ეროვნულმა ბანკმა ლარის კურსის შესანარჩუნებლად იანვარში $80 მლნ გაყიდა, თუმცა იმავე იანვარში საერთაშორისო რეზერვების მოცულობა $191 მლნ-ით გაიზარდა და ისტორიულ მაქსიმუმს - $4.102 მლრდ-ს მიაღწია.
რეზერვების 94.9% - $3.891 მლრდ უცხოური ვალუტითაა წარმოდგენილი, $213 მლნ კი სესხების სპეციალური უფლებებია. ოქროს რეზერვი ისევე როგორც 1995 წელს, დღესაც $0.00-ს უდრის.
უცხოური ვალუტით დენომინირებული რეზერვების 64.4% - $2.507 მლრდ ფასიან ქაღალდებს შეადგენს, დარჩენილი $1.384 მლრდ ნაღდი უცხოური ვალუტა და დეპოზიტებია, მათ შორის $1.221 მლრდ სხვა ცენტრალურ ბანკებში, საერთაშორისო ანგარიშსწორების ბანკში და სსფ–ში.
იმ დროს, როცა ლარი მიმოქცევაში გაეშვა, 1995 წლის ოქტომბერში საერთაშორისო რეზერვების მოცულობა - $171 მლნ-ს უდრიდა, მაგრამ თანხის ეს მოცულობა მინიმუმი სულაც არ ყოფილა. გასულ საუკუნეში ის $100 მლნ-იან ზღvარს რამდენჯერმე ჩამოსცდა. 1999 წლის ივლისში $98 მლნ-მდე იყო შემცირებული.
საუკუნის დასაწყისში, 2001 წლის იანვარში რეზერვების მოცულობა $117 მლნ-ს შეადგენდა. $0.5 მლრდ-იან ზღვარს მან პირველად 2006 წელს, $1 მლრდ-იან ზღვარს კი 2007 წელს გადააჭრბა.
საერთაშორისო რეზერვების მოცულობა მთლიანობაში ბოლო 1 თვეში 4.8%-ით, ბოლო 1 წელში 17.8%-ით, ბოლო 10 წლში 70%-ით, ხოლო ბოლო 20 წელში 3995%-ით გაიზარდა.