სადაზღვევო ბაზრის 2018 წლის III კვარტლის მიმოხილვა

სადაზღვევო ბაზრის 2018 წლის III კვარტლის მიმოხილვა

access_time2018-12-06 22:06:37

დაზღვევის ზედამხედველის მიერ 19 ნოემბერს გამოქვეყნებული სადაზღვევო სექტორის 2018 წლის მესამე კვარტლის მონაცემები რამდენიმე მნიშნელოვან ტრენდს გვიჩვენებს და ინდუსტრიის სამომავლო განვითარებაზე საინტერესო ვარაუდების გაკეთების საშუალებას იძლევა.


ამის შესახებ bm.ge-ის კომპანია „უნისონიდან“ აცნობეს.


III კვარტლის მიმოხილვას bm.ge უცვლელად გთავაზობთ:


სექტორის მიერ მოზიდული პრემია ზრდის ტენდენციას ინარჩუნებს. ბაზარი 2017 წელთან შედარებით 21%-ით, 71,9 მილიონი ლარით გაიზარდა. თუმცა, აღნიშნული ზრდის თითქმის მესამედი მოდის უცხოური სანომრე ნიშნით მოძრავი ავტომობილების მფლობელთა პასუხისმგებლობის სავალდებულო დაზღვევის პროგრამაზე.


სავალდებულო დაზღვევის სხვა სახეობებს, სავარაუდოდ, ზრდაზე მნიშვნელოვანი გავლენა არ მოუხდენია. აქ ზუსტი რიცხვების მოყვანა შეუძლებელია, რადგან დაზღვევის ზედამხედველი, სამწუხაროდ, ამგვარი მონაცემების აღრიცხვას არ აწარმოებს.


მნიშვნელოვანი ზრდა გვაქვს ბაზრის მომგებიანობის თვალსაზრისითაც. წლევანდელი 34,6 მილიონი წმინდა მოგება, 2017 წლის ამავე მაჩვენებელს 21 მილიონით აღემატება.


აღნიშნული ზრდის უდიდესი ნაწილი, 90%-ზე მეტი, ისევ ზემოთხსენებულ სავალდებულო დაზღვევის პროგრამაზე მოდის.


შესაბამისად, საქმე გვაქვს ბაზარზე მოგების დამატებითი წყაროს გაჩენასთან და არა, ზოგადად , ბაზრის სტრუქტურის გაუმჯობესებასთან.



აღნიშნულის დასტურია, ბაზარზე გაჩენილი ახალი მომგებიანი კომპანიები „ტაო დაზღვევა“ და „ჰუალინგ დაზღვევა“. ისინი ფაქტიურად არ ახორციელებნ გაყიდვებს და საოპერაციო საქმიანობას, თუმცა შემოსავალს იღებენ სავალდებულო დაზღვევის პროგრამიდან საკუთარი წილის სახით, რაც პირდაპირ მოგებაში აისახება მიზერული სხვა ხარჯების პირობებში.


მოგების კუთხით ბაზრის ლიდერი ისევ სადაზღვევო კომპანია ალდაგია, რომელსაც თიბისი დაზღვევა მოსდევს. კომპანიეის სამი კვარტლის მოგება, შესაბამისად 11,5 და 6,9 მილიონი ლარით განისაზღვრება.


მოგების ამგვარი მაჩვენებელი განსაკუთრებით საინტერესოა „თიბისი დაზღვევის“ შემთხვევაში, რომელიც მხოლოდ მეორე წელია ბაზარზე ოპერირებს.


ცვლილებებია ბაზარზე წილების კუთხითაც. მოზიდული პრემიის მიხედვით კომპანიების ხუთეული ასე გამოიყურება:


სს "სადაზღვევო კომპანია ჯი პი აი ჰოლდინგი" - 87,917,712 ლარი
სს “სადაზღვევო კომპანია ალდაგი" - 62,152,996 ლარი
სს სადაზღვევო კომპანია იმედი L - 51,305,621 ლარი
სს "თიბისი დაზღვევა" - 44,585,529 ლარი
სს სადაზღვევო კომპანია "უნისონი" - 33,077,588 ლარი



როგორც მონაცემებიდან ჩანს, პირველ ხუთეულში სამი ბანკების მფლობელობაში ან მათთან აფილირებული კომპანიაა.


