„საერთაშორისო სავალუტო ფონდის ანგარიში, ყოველთვის მნიშვნელოვანია, არა მხოლოდ ეკონომიკის ტენდენციების შესაფასებლად, არამედ არის გზავნილიც სხვა საერთაშორისო ორგანიზაციებისა და საერთაშორისო აქტიური ბანკებისათვის და რაც მთავარია ინვესტორებისათვის“ – განაცხადა ეკონომიკის ექსპერტმა გიორგი ცუცქირიძემ თავის „ფეისბუქ“-პოსტში. 

„აზიის განვითარების ბანკის(ADB), მოხსენების შემდეგ, სადაც ხაზი გაესვა, საქართველოს მთავრობის ეფექტურ ანტიკრიზისულ მენეჯნენტს, სსფ ის მოხსენებაში აღნიშნულია, არა მხოლოდ კრიზისულ და პოსპანდემიური პერიოდში გატარებული ღონისძიებების ეფექტიანობა, არამედ პანდემიამდე პერიოდში გატარებული სტრუქტურული რეფორმები და გონივრული მაკროეკონომიკური

პოლიტიკა, რამაც უზრუნველყო, თავისებური ფინანსური ჰანდიკაპი, როგორც საგარეო და ფისკალური ბუფერების დაგროვებით, ასევე საერთაშორისო საზოგადოების მნიშვნელოვანი მხარდაჭერაც, რამაც შესაძლებლობა მისცა ხელისუფლებას განეხორციელებინა მნიშვნელოვანი ფისკალური მხარდაჭერის ღონისძიებები პანდემიის სოციალური დაეკონომიკური ნეგატიური გავლენის შესამცირებლად, სოციალური ხარჯების ზრდით, ბიზნესის სტიმულირებისათვის გადასახადების დროებითი შეღავათების დაწესებით მოსახლეობასა და ბიზნესისთვის. საქმიანობის შესანარჩუნებლად, განსაკუთრებით შოკისგან დაზარალებულ სექტორებს.

რაც არანაკლებ მნიშვნელოვანია, მისიის შეფასებით, წლის მეორე ნახევრიდან ადგილობრივმა მოთხოვნამ ზრდა დაიწყო, რაც არის იმის გარანტია, რომ ეპიდემიოლოგიური მდგომარეობის გაუმჯობესებასთან ერთად, ეკონომიკა შეძლებს ჩვეული ტემპებით მუშაობის გაგრძელებასაც, რაც მიმდინარე წლის 5% იანი ვარდნის შემდეგ, უკვე მომავალ წელს 4.5 % ზრდის წინაპირობა გახდება.

სსფ ის მისიის ეს მოხსენებაც, ადასტურებს ქართული ოპოზიციის კრიტიკის სუბუექტურ და არაარგუმენტირებულ ხასიათს, რაც არა კონსტრუქტივიზმით, არამედ ფეიკ პოლიტიკის აქტიური პროპაგანდირებით მიმდინარეობდა, და რისი გამოხატულებაც, რეფორმებისადმი საზოგადოების პოზიტიურ განწყობებში, და საპირისპიროდ, მათ კატასტროფულად დაცემულ რეიტინგებშია ასახული“ – წერს ცუცქირიძე.