„სადისტრიბუციო მანქანების გადაადგილებაზე შეზღუდვების დაწესების შემდეგ შესაძლოა, პატარა სუპერმარკეტები დაიხუროს“

„სადისტრიბუციო მანქანების გადაადგილებაზე შეზღუდვების დაწესების შემდეგ შესაძლოა, პატარა სუპერმარკეტები დაიხუროს“

access_time2018-01-17 14:20:21

თბილისში სადისტრიბუციო მანქანების გადაადგილებაზე შეზღუდვების დაწესებამდე დედაქალაქის მერია და სფეროს წარმომადგენლები შეხვედრებს მართავენ. შეზღუდვის ინიციატორი ქალაქის მერი კახა კალაძეა. უკვე გაიმართა რამდენიმე შეხვედრა სადისტრიბუციო კომპანიების წარმომადგენლებსა და ადგილობრივ მთავრობას შორის.


როგორც დედაქალაქის მერის მოადგილემ მაია ბითაძემ შეხვედრის დასრულების შემდეგ აღნიშნა, სადისტრიბუციო კომპანიები იმ ახალი რეგულაციებისათვის უნდა მოემზადონ, რომელიც სადისტრიბუციო მანქანების ღამის საათებში მოძრაობას შეეხება: „გავაგრძელებთ კომპანიებთან აქტიურ მუშაობას, რათა სადისტრიბუციო მანქანების ღამის განმავლობაში მოძრაობის გრაფიკმა მინიმალურად შეაფერხოს ბიზნესი და მინიმალური პრობლემები წარმოშვას, ზოგადად, ქალაქში მოძრაობასთან დაკავშირებით - განაცხადა მაია ბითაძემ.


დისტრიბუტორთა ასოციაციის დამფუძნებელი ივა ჭყონია „კომერსანტთან“ საუბრისას განმარტავს, რომ გადაწყვეტილების მიღებამდე უნდა დადგინდეს სადისტრიბუციო მანქანები რამდენად ქმნიან საცობს.


„ჩემი აზრით, მსჯელობის საგანია, ეს საცობებს რამდენად შეამცირებს. სადისტრიბუციო მანქანების 90%-ს მოძრაობა უწევს იმ პერიოდში, როდესაც საცობები ნაკლებია - 10 საათიდან 17 საათამდე. ჩვენ მერიას წარვუდგინეთ მოსაზრება, თუ რა პრობლემები შეიძლება მოჰყვეს ცვლილებას, რაც მანქანების ღამით მოძრაობას ითვალისწინებს. მათ მოისმინეს პრობლემები. შინაგან საქმეთა სამინისტროსთან, შემოსავლების სამსახურთან ერთად, გაივლიან ყველა საჭირო საითხს და გადაწყვეტილებას ისე მიიღებენ. ძალიან მნიშვნელოვანია, რომ სწორი აღსრულება მოხდეს. სადისტრიბუციო კომპანიები აქტიურად ვართ ჩართული, რადგან გვინდა, რომ ბიზნესმა ამით რაც შეიძლება ნაკლები დანაკარგი ნახოს“, - აცხადებს ივა ჭყონია.



მისი თქმით, სადისტრიბუციო მანქანების ღამით მოძრაობა ბიზნესს უარყოფით შედეგებს მოუტანს, რამაც შეიძლება საცალო მაღაზიების დახურვა გამოიწვიოს.


„ყველა რადიკალური ცვლილება თავიდან უმტკივნეულოდ არ ხორციელდება. ერთი მხრივ, თუ სარგებელი მოაქვს, მეორე მხრივ რაღაც მაინც ზიანდება. თუმცა კარგია, რომ კონსულტაციები იმართება და ყველა მოსალოდნელ რისკს განვიხილავთ. ეს შეზღუდვა ბიზნესისთვის ცუდი იქნება, რადგან მოუწევს ღამის რეჟიმში გადაწყობა. აქ პატარა სუპერმარკეტებზეც არის საუბარი. მათ საკმაოდ სერიოზული პრობლემები შეიძლება შეექმნათ. შეიძლება  მაღაზიები დაიხუროს. ყველაფერი უნდა გაკეთდეს, რომ ამ ცვლილების გამო, წვრილი და საშუალო ბიზნესი პრობლემის წინაშე არ დადგეს“, - აღნიშნავს ჭყონია.


ამასთან, მისივე განმარტებით, შეხვედრაზე კონკრეტულ ქუჩებზე საუბარი არ ყოფილა: „შეზღუდვის მიზანი ის არის, რომ ყველა სადისტრიბუციო მანქანამ, ყველა ქუჩაზე ღამით იმოძრაოს. კარგია, რომ ზოგადად დედაქალაქის მერიას აქვს დიდი პროექტები თბილისში საცობების განტვირთვის მიზნით. თუმცა სადისტრიბუციო მანქანების შემთხვევაში, მეტი დისკუსია და კვლევაა საჭირო, როგორ გადაწყდეს“, - აცხადებს დისტრიბოტორთა ასოციაციის დამფუძნებელი.



