საცხოვრებელი სახლების გაყიდვა შემცირდა, ფასები გაიზარდა

საცხოვრებელი სახლების გაყიდვა შემცირდა, ფასები გაიზარდა

access_time2019-11-07 19:45:29

TBC Research საცხოვრებელი უძრავი ქონების სექტორის 9 თვის ანალიზს აქვეყნებს, რომლის მიხედვითაც, თბილისში საცხოვრებელი სახლების გაყიდვები შემცირებულია როგორც რაოდენობის, ისე ფართის მიხედვით.


კერძოდ, მიმდინარე წლის მესამე კვარტალში გაყიდული აპარტამენტების რაოდენობამ თბილისში 8,204 შეადგინა, რაც გასული წლის ანალოგიურ პერიოდთან შედარებით 11.9%-ითაა შემცირებული. გაყიდული ფართის მოცულობამ 551,000 კვ.მ შეადგინა, კლება 11.4% (y.y).


მაშინ როდესაც წლიური შემცირება გარკვეულწილად შეიძლება აიხსნას მაღალი ბაზის გამო 2018-ში, როდესაც ორივე - მოთხოვნაც და მიწოდებაც მაღალი იყო, იპოთეკური სესხებით, მარეგულირებელი ჩარჩოს ცვლილებებიდან გამომდინარე. გაყიდვები კვარტალურადაც შემცირებულია, რასაც TBC Research სეზონურობით ხსნის. მეორე მხრივ ბაზრის აქტივობა კვლავ ძლიერი რჩება 2017 წელთან შედარებით.


ახალი საცხოვრებლების წილი კვლავ უფრო დიდია ტრანზაქციებში (64-64% გაყიდული რაოდენობისა და ფართის მიხედვით). მიმდინარე წლის 9 თვეში მომხმარებლებმა 15,108 ახალი სახლი შეიძინეს, ჯამური 1.1 მლნ კვ.მ-ით თბილისში, რაც შესაბამისად, 1.9% და 2.5%-ით არის შემცირებული (y.y).


9 თვეში შემცირება უფრო დიდი იყო ძველი სახლების შეძენაზე, ჯამში გაიყიდა 9,392 სახლი (კლება 7.8%; y.y ), რომლის ჯამურმა ფართმა 600,000 კვ.მ შეადგინა (კლება 2.5% y.y).


ადგილობრივი ვალუტის გაუფასურებამ შედეგად მოთხოვნის შემცირება გამოიწვია საცხოვრებელ უძრავ ქონებაზე. იპოთეკური სესხების ზრდის შემცირებასაც კი თავის მხრივ გაყიდვებში დანაკარგი მოჰყვა. ამის საპრევენციოდ კი დეველოპერები აქტიურად მონაწილეობენ გადახდების შიდა გადანაწილების სქემებზე.



მათი განცხადებით, იპოთეკურ სესხებზე ლარში საპროცენტო განაკვეთებმა ზრდა დაიწყო, რამაც ლარის იპოთეკური სესხები უფრო ხარჯიანი გახადა. ხოლო, შემცირებული რეზერვების მოთხოვნები უცხოურ ვალუტაში და სტაბილური ან გამყარებული ლარი შესაძლოა ხელშემწყობი გახდეს უცხოური ვალუტის იპოთეკური სესხების ზრდისთვის.


TBC Research-ის განცხადებით, საქართველოს ეროვნული ბანკის მჭიდრო პოლიტიკის გათვალისწინებით, მიმდინარე წლის სექტემბრის დასაწყისიდან ლარის საპროცენტო განაკვეთი 2პ.პ -ით გაიზარდა 8.5%-მდე, რაც შესაძლოა კიდევ უფრო გაიზარდოს.


2019 წლის 9 თვის მანძილზე ახალი საცხოვრებელი კორპუსების მშენებლობაზე გაცემული ნებართვები წინა წელთან შედარებით საგრძნობლად არის გაზრდილი. სულ გაცემულია 149 ახალი ნებართვა, რაც წინა წლის ანალოგიური პერიოდის მაჩვენებელზე 40%-ით მეტია, საერთო ფართით 703,000 კვ.მ (ზრდა 81%; y.y). ეს კი მათი თქმით, მიუთითებს იმაზე, რომ სამომავლო მიწოდება გაიზრდება.


ნებართვების გაცემის თვალსაზრისით აქტიური უბნები დიდი დიღომი, გლდანი და საბურთალო იყო.


TBC Research -ის განცხადებით, საერთო ფასის დონე ლარში გაზრდილია, თუმცა შემცირებულია დოლარში, რაც ადგილობრივი ვალუტის გაუფასურებით აიხსნება დოლარის მიმართ. 2018 წლის დეკემბერთან შედარებით, ლარში ფასის ინდექსი 6.6%-ითაა გაზრდილი, ხოლო დოლარში კი 4%-ითაა შემცირებული. ინფლაციასთან კორექტირების შედეგად, რეალური ფასის ინდექსი 4.9%-ითაა გაზრდილი ლარში. საპირისპირო ცვლილება უცხოურ ვალუტაში კი ლარის გაუსაფუსრებით აიხსნება.


