საცხოვრებელი სახლები ყველაზე ძვირი​ ჰონგ-კონგში ღირს

საცხოვრებელი სახლები ყველაზე ძვირი​ ჰონგ-კონგში ღირს

access_time2019-04-14 20:20:30

სახლის ყიდვა ყველაზე ძვირი გლობალურ დონეზე ჰონგ-კონგშია. ამ დასკვნამდე უძრავი ქონების მომსახურებისა და ინვესტიციების მსოფლიო ლიდერი კომპანია, ამერიკული „სიბიარი“ მივიდა, რომელმაც რიგით მეხუთე კვლევა გამოაქვეყნა.


კვლევამ საცხოვრებელი ფართების ბაზარი მსოფლიოს მასშტაბით 35 ქალაქში მოიცვა.


„სიბიარი“ უძრავი ქონების ბაზრის გლობალურ ანგარიშს მეხუთე წელია აქვეყნებს და ხუთივე კვლევაში ზედიზედ სახლების სიძვირის მხრივ ჰონგ-კონგი პირველია, მეორე ადგილს სინგაპური იკავებს, ხოლო მესამე პოზიციაზეა შანხაი.


ბოლო კვლევის მიხედვით, ზოგადად, 2019 წელს ყველაზე ძვირი უძრავი ქონების ბაზარი აზიის რეგიონშია.


ანგარიშის მიხედვით, ჰონგ-კონგში საცხოვრებელი სახლის საშუალო ფასი მიმდინარე წელს 1.2 მილიონ დოლარს აჭარბებს. საცხოვრებელ სახლებზე მაღალმა მოთხოვნამ და მწირმა მიწოდებამ უძრავი ქონების ფასი ამ ქალაქში უკვე „მიუწვდომელ“ სიმაღლემდე აიყვანა.


საცხოვრებელი ფართის ფასის მიხედვით, მსოფლიოს ათ ყველაზე ძვირ ქალაქებს შორის ჩინური ქალაქებიდან მეცხრე ადგილზე მოხვდა ჩინეთის დედაქალაქი პეკინი და ქალაქი შენჯენი მეხუთეზე.


ჩრდილოეთ ამერიკის კონტინენტზე კი, ყველაზე ძვირ ქალაქად დასახელდა ვანკუვერი, სადაც საცხოვრებელი ბინის საშუალო ფასი 815 322 დოლარია. საცხოვრებელი ფართის სიძვირის მიხედვით მსოფლიოს ათეულში ვანკუვერი მეოთხე ადგილზეა.


რეიტინგის ათეულში არიან ნიუ-იორკი და ლოს-ანჟელესიც.


ლონდონი კი, მსოფლიო რეიტინგში რიგით მერვეა, მაგრამ ევროპის მასშტაბით პირველობს. ბრიტანეთის დედაქალაქში სახლის საშუალო ფასი 646 973 დოლარია.


გამოკვლეულ ქალაქებს შორის საცხოვრებელი ფართის ფასი ყველაზე იაფი აღმოჩნდა: თურქეთის ქალაქ სტამბულში, ვიეტნამის ერთ-ერთ მსხვილ ქალაქ ჰო ჩი მინსა და ტაილანდის დედაქალაქ ბანკოკში.


ამასთან, კვლევის მიხედვით, საცხოვრებელი ფართის ფასი ყველაზე სწრაფად ბარსელონაში, დუბლინსა და შანხაიში იმატებს.


სახლის ქირის სიძვირის მხრივ კი, მსოფლიოში ნიუ-იორკი ლიდერობს, სადაც ბინის ყოველთვიური გადასახადი საშუალოდ 2 844 დოლარამდეა. ქირის სიძვირის მხრივ, ნიუ-იორკს აბუ-დაბი და ჰონგ-კონგი მოყვება. ორივე ქალაქში ბინის ქირა 2700 დოლარს აჭარბებს.


წლიურ დონეზე ბინის ქირა ყველაზე მაღალი მაჩვენებლით, 20 პროცენტით პორტუგალიის დედაქალაქ ლისაბონში გაიზარდა.


ქირის თვალსაზრისით, ყველაზე იაფი ქალაქებია ბანკოკი, სტამბოლი და მონრეალი.