ავტორი: თეონა კენჭიაშვილი





სოსო ფხაკაძემ BAG-ის წევრი კომპანიების წარმომადგენლებს შემოსავლების სამსახურის ახალი ხელმძღვანელი, ლევან კაკავა წარუდგინა

სოსო ფხაკაძემ BAG-ის წევრი კომპანიების წარმომადგენლებს შემოსავლების სამსახურის ახალი ხელმძღვანელი, ლევან კაკავა წარუდგინა
access_time2020-02-20 13:30:04
საქართველოს ბიზნეს ასოციაციაში (BAG) გაიმართა საგადასახადო-საბაჟო კომიტეტის მორიგი გაფართოებული სხდომა, რომელსაც ასოციაციის წევრი კომპანიების წარმომადგენლებთან ერთად დაესწრნენ საქართველოს ფინანსთა მინისტრის მოადგილე, ზურაბ ძნელაშვილი და შემოსავლების სამსახურის უფროსი, ლევან კაკავა. ასოციაციის პრეზიდენტმა, სოსო ფხაკაძემ წევრი კომპანიების წარმომადგენლებს წარუდგინა შემოსავლების სამსახურის ახალი ხელმძღვანელი, ლევან კაკავა, რომელმაც ისაუბრა სამომავლო...

ფინანსთა სამინისტრო თამაშზე დამოკიდებულ პირთა სიის შედგენას გეგმავს

ფინანსთა სამინისტრო თამაშზე დამოკიდებულ პირთა სიის შედგენას გეგმავს
access_time2020-02-20 14:02:05
დღეს საქართველოს პარლამენტში, მინისტრს საათის ფორმატში ივანე მაჭავარიანს უსმენენ. ფინანსთა მინისტრმა გასული წლის ბიუჯეტის მაჩვენებლებზე და დაგეგმილ ცვლილებებზე ისაუბრა. ვანო მაჭავარიანი დამოუკიდებელი დეპუტატების ინიციატივას გამოეხმაურა, რომლის მიხედვითაც სათამაშო ბიზნესს ახალი რეგულაციები უწესდება. კანონპროქტი პარლამენტში 2017 წელს...

ლარის გამყარების ტრენდი გრძელდება - Bloomberg-ზე 1 დოლარი 2.8272 ლარად ივაჭრება

ლარის გამყარების ტრენდი გრძელდება - Bloomberg-ზე 1 დოლარი 2.8272 ლარად ივაჭრება
access_time2020-02-20 12:55:37
ბოლო რამდენიმე დღეა ლარი Bloomberg-ის სავაჭრო სისტემაში მყარდება. დღეს დილიდან ვაჭრობა $1/₾2.8305-ით დაიწყო, 12:55 საათისთვის  1 დოლარი 2.8272-ის ნიშნულზეა.  ეროვნული ბანკის მიერ გამოქვეყნებული მონაცემების თანახმად, გუშნდელი  ვაჭრობის შედეგად აშშ დოლარის ღირებულებამ 2.8422 ლარი შეადგინა. კურსი, რომელიც გუშინ  მოქმედებდა, 2.8631 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0209 ლარი...

7 წლიანი პატიმრობის შემდეგ, ექსპრემიერი ვანო მერაბიშვილი თავისუფალია - პოლიტიკური შეფასებები

7 წლიანი პატიმრობის შემდეგ, ექსპრემიერი ვანო მერაბიშვილი თავისუფალია - პოლიტიკური შეფასებები
access_time2020-02-20 13:00:37
7 წლიანი პატიმრობის შემდეგ ექსპრემიერი ვანო მერაბიშვილი თავისუფალია. საპატიმროდან გამოსულმა ვანო მერაბიშვილმა თქვა, რომ აქტიურ პოლიტიკაში ჩაერთვება. მისი თქმით, აუცილებელია, მოქმედი ხელისუფლების ცვლილება.   „ჩვენ აუცილებლად გავიმარჯვებთ, წლის ბოლომდე გაძლევთ გარანტიას, რომ ამ ხელისუფლების დამხობის შემდეგ ამ ციხის კარები ფართოდ გაიღება და ყველა ის პოლიტპატიმარი,...

რას წერდა ბიძინა ივანიშვილი ვანო მერაბიშვილს 2011 წელს?

რას წერდა  ბიძინა ივანიშვილი ვანო მერაბიშვილს 2011 წელს?
access_time2020-02-20 12:23:19
ბიძინა ივანიშვილმა პოლიტიკაში  მოსვლა 2011 წლის 7 ოქტომბერს დაანონსა. ამის შემდეგ კი, 11 ოქტომბერს  მეორე ვრცელი განცხადება გამოაქვეყნა, სადაც  ყოფილი პრემიერი მაშინდელ შინაგან საქმეთა მინისტრს და ყოფილ პრემიერ-მინისტრ ვანო მერაბიშვილსაც მიმართავდა.   „კომერსანტი“ წერილიდან ამონარიდს უცვლელად გთავაზობთ:   „მინდა მივმართო...


მსგავსი სიახლეები

up