საერთაშორისო კონფერენციაზე სურსათისა და საკვებდანამატების უვნებლობის საკითხები განიხილეს

საერთაშორისო კონფერენციაზე სურსათისა და საკვებდანამატების უვნებლობის საკითხები განიხილეს

access_time2019-12-23 15:24:00

საქართველოს, ევროპის ქვეყნებისა და თურქეთის სამეცნიერო წრეების წარმომადგენლებმა სურსათისა და საკვებდანამატების უვნებლობის საკითხები თბილისში სამეცნიერო კონფერენცია გაიმართა. ინფორმაციას გარემოს დაცვისა და სოფლის მეურნეობის სამინისტრო ავრცელებს.



ღონისძიებას გარემოს დაცვისა და სოფლის მეურნეობის მინისტრის მოადგილე ხატია წილოსანი დაესწრო. მისასალმებელი სიტყვით გამოსვლისას, მინისტრის მოადგილემ მადლობა გადაუხადა კონფერენციის ორგანიზატორს, აშშ-ის საერთაშორისო განვითარების სააგენტოს (USAID) მხარდაჭერისთვის და საქართველოში სურსათის უვნებლობის მაღალი სტანდარტების დანერგვის მიმართულებით აქტიური თანამშრომლობისთვის.



„საქართველო აქტიურად მუშაობს ევროკავშირთან ასოცირების ფარგლებში ნაკისრი ვალდებულებების შესრულების კუთხით. მსგავს ფორმატში საერთაშორისო სამეცნიერო წრეების წარმომადგენლების შეხვედრები და ზოგადად, ქვეყნებს შორის გამოცდილების გაზიარება, მნიშვნელოვნად დაგვეხმარება საქართველოში სურსათის უვნებლობის და რისკის შეფასების ეფექტიანი სისტემის ჩამოყალიბებაში და ჩვენი კანონმდებლობის ევროკავშირის კანონმდებლობასთან დაახლოების პროცესში“, - აღნიშნა ხატია წილოსანმა.



კონფერენციაზე აღინიშნა, რომ ევროკავშირის დირექტივების შესაბამისად, საქართველოში აქტიურად მიმდინარეობს საკანონმდებლო დაახლოების პროცესი. ამასთან, საერთაშორისო დონორი ორგანიზაციების მხარდაჭერით, ქვეყანაში ლაბორატორიული შესაძლებლობები ყოველწლიურად იზრდება. ღონისძიების ფარგლებში, სურსათის ეროვნული სააგენტოს წარმომადგენელმა კონფერენციის მონაწილეებს მიაწოდა ინფორმაცია საქართველოში არსებული სახელმწიფო კონტროლის სისტემის შესახებ.




თურქმა და ჰოლანდიელმა მეცნიერებმა საკვებდანამატების რისკების შეფასების და ამ მიმართულებით, საზოგადოებასთან სწორი კომუნიკაციის მნიშვნელობაზე ისაუბრეს და კონფერენციის მონაწილეებს საერთაშორისო გამოცდილება გაუზიარეს. კონფერენციის ფარგლებში, სამეცნიერო წრეების წარმომადგენლებმა სურსათისა და საკვებდანამატების უვნებლობის სფეროში არსებული მიღწევები და გამოწვევები განიხილეს.



ღონისძიებას USAID-ის ეკონომიკური ზრდის ოფისის დირექტორი მარიკა ოლსონი, სურსათის ეროვნული სააგენტოს უფროსი ზურაბ ჩეკურაშვილი, გარემოს დაცვისა და სოფლის მეურნეობის სამინისტროს ლაბორატორიის უფროსი ირაკლი გულედანი, დარგის სპეციალისტები, მწარმოებლები, დონორი ორგანიზაციების, საკონსულტაციო ფირმებისა და ლაბორატორიების წარმომადგენლები ესწრებოდნენ.



საერთაშორისო სამეცნიერო კონფერენცია USAID - ის სოფლის მეურნეობის პროგრამის ორგანიზებით გაიმართა.