1tv.ge


თეგები:
სახლი



რატომღაც გვგონია, რომ მთელი მსოფლიოს დიდი კომპანიები უნდა შეიკრიბონ და გამოვარდნენ საქართველოში ინვესტიციების ჩასადებად - ბიზნესი ტრამპის მესიჯებს აფასებს

რატომღაც გვგონია, რომ მთელი მსოფლიოს დიდი  კომპანიები უნდა შეიკრიბონ და გამოვარდნენ საქართველოში ინვესტიციების ჩასადებად - ბიზნესი ტრამპის მესიჯებს აფასებს
access_time2020-05-28 10:00:28
„ჩვენი ამბიციები გაცილებით დიდია,  ვიდრე ჩვენი ეკონომიკის ზომა.  რატომღაც გვგონია, რომ მთელი მსოფლიოს დიდი  კომპანიები უნდა შეიკრიბონ და გამოვარდნენ საქართველოში ინვესტიციების ჩასადებად.  თითებზე ჩამოსათვლელია სერიოზული კომპანიების რიცხვი, ვინც  საქართველოში უკვე შემოვიდა. იმიტომ, რომ არ ვართ საინტერესო მათთვის - ვართ პატარა შესაძლებლობების, პატარა ქვეყანა , ენერგიის წყარო არ გაგვაჩნია. ერთადერთი, რაც შევძელით იყო ის, რომ დიდ...

ხორცპროდუქტების მწარმოებელი კომპანია „იბერმითი“ „ქართული ხორცის კომპანიამ“ შეიძინა

ხორცპროდუქტების მწარმოებელი კომპანია „იბერმითი“   „ქართული ხორცის კომპანიამ“  შეიძინა
access_time2020-05-28 10:50:23
ხორცპროდუქტების მწარმოებელი კომპანია „იბერმითს“   ახალი მფლობელი ჰყავს. საუბარია, „ქართული ხორცის კომპანიაზე“. როგორც ცნობილია, კომპანიას ფინანსური პრობლემები 2016  წელს შეექმნა, რის გამოც აღსრულების ეროვნულმა ბიურომ „იბერმით ჰოლდინგის“ ქონება აუქციონზეც გაიტანა. თუმცა, შემდეგ აუქციონი იმ პირობით გაუქმდა, რომ კომპანია დაგროვილი ვალების ეტაპობრივად გადახდას შეძლებდა. საბოლოოდ, ნატახტრის ქარხანა ბანკების ხელში აღმოჩნდა. გასული წლის ნოემბერში კი ობიექტი...

ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ

ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ
access_time2020-05-27 18:00:17
2019 წელი ფინკა ბანკისთვის ახალი ინიციატივებისა და შესაძლებლობების წელი იყო. ბანკისთვის მნიშვნელოვანი გამოწვევა 2018 წლის მეორე კვარტალში მაკროეკონომიკური ცვლილებები და ეროვნული ბანკის მიერ გატარებული  ღონისძიებები აღმოჩნდა. მიუხედავად ამ გარემოებებისა, ფინკა ბანკის 2019 წლის წმინდა მოგებამ 6 792 588  ლარი შეადგინა და დადებითი ინდიკატორებით დასრულდა საფინანსო წელი: მოგება კაპიტალზე (ე.წ. უკუგება საშუალო კაპიტალზე) - ROE 13.19%, ხოლო მოგება აქტივებზე (ე.წ. უკუგება აქტივებზე) - ROA...

გერმანიაში აშშ-ის ელჩი – გერმანიამ უნდა შეწყვიტოს მხეცის (რუსეთის) „გამოკვება“

გერმანიაში აშშ-ის ელჩი – გერმანიამ უნდა შეწყვიტოს მხეცის (რუსეთის) „გამოკვება“
access_time2020-05-27 20:30:34
გერმანიაში აშშ-ის ელჩის, რიჩარდ გრენელის ინფორმაციით, რუსულ გაზსადენ „ჩრდილოეთის ნაკადი-2“-ის წინააღმდეგ ახალი სანქციების დაწესება იგეგმება. რიჩარდ გრენელის თქმით, ამ ნაბიჯს მხარს რესპუბლიკელები და დემოკრატები უჭერენ. ელჩს არ დაუკონკრეტებია, რა სახის სანქციების განხილვა მიმდინარეობს კონგრესში, თუმცა როგორც გერმანული მედია იუწყება, სავარაუდოდ საუბარია შეზღუდვების დაწესებაზე იმ კომპანიების წინააღმდეგ, რომლებიც ამ გაზსადენით რუსულ ბუნებრივ აირს...

ვინ რა ჰკითხა გიორგი გახარიას

ვინ რა ჰკითხა გიორგი გახარიას
access_time2020-05-27 18:55:44
პარლამენტში ანგარიშის წარსადგენად მისული საქართველოს პრემიერ მინისტრი გიორგი გახარია საკანონმდებლო ორგანოში დეპუტატების კითხვებს ამ დრომდე პასუხობს. „კომერსანტი“ გთავაზობთ იმ კითხვა-პასუხების ნაწილს, რომელიც საკანონმდებლო ორგანოში  დაისვა და მთავრობის მეთაურის მიერ  პასუხებიც გაეცა. ეკონომიკისა და ეკონომიკური პოლიტიკის კომიტეტის...


მსგავსი სიახლეები

up