საფრანგეთი საჯარო მოხელეებს ხელს შეუშლის, რომ სამსახურეობრივ ტელეფონებზე ჩამოტვირთონ ყველა სახის მედია პლატფორმა, სათამაშო და ვიდეო სტრიმინგის აპლიკაცია, რასაც კიბერუსაფრთხოების და კონფიდენციალურობის დაცვით ხსნის. - აღნიშნულ ინფორმაციას Politico ავრცელებს. 

გმოცემის ცნობით აკრძალვა, რომელიც დაუყოვნებლივ ამოქმედდება, მოიცავს TikTok-საც, მაგრამ არ შემოიფარგლება მხოლოდ ჩინეთის საკუთრებაში არსებული პლატფორმით.

საფრანგეთის მთავრობის ეს ნაბიჯი მოჰყვა აკრძალვებს, რომელიც ევროპულმა ინსტიტუტებმა და ევროკავშირის სხვა ქვეყნებმა დააწესეს, როგორიცაა ნიდერლანდები. ბრიუსელისა და ჰააგისგან განსხვავებით, საფრანგეთის მთავრობა ასევე მიზნად ისახავს დასავლურ აპლიკაციებსა და ევროპულ და ამერიკულ პლატფორმებს.

"ამ გასართობ აპლიკაციებს არ აქვს კიბერუსაფრთხოების საკმარისი დონე", - თქვა საფრანგეთის ციფრულმა მინისტრმა ჟან-ნოელ ბარომ. "TikTok, ასევე CandyCrush ან Netflix ამ აკრძლვაში მოექცევა."

მისი თქმით, გამონაკლისი შეიძლება იყოს "ინსტიტუციური კომუნიკაციების" მიზნები.

მარტის დასაწყისში, საფრანგეთის მთავრობის სპიკერმა ოლივიე ვერანმა განაცხადა, რომ მინისტრებს და პრეზიდენტ ემანუელ მაკრონს არ შეეძლოთ სოციალური მედიის აპლიკაციების ჩამოტვირთვა, როგორიცაა Instagram და TikTok, სამუშაო ტელეფონებზე. მან აღნიშნა, რომ მთავრობა მუშაობს საჯარო მოხელეებისთვის გამარტივებულ პოლიტიკაზე.

ამ კვირის დასაწყისში, ეროვნული ასამბლეის მაღალჩინოსნებმა მტკიცედ მოუწოდეს კოლეგა დეპუტატებს, "შეზღუდონ" ისეთი სოციალური მედიის აპლიკაციებისა და მესენჯერების გამოყენება, როგორიცაა Instagram, TikTok, Snap და Signal.