისო კომპანიის მოგების გადასახადით დაბეგვრის ობიექტი ამ კოდექსის 97-ე მუხლის პირველი ნაწილის შესაბამისად განისაზღვრება. საერთაშორისო კომპანიის მოგების გადასახადის განაკვეთია 5 პროცენტი. საერთაშორისო კომპანიის მოგების გადასახადით დასაბეგრი თანხა მიიღება დაბეგვრის ობიექტის მიხედვით განხორციელებული განაცემის/გაწეული ხარჯის ოდენობის 0.95-ზე გაყოფით. საქართველოს მთავრობის დადგენილებით განსაზღვრული ხარჯის საქართველოში გაწევის შემთხვევაში საერთაშორისო კომპანიას უფლება აქვს, საქართველოს ფინანსთა მინისტრის მიერ დადგენილი წესით შეამციროს გადასახდელი მოგების გადასახადი ამ ხარჯის თანხის შესაბამისად გამოანგარიშებული მოგების გადასახადის ოდენობით. საერთაშორისო კომპანია გათავისუფლებულია ქონების (გარდა მიწისა) გადასახადისაგან, თუ ეს ქონება საქართველოს მთავრობის დადგენილებით ნებადართული საქმიანობის განხორციელებისათვის არის გამიზნული ან გამოიყენება. საგადასახადო ორგანოსთვის დაქირავებულების შესახებ ინფორმაციის მიწოდებისა და ამ მუხლის მე-7 ნაწილით გათვალისწინებული შეღავათის გამოყენების წესს ადგენს საქართველოს ფინანსთა მინისტრი. პირისათვის საერთაშორისო კომპანიის სტატუსის მინიჭებისა და გაუქმების წესს ადგენს, აგრეთვე საერთაშორისო კომპანიისათვის ნებადართული საქმიანობის სახეებს განსაზღვრავს საქართველოს მთავრობა“-აღნიშნავს თარიმანაშვილი. 



სოფო ქსოვრელი





ევროპის უმსხვილესი ბანკი მოგების 65%-იან ვარდნას ვარაუდობს

ევროპის უმსხვილესი ბანკი მოგების 65%-იან ვარდნას ვარაუდობს
access_time2020-08-04 18:15:55
HSBC (ჰონგ-კონგისა და შანხაის საბანკო კორპორაცია) სამუშაო ადგილების შემცირების დაჩქარებას გეგმავს. ბანკის განცხადებით, კორონავირუსთან დაკავშირებული უმოქმედო სესხების რაოდენობამ შესაძლოა $13 მილიარდს მიაღწიოს. HSBC-ს ხელმძღვანელის ნოელ ქუინის განცხადებით ეს „აჩქარებს“ ადრეული რესტრუქტურიზაციის გეგმას, რომელიც 35 000 სამუშაო ადგილს მოიცავდა. ქუინის თქმით, ბიზნესის გასაძლიერებლად, ბანკი ასევე „დამატებით აქტივობებს“ გამოიკვლევს. BBC-ის ინფორმაციით, ევროპის უმსხვილესი...

ბანკები გადავადებულ პროცენტებს ერთბაშად ითხოვენ?!

ბანკები გადავადებულ პროცენტებს ერთბაშად ითხოვენ?!
access_time2020-08-04 17:00:31
კომერციული ბანკები, საშეღავათო პერიოდის დასრულების შემდეგ, თანხის გადახდას ერთიანად ითხოვენ. ინფორმაცია როგორც ბანკის მსესხებლების, ასევე არასამთავრობო ორგანიზაციების მხრიდან დასტურდება. ასეთ ვითარებაში ათასობით ოჯახს გაკოტრება ელის. პირველ ეტაპზე, სამთვიანი საშეღავათო პერიოდი, უგამონაკლისოდ, ყველა კომერციულმა ბანკმა დაუწესა მსესხებლებს. მიზეზი პანდემია და საგანგებო რეჟიმი იყო, რომლის გამოც, მოქალაქეები შემოსავლის გარეშე დარჩნენ . ბანკებისა და მთავრობის ერთობლივი...

მოსკოვი კვიპროსის ოფშორებს რუსული ბიზნესისთვის ხურავს

მოსკოვი კვიპროსის ოფშორებს რუსული ბიზნესისთვის ხურავს
access_time2020-08-04 19:30:06
...

დღის Top 10 საინტერესო ამბავი

დღის Top 10 საინტერესო ამბავი
access_time2020-08-04 21:00:02
დღის Top 10 საინტერესო ამბავი: 1.Doctor Goods, Group Inn, KTW, ყვარლის ედემი - Bellingcat კორონავირუსთან დაკავშირებულ საჯარო ტენდერებში კორუფციაზე წერს საერთაშორისო საგამოძიებო გამოცემა Bellingcat საქართველოში კორონავირუსთან დაკავშირებულ საჯარო ტენდერებში კორუფციაზე წერს. Bellingcat-ის ცნობით, პანდემიის პერიოდში, საგანგებო მდგომარეობის გამოცხადების შემდეგ...

მთავრობა „შტადლერის“ ქარხნის მშენებლობის მოლოდინშია

მთავრობა „შტადლერის“ ქარხნის მშენებლობის მოლოდინშია
access_time2020-08-04 14:05:06
უცხოური ინვესტიციების პროაქტიური მოზიდვისა და საქართველოში უცხოური წარმოებების რეალოკაციის სტრატეგიის ფარგლებში, ეკონომიკისა და მდგრადი განვითარების მინსიტრი ნათია თურნავა ცნობილი შვეიცარიული კომპანია „შტადლერის ჯგუფის პრეზიდენტს პიტერ შპულერს შეხვდა. შეხვედრას ასევე ესწრებოდნენ „შტადლერის მარკეტინგისა და გაყიდვების აღმასრულებელი ვიცე-პრეზიდენტი ანსგარ ბროკმაიერი, დსთ-ის ქვეყნების მარკეტინგისა და გაყიდვების დირექტორი მატიას შტორი, საქართველოში შვეიცარიის ელჩი პატრინ...


მსგავსი სიახლეები

up