დღეისთვის ბაზარზე 6 ასეთი კომპანიაა, რომლებზეც მთლიანი სექტორის მოგების 70%-მდე მოდის.



ხუთეულს წელს შეემატა სადაზღვევო კომპანია „უნისონი“. კომპანია ტრადიციულად არასამედიცინო მიმართულების სიძლიერით გამოირჩევა, თუმცა ბოლო წლებია აქტიურად ავითარებს სამედიცინო დაზღვევის მიმართულებასაც.

წელს კომპანიას ქონების დაზღვევის მიმართულებით მნიშვნელოვანი წინსვლა ჰქონდა. აქ „უნისონმა „მეორე ადგილზე გადაინაცვლა მოზიდული პრემიის მიხედვით და ქონების დაზღვევის ბაზრის 22%-იანი წილი დაიკავა.

კომპანია ბაზრის უპირობო ლიდერად რჩება საჰაერო და საზღვაო ტრანსპორტის დაზღვევის მიმართულებითაც.


„უნისონს“ მნიშვნელოვანი წინსვლა ჰქონდა სამოგზაურო დაზღვევის კუთხითაც, სადაც საცალო სეგმენტზე მოზიდული პრემიის კუთხით მესამე ადგილი დაიკავა.



2018 წლის სამი კვარტლის მონაცემების შეჯამებით, შეიძლება რამდენიმე დასკვნა გამოვიტანოთ:


1. ინდუსტრია იზრდება და ზრდის ძირითადი მამოძრავებელი სავალდებულო დაზღვევის პროგრამებია;
2. დაზღვევის ინდუსტრიაში კიდევ უფრო იზრდება ბანკების ან მათთან აფილირებული სადაზღვევო კომპანიების წილი. როგორც იკვეთება, სავალდებულო დაზღვევის პროგრამები, აღნიშნულის მნიშვნელოვანი მოტივატორია;
3. ბაზარი მომგებიანი ხდება, ძირითადად, სავალდებულო დაზღევის ერთი პროგრამის დამსახურებით. შესაბამისად, ბაზრის სტრუქტურაში ისევ რჩება პრობლემები, რაც კომპანიების დიდ ნაწილს მოგებაზე გასვლაში უშლის ხელს;
4. სექტორისთვის კვლავინდებურად დიდ ტვირთად რჩება ჯანმრთელობის დაზღევის მიმართულება, რაც მინიმალურ მოგებას, ან ხშირ შემთხვევაში ზარალს ნიშნავს სადაზღვევო კომპანიებისთვის.


bm.ge






გიორგი გახარია საზღვრის დელიმიტაციაზე - ყველაფერს გავაკეთებთ, რომ მოლაპარაკების შედეგი იყოს მისაღები, როგორც ჩვენი კულტურული მემკვიდრეობისთვის, ასევე ჩვენი ეკლესიისთვის

გიორგი გახარია საზღვრის დელიმიტაციაზე - ყველაფერს გავაკეთებთ, რომ მოლაპარაკების შედეგი  იყოს მისაღები, როგორც ჩვენი კულტურული მემკვიდრეობისთვის, ასევე ჩვენი ეკლესიისთვის
access_time2019-05-26 17:00:55
ყველაფერს გავაკეთებთ იმისთვის, რომ ამ კომისიის და ამ მოლაპარაკების შედეგი იყოს მისაღები და მისასალმებელი, როგორც ჩვენი კულტურული მემკვიდრეობისთვის, ასევე ჩვენი ეკლესიისთვის, - ამის შესახებ შს...

