ფულადი გზავნილების ქართული კომპანია MASTERCARD-ის სისტემაში ერთვება - გახდება თუ არა „ინტელიექსპრესი“ Western Union-ის კონკურენტი?

ფულადი გზავნილების ქართული კომპანია MASTERCARD-ის სისტემაში ერთვება - გახდება თუ არა „ინტელიექსპრესი“ Western Union-ის კონკურენტი?

access_time2021-03-31 12:20:12

საქართველოდან უცხოეთში, განსაკუთრებით საბერძნეთში ემიგრანტების ზრდამ წლების წინ არაერთი კომპანიის შექმნას ჩაუყარა საფუძველი, ერთ-ერთი მათგანი ინტელიექსპრესი იყო, რომელიც 2006 წელს შეიქმნა და კომპანიის საქმიანობა საქართველოსა და საბერძნეთს შორის ფულადი გზავნილების განხორცილებით დაიწყო. მათი მთავარი ორიენტირი ქართველი ემიგრანტებისთვის ფულის გადარიცხვის მარტივი და სწრაფი მომსახურების მიწოდება იყო, რომელიც საშუალებას აძლევდა ადამიანებს ბანკის გარეშე გაეგზავნათ და მიეღოთ თანხა. იმ პერიოდში ქართველი ემიგრანტების ძირითადი ნაწილი არ სარგებლობდა ფულადი გზავნილების მომსახურებით შეუსაბამოდ მაღალი ტარიფებისა და დაბალი ნდობის გამო. იმ პერიოდში ფულის გაგზავნის ყველაზე პოპულალური მეთოდი ავტობუსებისთვის თანხის გამოტანება იყო, რაც ხანგრძლივ პროცესს წარმოადგენდა და არ იყო უსაფრთხო. აღნიშნულმა სიტუაციამ განაპირობა ინტელიექსპრესის შექმნა, რომელიც ამ დრომდე პირველი და ერთადერთი ქართული საერთაშორისო ფულადი გზავნილების სისტემაა.


ბოლო წლების განმავლობაში იზრდებოდა მსოფლიო ეკონომიკა და იზრდებოდა ფულადი გზავნილების ბრუნვაც. „ინტელიექსპრესი“ სულ უფრო მეტ ქვეყანაში ხსნიდა მომსახურების ოფისებს და დღეს 21 ფილიალი აქვს საქართველოში, ხოლო მის სისტემაში ჩართულია ყველა კომერციული ბანკი, რომელიც საცალო საქმიანობას ეწევა და ათამდე მიკროსაფინანსო ორგანიზაცია და საგადახდო მომსახურების პროვაიდერი. რაც შეეხება მსოფლიო მასშტაბებს, ინტელიექსპრესის საშუალებით დღეს ფულადი გზავნილების გაგზავნა და მიღება ევროპის, აზიის, აფრიკის, ჩრდილო და სამხრეთ ამერიკის 70-ზე მეტ ქვეყანაშია შესაძლებელი, უმეტესობა მათგანში საკუთარი ფილიალებითაა წარმოდგენილი, თუმცა ინტელიექსპრესის სისტემით ოპერირებენ აგენტი ბანკები და ფინანსური ინსტიტუტები. თანამშრომლობს 60-მდე ბანკთან პირდაპირ და 50-მდე სისტემასთან.

 

„კომერსანტთან“ საუბრისას ინტელიექსპრესში აღნიშნავენ, რომ პანდემიამ და ფულადი გზავნილების უფრო მეტად გააქტიურებამ დისტანციური სერვისების გაუმჯობესება გამოიწვია, ამიტომ კომპანიის სამომავლო გეგმაში ელექტრონული საფულის გააქტიურება და MASTERCARD-ის საერთაშორისო ბარათების გამოშვებაა

 

„საქართველო ძირითადად გზავნილების მიმღები ქვეყანაა. ბოლო წლებში საქართველოში გზავნილების მზარდი ტენდენცია შეინიშნება. პანდემიის მიუხედავადაც გზავნილების კუთხით ქვეყანაში მაინც ზრდა დაფიქსირდა, ინტელიექსპრესისთვის ეს ზრდა 17.6%-ს შეადგენდა. გადარიცხვებმა განსაკუთრებით მოიმატა დიდი ბრიტანეთიდან, საბერძნეთიდან, იტალიიდან, კვიპროსიდან, უკრაინიდან, არაბთა გაერთიანებული საემიროებიდან და აშშ-დან.



