საბერძნეთის მასშტაბით მდებარე ყველა აეროპორტი აქტიურ მზადებაშია, რომ 1 ივლისისთვის ფრენები აღდგეს და ტურისტებს უმასპინძლონ. ეს ყველაფერი დიდ სირთულეებთან იქნება დაკავშირებული, ვინაიდან კორონავირუსის ეპოქაში არაფერი აღარ არის ისე, როგორც ადრე იყო.
როგორც უკვე ცნობილია, ტურისტებს შერჩევითად ჩაუტარდებათ ტესტები და იმ შემთხვევაში, თუ ვირუსი მოგვიანებით ან მაშინვე დაუდგინდებათ, სასტუმროში გაივლიან 14 დღიან კარანტინს და საჭირო ხარჯებს საბერძნეთის სახელმწიფო დაფარავს.
კერძოდ, ჯანდაცვის სამინისტრო იუწყება იმ წესებისა და რეკომენდაციების შესახებ, რომლებიც აეროპორტებში ოთხშაბათიდან, 1 ივლისიდან იმოქმედებს ტურისტებისთვის:
ანტისეპტიკური საშუალების ხშირი გამოყენება.
1.ნიღბის ტარება.
2.ხელის დაბანა თუკი არ არის ანტისეპტიკური გელის გამოყენების საშუალება.
3.მაქსიმალური თავშეკავება პირის, ცხვირისა და თვალების შეხებისგან.
4.ნიღბები და ხელთათმანები, რომლებიც უკვე გამოყენებულია, უნდა გადაიყაროს ნაგვის დახურულ ყუთებში.
5.დაცემინებისა და ხველისას აუცილებელია მოხრილი ხელის ან ხელსახოცების გამოყენება, რომელიც შემდეგ უნდა გადაიყაროს ასევე დახურულ ყუთში.
6.აუცილებელია დისტანციის დაცვა (1.5-2 მეტრი).
7.თავიდან უნდა იქნას არიდებული ლიფტების გამოყენება.
უპირატესობა უნდა მიენიჭოს სხვადასხვა აუცილებელი პროცედურების ელექტრონულად განხორციელებას (ნაცვლად პირადად მისვლისა).
თავის მხრივ, პერსონალსაც ევალება დისტანციის დაცვა და პირბადის გამოყენება. ყველა აეროპორტში სხვადასხვა ზედაპირები, საპირფარეშოები უნდა დასუფთავდეს სველი წესით, ძალიან ხშირად.
აეროპორტებსა და თვითმფრინავების ბორტებზე იარსებებს ინსტრუქციები მგზავრთათვის, სხვადასხვა ენაზე.
საბერძნეთი 
