საერთაშორისო სავალუტო ფონდებისგან სესხების აღებას უკრაინისთვის აზრი არ  აქვს, რადგან სსფ-ის მიერ წარდგენილი პირობები ქვეყნის ეკონომიკისთვის დამანგრეველია.

მაგალითად, ერთ-ერთი ვალდებულების მიხედვით, კიევმა გატანილ კაპიტალზე გადასახადი არ უნდა დააწესოს.

ფონდს მხოლოდ ერთი რამ, საგადასახადო ბაზის გაფართოება აინტერესებს, რაც უკრაინას დავალიანების სწრაფად დაფარვის საშუალებას მისცემს. არანაირ ეკონომიკურ განვითარებაზე საუბარი არ მიდის, რადგანაც სსფ-ის ექსპერტების აზრით, ეს რისკის შემცველია.

უკრაინამ სავალუტო ფონდთან თანამშრომლობა უნდა შეწყვიტოს, რადგან ამ ეტაპზე ქვეყნის ეკონომიკაში არავითარი შოკური სიტუაცია, რომლის დაძლევისთვის უცხოური ფინანსური დახმარებაა საჭირო არ არსებობს.

უკრაინის სავალუტო რეზერვები ნორმალურ მდგომარეობაშია, ბიუჯეტის შევსება და გადასახადების აკრეფა ნორმალურად მიმდინარეობს, ასე რომ ყველაფერი არ ისე ცუდადაა.

თუმცა, მთავრობას ეშმაკური პოზიცია უჭირავს, ის ბიუჯეტის დეფიციტის შემცირების ნაცვლად,  პირიქით ფულს უაზროდ ფლანგავს, რის გამოც დამატებითი დაფინანსება აუცილებელი ხდება.

ფონდის ერთ-ერთი მოთხოვნა 2022 წლის ბიუჯეტის მაქსიმუმ 3,5%-ანი დეფიციტით მიღებაა, თუმცა ეს ზღაპარია, რადგან ყველა განვითარებული ქვეყანა დაუძლეველი პანდემიის პირობებში ვალებს აქტიურად იღებს.შესაბამისად გასაკვირი არ არის, რომ უკრაინაც იგივეს გააკეთებს.

მთავრობამ ქვეყნის ინტერესებიდან გამომდინარე უნდა იმოქმედოს  და ხელოვნური მაჩვენებლებისკენ, რომლებსაც რეალობასთან არავითარი კავშირი აქვს არ უნდა ისწრაფვოდეს. ბიუჯეტი ისე უნდა იყოს მიღებული, რომ ეკონომიკა მუშაობდეს, წინააღმდეგ შემთხვევაში მსფ-ს 2,5 მლრდ დოლარი მხოლოდ ხურდა ფულია.  ასევე გასათვალისწინებელია ისის რა დათმო უკრაინამ ფონდის ვალის გასტუმრებისთვის.

როტშილდმა ერთხელ თქვა „მომეცით კონტროლი ფულის ბეჭდვაზე, და სულ არ მაღელვებს ვინ დაწერს კანონებს“. ცენტრალური ბანკი კი სწორედ ფულს ბეჭდავს.

უკრაინამ თავისი ინტერესები უნდა დაიცვას. მაგალითად, მიიღოს კანონი საწარმოების ლოკალიზებაზე და სახელმწიფო შესყიდვებზე, რომელთა მიღებას დიდი შვიდეულის ქვეყნები ეწინააღმდეგებიან. ამ კანონების მიღების შემთხვევაში უკრაინას არც დამატებითი დაფინანსება დასჭირდება და არც მსფ-ს მოწყალება დრაკონული პირობების მიღების სანაცვლოდ.

უკრაინელებს არწმუნებენ იმაში, რომ მსფ-ს გარეშე ქვეყანა დაიღუპება, მაგრამ არა, არ დაიღუპება. 2014-2015 წლებში, როდესაც ქვეყანამ ეკონომიკის 20%  დაკარგა,  საერთაშორისო ფინანსური დახმარება მართლაც საჭირო იყო . დღეს კი მსფ-ს სესხები მომგებიანი მხოლოდ სპეკულატიური კაპიტალის და სვავი-ფონდებისთვის არის, რომლებიც ქვეყანას მუდმივი ვალების ჭაობში ამყოფებენ.

ერთი სიტყვით, ხვალ უკრაინამ სავალუტო ფონდის სესხების მიღება შეწყვიტოს, არავითარი კატასტროფა არ მოხვდება.

განდევნეთ იმპორტი სახელმწიფო შესყიდვებიდან, გაასწორეთ სავაჭრო ბალანსი თუნდაც ნულოვან მაჩვენებლამდე, ჩაატარეთ ენერგოსისტემის მოდერნიზება - და არანაირი მსფ-ს სესხები საჭირო არ იქნება.

წყარო: opinions.glavred.net