„სადაც არ უნდა იყო, რომელ სექტორში რა პოზიციაც არ უნდა გეკავოს , მნიშვნელოვანია აქცენტი ადამიანურ კავშირებზე გააკეთო“ - ამბობდა ვაზილ ჰუდაკი CZECHLEADERS.COM-თან ინტერვიუში.
ვაზილ ჰუდაკი ევროპის საინვესტიციო პანკის ვიცე-პრეზიდენტის პოზიციას 2016 წლის ოქტომბრიდან იკავებს. ის სლოვაკეთის პოლიტიკაში ჩართული იყო ჯერ კიდევ 2012 წლიდან ჯერ როგორც სახელმწიფო მდივანი ფინანსთა სამინისტრროში, 2015 წლიდან კი ეკონომიკის მინისტრი. ჰუდაკმა კარიერა ჩეხოსლოვაკიის საგარეო საქმეთა ფედერალურ სამინისტროში 1990 წლიდან დაიწყო. მოგვიანებით აღმოსავლეთ დასავლეთის არასამთავრობო ორგანიზაციაში მუშაობდა. 2006 წლიდან 2011 წლამდე კი კერძო სფეროში მოღვაწეობდა citigroup-სა და JPMORGAN CHASE BANK-ში.
საქართველოს პრემიერ-მინისტრის ახალი მრჩეველი ინვესტიციების დარგში, ვაზილ ჰუდაკი ამბობს, რომ ახლა საქართველოსთვის შესაძლებლობების პერიოდია. ამის შესახებ მან თავის წარდგენის დროს ისაუბრა.
“საქართველო არის ძალიან ახლოს ჩემს გულთან. საქართველოში ბევრჯერ ვყოფილვარ სხვადასხვა რანგში. ყველაზე ახლო პერიოდში ვიყავი ევროპის საინვესტიციო ბანკის ვიცე-პრეზიდენტი – ეს არის უმსხვილესი ინვესტორი საქართველოში და საქართველოს ეკონომიკაში”, – თქვა მან.
ჩვენ ვიზიარებთ ევროკავშირის სტრატეგიასა და პრიორიტეტებს და ჩვენთვის ძალიან მნიშვნელოვანია აღმოსავლეთ პარტნიორობის ექვს ქვეყანასთან თანამშრომლობა, - ამის შესახებ მან ბათუმში გამართული აღმოსავლეთის პარტნიორობის პირველ საინვესტიციო ფორუმზე გამოსვლისას განაცხადა.
მისი თქმით, ამ ქვეყნებში ბოლო ათი წლის მანძილზე 9 მილიარდი ევროს ინვესტიცია განხორციელდა, მათ შორის საქართველო ყველაზე მსხვილი მიმღებია ერთ სულ მოსახლეზე მიღებული ინვესტიციების მიხედვით.
“საქართველოში 2 მილიარდი ევროს ინვესტიცია გვაქვს განხორციელებული ინფრასტრუქტურისა და ენერგეტიკის, მუნიციპალური სექტორის, გზების მშენებლობის და სხვა პროექტებში. ევროპის საინვესტიციო ბანკი კვლავაც განაგრძობს საქართველოს, ისევე როგორც დანარჩენი ხუთი ქვეყნის მხარდაჭერას”, - განაცხადა ევროპის საინვესტიციო ბანკის ვიცე-პრეზიდენტმა.
მრჩეველი ამბობს, რომ საქართველოს რესურსები არ არის საკმარისი ყველა საჭიროების დასაკმაყოფილებლად და ამიტომ მნიშვნელოვანია სხვა რესურსების მობილიზება და კერძო სექტორის ჩაერთვა. ვაზილ ჰუდაკი აღნიშნავს, რომ მისი როლი სწორედ ამ ნაწილშია.
ჩვენ რთულ პერიოდში გვიწევს მუშაობა ერთად, ევროპაში გლობალური კოვიდის გამო, მაგრამ მიმაჩნია, რომ ეს რთული დრო არის შესაძლებლობების პერიოდიც. შესაძლებლობა გვაქვს, რომ გავიზარდოთ, განვითარდეთ ბევრი სხვადასხვა მიმართულებით, სხვადასხვა სფეროში უკეთესი ხარისხი შევქმნათ, შეერთებული შტატებიდან, ევროკავშირიდან და სხვა ქვეყნებიდან მოვიზიდოთ დახმარება. ჩვენ ვიცით, როგორ უნდა მოვახდინოთ ეკონომიკური სიტუაციის აღდგენა ინვესტიციების, მეტი ეკონომიკური განვითარების გზით. მიმაჩნია, რომ ეს არის საქართველოს მომავალი ევროკავშირში, - თქვა ჰუდაკმა.