საფინანსო ორგანიზაციები მევალეებს ვეღარ დაემუქრებიან - რა იცვლება სესხის ამოღების პროცესში

საფინანსო ორგანიზაციები მევალეებს ვეღარ დაემუქრებიან - რა იცვლება სესხის ამოღების პროცესში
access_time2019-05-26 18:00:33
საფინანსო ორგანიზაციებს მომხმარებლის შევიწროება, ზეწოლა, შეურაცხყოფა აეკრძალებათ. ამის შესახებ, ეროვნული ბანკის მიერ შემუშავებულ "ფინანსური ორგანიზაციების მიერ სესხის/კრედიტის ამოღებასთან დაკავშირებულ ეთიკის კოდექსის" პროექტშია...

El País: ევროპა - დემოგრაფიული თვითმკვლელობის ზღვარზე

El País: ევროპა - დემოგრაფიული თვითმკვლელობის ზღვარზე
access_time2019-05-26 20:00:03
  მთელს ევროპაში შეიმჩნევა ულტრა-მემარჯვენე იდეოლოგიის პოპულარობის ზრდა, რაც გამოწვეულია მზარდი ანტიპატიით მიგრანტებისადმი, და თვითმყოფადობის დაკარგვის შიშით.   ამ იდეოლოგიის მომხრეებს სურთ ევროპის გადაქცევა  ჩაკეტილ და აუღებელ ციხე-სიმაგრედ, რომელიც შეაკავებს მიგრანტების შეუჩერებელ ნაკადს.   მათ არ  სურთ იმის გაცნობიერება, რომ მათი პირადი ბედი დამოკიდებულია ზუსტად იმ ადამიანებზე, ვინც იმყოფება ამ ვირტუალური კედლის მიღმა....

„სამუშაოები,რომლებსაც სახელმწიფო ქმნის, სინამდვილეში ანადგურებს დოვლათს“ - გიორგი ლომინაძე

„სამუშაოები,რომლებსაც სახელმწიფო ქმნის, სინამდვილეში ანადგურებს დოვლათს“ - გიორგი ლომინაძე
access_time2019-05-26 16:00:44
რადიო კომერსანტზე, გადაცემაში „პროფესიონალები“, არასამთავრობო ორგანიზაცია „თავისუფალი ბაზრის“ დამფუძნებელმა და თავმჯდომარემ, გიორგი ლომინაძემ საქართველოში შრომის ბაზარზე დერეგულაციის პოლიტიკის მნიშვნელობაზე ისაუბრა. „ადამიანები უნდა მუშაობდნენ იმისთვის, რომ შექმნან დოვლათი. საქართველოში კი ადამიანები მუშაობის პროცესში დოვლათს ანადგურენებ, ამიტომაც   ყველა ვღატაკდებით.სტატისტიკის თაყვანისმცემელი არ ვარ, ის არ ასახავს რეალობას, არა იმიტომ,რომ  მაგალითად, დასამებულის...

„რაც უფრო მეტი დაზღვეული იქნება კერძო კორპორატიულ ქსელში ნებაყოფლობით, მეტად იქნება ფინანსური დაცულობის გარანტიები“

„რაც უფრო მეტი დაზღვეული იქნება კერძო კორპორატიულ ქსელში ნებაყოფლობით, მეტად იქნება ფინანსური დაცულობის გარანტიები“
access_time2019-05-26 10:00:32
„სადაზღვევო  ბაზრის განვითარების მნიშვნელოვანი წინაპირობაა კონკურენცია. დაზღვევა ყოველთვის ასოცირდებოდა ფინანსურ სექტორთან, ის არ ერევა სამედიცისო სერვისებში და არც ხარისხის მაკონტროლებელი ორგანიზაციაა. იგი რისკების მართვის ფინანსური ინსტიტუტია,რომელსაც შეუძლია ბევრი სიკეთე მოიტანოს ქვეყნის ეკონომიკისთვის. ამ ინსტიტუტს შეუძლია, შექმნას სამუშაო ადგილები, შესთავაზოს სხვადასხვა სიახლეები სერვისში, და თან, იყო დაზღვევის რისკების მართვის ეფექტური ინსტრუმენტი,” - განაცხადა პსპ დაზღვევის“...


მსგავსი სიახლეები

up