 

ამ ეტაპისთვის იგეგმება ელექტრონული საფულის სისტემის გააქტიურება, რომელიც იქნება ონლაინ ბანკინგის მსგავსი. ვისარგებლებთ კომპანია ინექსფეის სერვისით, რომელიც წარმოადგენს ელექტრონულ საფულეს. მისი პლატფორმით, მომხარებლებისთვის გამარტივდება სხვადასხვა სერვისებთან წვდომა. მას აქტიურად შევთავაზებთ მომხმარებლებს ინტელიექსპრესის ევროპული ქსელისა და ოფისების ბაზაზე: დიდ ბრიტანეთში, საბერძნეთში, იტალიასა და კვიპროსში. ამას გარდა, ინტელიექსპრესი საქართველოში ერთადერთი არასაბანკო ორგანიზაციაა, რომელიც MASTERCARD-ის ძირითადი წევრი გახდა. ამ წელს გამოვუშვებთ MASTERCARD-ის საერთაშორისო ბარათებს, რომლის გამოყენებაც კომპანიის მომხმარებლებს შეეძლებათ, როგორც საქართველოში, ისე საზღვარგარეთ. ასევე, ინტელიექსპრესის მომხმარებლებისათვის უკვე შესაძლებელია ევროპული IBAN ანგარიშების გახსნა. ასეთი ევროპული საგადახდო ანგარიშების გახსნას მასიურად შევთავაზებთ ევროპაში მყოფ ემიგრანტებს და არა მარტო ემიგრანტებს“, - განმარტა ინტელიექსპრესის ბიზნესის განვითარების დეპარტამენტის ხელმძღვანელი ლევან თავართქილაძემ. 


საფინანსო სექტორის გამოწვევებზეც საუბრისას, კომპანიაში აღნიშნავენ, რომ დღეისათვის კაპიტალის ბაზრის არ არსებობაა ამ სექტორის მთავარი პრობლემაა.

 

„საქართველოში საფინანსო სექტორი ერთ-ერთი ყველაზე მეტად განვითარებული სექტორია, რასაც თავისი მიზეზები აქვს. დღეისათვის მთავარ გამოწვევას კაპიტალის ბაზრების არარსებობა წარმოადგენს, თუმცა ცალკე დავის თემაა რამდენადაა დღეს-დღეისობით ქვეყანა მზად კაპიტალის ბაზრების განსავითარებლად. ჩვენ ვიმედოვნებთ, რომ უახლოეს მომავალში ქვეყანაში გვექნება წინსვლა ამ მიმართულებითაც“, - აცხადებს ლევან თავართქილაძე.

 






საქართველოს რკინიგზამ 2021 წელს ლარში შემოსავლის 11,95%-იანი ზრდა აჩვენა

საქართველოს რკინიგზამ 2021 წელს ლარში შემოსავლის 11,95%-იანი ზრდა აჩვენა
access_time2022-09-29 14:00:08
„საქართველოს რკინიგზამ“ 2021 წელს ლარში შემოსავლის 11,95%-იანი ზრდა აჩვენა,  8,04%-იანი წლიური ზრდა დაფიქსირდა  დოლარის კუთხითაც, ოღონდ ლარის კურსის რყევების გამო, ოდნავ შენელებული ტემპით - ამის შესახებ ინფორმაცია TBC Capital -  ის კვლევაშია მოცემული. მათივე ინფორმაციით, პოზიტიური დინამიკა 2022 წლის პირველ ნახევარშიც გაგრძელდა, როდესაც შემოსავალი წინა წლის ანალოგიურ პერიოდთან შედარებით ლარში 12,06%-ით გაიზარდა, ხოლო 21,81% -ით...