უნივერსიტეტებს უცხოელი სტუდენტების დაკარგვის ეშინიათ

უნივერსიტეტებს უცხოელი სტუდენტების დაკარგვის ეშინიათ
access_time2020-09-19 12:00:34
საქართველოს უმაღლეს სასწავლებლებში 13 000-ზე მეტი უცხოელი სტუდენტი სწავლობს. ახალი სასწავლო წელი მათთვის და მათი სასწავლებლებისთვის გამკაცრებული რეგულაციებით და გაზრდილი ხარჯით იწყება....

„ლარი გარბის“ - ეკონომიკის ყველა მინისტრი კი 2013 წლიდან ერთსა და იმავეს ლაპარაკობს - „ლარი სტაბილურად მოძრაობსო“

„ლარი გარბის“ - ეკონომიკის ყველა მინისტრი კი 2013 წლიდან  ერთსა და იმავეს ლაპარაკობს - „ლარი სტაბილურად მოძრაობსო“
access_time2020-09-19 10:00:49
ლარი გარბის“ - ეკონომიკის ყველა მინისტრი კი 2013 წლიდან ერთსა და იმავეს ლაპარაკობს - „ლარი სტაბილურად მოძრაობსო“, - ამის შესახებ ბიზნესმენმა, პარტიის „პროგრესი და თავისუფლების“ ერთ-ერთმა ლიდერმა ცეზარ ჩოჩელმა „პალიტრანიუსის“ გადაცემაში „360 გრადუსი“...

დღის TOP 10 საინტერესო ამბავი

დღის TOP 10 საინტერესო ამბავი
access_time2020-09-18 21:00:58
დღის TOP 10 საინტერესო ამბავი:   1. რესპუბლიკური საავადმყოფო - საპარტნიორო ფონდის მორიგი ჩავარდნილი პროექტი ქვეყნის ერთ-ერთმა ყველაზე მაღალანაზღაურებადმა მენეჯერმა დავით საგანელიძემ ამორტიზებული და უმძიმესს მდგომარეობაში მყოფი კლინიკების განვითარებისთვის არაფერი...

ფინანსთა მინისტრის ყოფილი მოადგილე აგრობიზნესში წავიდა

ფინანსთა მინისტრის ყოფილი მოადგილე აგრობიზნესში წავიდა
access_time2020-09-18 19:30:26
ფინანსთა მინისტრის ყოფილი მოადგილე აგროსექტორით დაინტერესდა. გიორგი თაბუაშვილი10 ჰექტარ მიწის ფართობზე გაშენებული ქლიავის ბაღებიდან პირველი მოსავალი უკვე მიიღო.   როგორც გიორგი თაბუაშვილმა ბიზნესპარტნიორს განუცხადა, ქლიავის ბაღები კასპშია გაშენებული. მისი თქმით,  რაოდენობა მცირეა, თუმცა მომავალში ბევრად მეტის მოლოდინი აქვთ.   „მეოთხე წელს სტენლის ჯიშის ქლიავის პირველი მოსავალი მივიღეთ, რაც დაახლოებით 4 ტონა იყო. მომავალ წელს, ამ დროს უკვე ემპრესის...

პანდემიამ ევროპის ქვეყნებს შორის საზღვრები დააბრუნა

პანდემიამ ევროპის ქვეყნებს შორის საზღვრები დააბრუნა
access_time2020-09-18 19:00:47
ევროპელებს ათწლეულების მანძილზე საზღვრების არსებობო თითქმის დაავიწყდათ - თუმცა, 2020-ში საკითხი ისევ რეალობად იქცა. ზოგი საზღვარი გაიხსნა, ზოგი არა, ზოგი ღიაა მხოლოდ გარკვეული ქვეყნებს მოქალაქეებისთვის, სხვებისთვის კი - ჯერაც დახურულია. სულ რამდენიმე კვირაში შენგენის ზონის არსებობა კითხვის ნიშნის ქვეშ დადგა. „ევროპელებს დაავიწყდათ, რომ ცალკეულ სახელმწიფოებს საზღვრების დახურვის უფლებამოსილება აქვთ. შენგენის შეთანხმებაში შავით...


მსგავსი სიახლეები

up