მიმდინარე წლის მესამე კვარტალში საშუალო გაყიდვის ფასმა თბილისის აპარტამენტებზე 680$/კვ.მ (კლება 4.6%q.q) და 1970 ლარი / კვ.მ (ზრდა 1.2% q.q) შეადგინა.


ამავე პერიოდში, ახალი საცხოვრებელი ბინების ფასი 5.6%-ით შემცირდა დოლარში (q.q) და 0.1%-ით გაიზარდა (q.q) ლარში, რამაც შესაბამისად $705 და 2,040 ლარი შეადგინა. ძველი სახლების ფასი კი $640 (-2.8%; q.q) და 1,850 ლარი (+4.1% q.q) იყო.


TBC Research ელის, რომ მოკლევადიან პერიოდში, უცხოურ ვალუტაში დენომინირებული ფასი თბილისის საცხოვრებელი სახლებისთვის ზომიერად შემცირდება.


gbc.ge


თეგები:
TBC Research



რამდენ ხანს გავძლებთ ასე გაყინული?

რამდენ ხანს გავძლებთ ასე გაყინული?
access_time2020-04-02 18:40:38
ზურაბ გირჩი ჯაფარიძე სოციალურ ქსელ  Faceebok-ში სტატუსს აქვეყნებს, რომელსაც „კომერსანტი“ უცვლელად გთავაზობთ : „რელიგიური რიტუალების ჩატარება თუ შეიძლება გარკვეული წესების დაცვით,ისევე როგორც, (როგორც გაირკვა) ონლაინ გაყიდვების დაშვება თუ შეიძლება გარკვეული წესების დაცვით. ან სასურსათო მაღაზიების და აფთიაქების მუშაობა თუ შეიძლება გარკვეული წესების დაცვით. რატომ არ შეიძლება რომ რესტორანმა/კაფემ იფუნქციონიროს გარკვეული წესები...

2 აპრილი - ქართული ლარი და თურქული ლირა მყარდება

2 აპრილი - ქართული ლარი და თურქული ლირა მყარდება
access_time2020-04-02 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდებოდა, სამეზობლოში ვალუტის კურსები კი ან მცირედით და ეტაპობრივად უფასურდება, ან მყარდება. თუმცა, ბოლო კვირის განმავლობაში ლარის კურსი გამყარების ტენდენციით ხასიათდება.   ეროვნული ბანკის მიერ გამოქვეყნებული 1 აპრილის ვაჭრობის შედეგად, ქართული ლარის კურსი 6 თეთრით გამყარდა და ერთი აშშ დოლარის...

რუსული ნავთობის ფასმა ახალ რეკორდულ მინიმუმს მიაღწია

რუსული ნავთობის ფასმა ახალ რეკორდულ მინიმუმს მიაღწია
access_time2020-04-02 18:15:56
რუსული ურალსის ტიპის ნავთობის ფასი ახლა ერთ ბარელზე 11 დოლარზე ნაკლებია.  ასეთ სიტუაციაში ბიუჯეტი ნავთობის გადასახადებისგან პრაქტიკულად შემოსავალს ვერ იღებს, ხოლო კომპანიებს ევროპაში ნავთობის გაყიდვა აღარ უღირთ. ურალსის ტიპის რუსული ნავთობის ღირებულება ჩრდილო-დასავლეთ ევროპაში 1 აპრილს 10,54 დოლარამდე დაეცა და ახალი ანტირეკორდი დაამყარა-  ამის შესახებ სააგენტო Argus-ი წერს. ასეთი მინიმუმი 1999 წლის შემდეგ არ დაფიქსირებულა. ურალს-ის ნავთობის პარტიის ფასი...

დღის Top-10 საინტერესო ამბავი

დღის Top-10 საინტერესო ამბავი
access_time2020-04-02 21:30:11
დღის Top-10 საინტერესო ამბავი 1.„საქართველოს ეკონომიკის რეაბილიტაციისთვის საერთაშორისო ინსტიტუტებიდან მაქსიმალური თანხის მობილიზებაა საჭირო, თუმცა სესხიც დაგვჭირდება“ კორონავირუსის პანდემიის შედეგად მსოფლიო ეკონომიკა კრიზისულ ფაზაში შედის და ეს ყველაზე...

„გარდამავალ სტადიაში ვართ, მაგრამ მშენებლობებს არ ვაჩერებთ“

„გარდამავალ სტადიაში ვართ, მაგრამ მშენებლობებს არ ვაჩერებთ“
access_time2020-04-02 16:15:00
2020 წლის 30 მარტის დადგენილებით. საქართველოს მთავრობამ ყველა დეველოპერული მშენებლობა შეაჩერა.  შესაბამისი ცვლილება „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ მთავრობის დადგენილებაში შევიდა. თუმცა, დღეს  საქართველოს მთავრობის №211 დადგენილების თანახმად რამდენიმე ეკონომიკური საქმიანობა, მათ შორის მშენებლობა და კომპიუტერული ტექნიკით დისტანციურად ვაჭრობა დასაშვები ხდება.   დეველოპერებს ახლა იმის...


მსგავსი სიახლეები

up