უძრავი ქონების პლატფორმას - Georgia Real Estate ახალი გენერალური დირექტორი ჰყავს

უძრავი ქონების პლატფორმას - Georgia Real Estate ახალი გენერალური დირექტორი ჰყავს
access_time2022-09-29 12:55:22
უძრავი ქონების პლატფორმას - Georgia Real Estate (დეველოპერული კომპანია m2-ის მფლობელი კომპანია) ახალი გენერალური დირექტორი, გურამ ახვლედიანი უხელმძღვანელებს. გურამ ახვლედიანი Georgia Capital-ის ჯგუფში, რომელიც Georgia Real Estate-ის დედა კომპანიაა, შვიდი წლის განმავლობაში სხვადასხვა პოზიციას იკავებდა. 2021 წლიდან დღემდე,  ის  Georgia Real Estate -ის ტექნიკური დირექტორი იყო.   გიორგი ვახტანგიშვილი, რომელიც Georgia Real Estate-ის გენერალური დირექტორის...

„არ მაქვს უფლება, ბიძინა ივანიშვილის მიერ მიტაცებული ხელისუფლების წინააღმდეგ ბრძოლაში მხარი არ დავუჭირო სამოქალაქო საზოგადოებას“

„არ მაქვს უფლება, ბიძინა ივანიშვილის მიერ მიტაცებული ხელისუფლების წინააღმდეგ ბრძოლაში მხარი არ დავუჭირო სამოქალაქო საზოგადოებას“
access_time2022-09-29 12:37:21
ტელეკომპანია „ფორმულას“ დამფუძნებელი, დავით კეზერაშვილი განცხადებას ავრცელებს, სადაც აღნიშნულია, რომ არასოდეს ჩარეულა და არც მომავალში ვაპირებს ჩარევას ცალკეული ოპოზიციური პარტიების დღის წესრიგის განსაზღვრაში. ბოლო პერიოდში განვითარებული მოვლენების გამო საქართველოში, ჩავთვალე, რომ ვალდებული ვარ, როგორც ჩვენ ქვეყანაში, ასევე რეგიონში განვითარებულ მოვლენებს გამოვეხმაურო, ჩემი პოზიცია დავაფიქსირო და საზოგადოებამდე ჩემი სათქმელი მივიტანო. დღეს...

ზეთის ფასი შემცირდა და არის წინაპირობა, რომ კიდევ უფრო გაიაფდეს - ბიზნესის მოლოდინი

ზეთის ფასი შემცირდა და არის წინაპირობა, რომ კიდევ უფრო გაიაფდეს - ბიზნესის მოლოდინი
access_time2022-09-29 12:30:49
„საქართველოს ხორბლისა და ფქვილის მწარმოებელთა ასოციაციის აღმასრულებელი დირექტორის, ლევან სილაგავას განცხადებით, იმ ფონზე, როდესაც ზეთის ფასი საკმაოდ შემცირდა, არის წინაპირობა, რომ უფრო გაიაფდეს. როგორც მან „ინტერპრესნიუსთან“ საუბრისას აღნიშნა, ფასის შემცირებას მათ შორის განაპირობებს ის ფაქტიც, რომ ზეთზე მცურავი ბაჟი შესაძლოა განულდეს. „ზეთი საკმაოდ გაიაფდა. ეს იმიტომ მოხდა, რომ დიდი მოსავალია, მათ შორის, რუსეთში. მცურავი ბაჟი იყო შემოღებული,...

ევროპაში გაზის ფასი დაახლოებით 2%-ით შემცირდა

ევროპაში გაზის ფასი დაახლოებით 2%-ით შემცირდა
access_time2022-09-29 11:58:07
ევროპაში გაზის საბირჟო ფასები, დღეს, ვაჭრობის დაწყების შემდეგ ზომიერად კლებულობს და ათას კუბურ მეტრზე 2 ათასი დოლარის დონეზეა შენარჩუნებული. Report-ის ცნობით, ამას მოწმობს ლონდონის საფონდო ბირჟის ICE მონაცემები. უახლოესი, ოქტომბრის ფიუჩერსებით (უმსხვილესი ევროპული ჰაბის TTF ინდექსის მიხედვით) ვაჭრობა დაახლოებით $1,965,8 ათას კუბურ მეტრზე (-4,4%) გაიხსნა. შემდეგ ფასები 2016 დოლარამდე (-2%) გაიზარდა. კოტირების დინამიკა ეფუძნება წინა სავაჭრო დღის ანგარიშსწორების ფასს - $2,056.6...


მსგავსი სიახლეები

up