საბავშვო ბაღი, სკოლა და კვების ობიექტები, სადაც კრიტიკული შეუსაბამობა დაფიქსირდა

საბავშვო ბაღი, სკოლა და კვების ობიექტები, სადაც კრიტიკული შეუსაბამობა დაფიქსირდა

access_time2020-02-14 12:32:08

სურსათის ეროვნული სააგენტომ 2019 წლის მე-4 კვარტლის კონტროლის შედეგები გამოაქვეყნა. შემოწმებულ საწარმოებს შორის არის: კვების ობიექტები, საბავშვო ბაღები, მაღაზიები.


„ბიზნესპრესნიუსი“ სეს-ის მიერ გამოქვეყნებულ მონაცემებზე დაყრდნობით, გთავაზობთ, კაფე/ბარების, სკოლის-საბავშვო ბაღის სასადილოების, აგრარული ბაზრების ჩამონათვალს, სადაც შემოწმების შედეგად, კრიტიკული შეუსაბამობა დაფიქსირდა.


შპს „მასტერ ფუდი“ (საშაურმე) - სავენტილაციო სისტემა დაბინძურებულია, წარმოიქმნება კონდენსატი, რომელიც წვეთავს იქ, სადაც მიმდინარეობს წარმოების ღია პროცესი.


შპს „გურმანი IX“ (კაფე-ბარი, რესტორანი) - სამზარეულოს ჭერიდან ცვივა ნაწილაკები; გამწოვზე ფიქსირდება კონდენსატი; სამზარეულოს ინვენტარი არ ექვემდებარება სრულყოფილ რეცხვა/დეზინფექციას; სურსათის შესაფუთი მასალა არ ინახება სათანადო პირობებში.


თბილისის №100 საბავშვო ბაგა-ბაღი (საჯარო ბაგა-ბაღის ბუფეტი) - სათავსოში, სადაც ხდება სურსათის წარმოება/გადამუშავების ღია პროცესი, აღმოჩენილია მწერები.


შპს „ლეგო 2011“ (აგრარული ბაზარი, წინამძღვრიშვილის ქ. 186) - ყველის სექციაში ( ფ.პ დალი წულაიას და ფ.პ მზია თითბერიძის) დახლებში დარღვეულია ყველის შენახვის ტემპერატურული რეჟიმი.


შპს „სამგორი 2004“ (აგრარული ბაზარი, მოსკოვის გამზირი 6) - შენახვა/რეალიზაციის ეტაპზე არ არის დაცული ნორმატიული აქტებით ან ბიზნესოპერატორის მიერ დადგენილი სურსათის შენახვის სათანადო ტემპერატურა.


შპს მ.ზ. (აგრარული ბაზარი, „დიდუბის“ მეტროს მ/ტ) - იმ სათავსოში (ხორცის დასაჭრელ კუნძთან), სადაც მიმდინარეობს სურსათის წარმოება/გადამუშავების ღია პროცესი, კედელი არ ექვემდებარება დასუფთავება/დეზინფექციას; არ სუფთავდება სამზარეულოს ინვენტარი.


შპს „ანტრე 2008“ (კაფე-ბარი, რესტორანი, გაგარინის ქ. #25) - იმ სათავსოს დაკიდულ კონსტრუქციაზე (გამწოვი), სადაც მიმდინარეობს სურსათის წარმოების/გადამუშავების ღია პროცესი, ხდება კონდენსატის წარმოქმნა და სურსათის დაბინძურება; წარმოების, გადამუშავების, დისტრიბუციის, მათ შორის შენახვის ეტაპებზე, არ არის დაცული ნორმატიული აქტებით ან ბიზნესოპერატორის მიერ დადგენილი, სურსათის შენახვის სათანადო ტემპერატურა; გადასაზიდი სატრანსპორტო საშუალება არ იძლევა სურსათისთვის საჭირო ტემპერატურის რეჟიმის შენარჩუნების და აღრიცხვის შესაძლებლობას.


შპს „ჯორჯიან გრუპი“ (კაფე-ბარი, რესტორანი, მარჯანიშვილი ქ. #5) იმ სათავსოს დაკიდულ კონსტრუქციებზე, სადაც მიმდინარეობს სურსათის წარმოების/გადამუშავების ღია პროცესი, ხდება კონდენსატის წარმოქმნა და სურსათის დაბინძურება.


შპს „ფასანაური 2015“ (კაფე-ბარი, რესტორანი, ვ. გორგასლის ქ #1) - დარღვეულია ტექნოლოგიური პროცესების ნაკადურობა. ცომსაზელი განთავსებულია გასახდელსა და საწყობის სივრცეში; კედლები ცომსაზელთან დაზაინებულია, ხდება ცვენა იქ, სადაც მიმდინარეობს წარმოების ღია პროცესი; ცომსაზელის თავზე და სალათების მოსამზადებელი მაგიდის თავზე ჭერი დაზიანებულია, ხდება ნაწილაკების ცვენა იქ, სადაც მიმდინარეობს წარმოების ღია პროცესი; შესაფუთი მასალა არ ინახება ისეთ მდგომარეობაში, რომ გამოირიცხოს რაიმე სახით დაბინძურება.



შპს „სფაის გარდენ“ (კაფე-ბარი, რესტორანი, დავით აღმაშენებლის გამზ. N123) - იმ სათავსოს ჭერზე და დაკიდულ კონსტრუქციებზე, სადაც მიმდინარეობს სურსათის წარმოების/გადამუშავების ღია პროცესი, ხდება კონდენსატის წარმოქმნა და სურსათის დაბინძურება; არ ხდება იმ საგნების, აღჭურვილობების, მოწყობილობებისა და ზედაპირების დასუფთავება და საჭიროების შემთხვევაში დეზინფექცია, რომელიც შეხებაშია სურსათთან.


შპს „იფქლი პირველი“ (პურის საცხობი, თონე, ვაშლიჯვარი, გოძიაშვილის ქ. #22/24) - პურის საცხობ ღუმელებთან ჭერში ხდება კონდენსატის წარმოქმნა და წვეთა წარმოების ღია პროცესზე; ჭერის ნაწილი პურის საცხობ საამქროში დაზიანებულია და ცვივა ნაწილაკები.


მერაბი დვალი (სასადილო, აბასთუმნის ქ. №1) - სამზარეულოში არის დიდი რაოდენობით მწერი; კედლის ნაწილი დაზიანებულია იქ, სადაც მიმდინარეობს წარმობის ღია პროცესი. არ ექვემდებარება რეცხვა დეზინფექციას; ჭერის ნაწილი დაზიანებულია იქ, სადაც მიმდინარეობს წარმოების ღია პროცესი. არ ექვემდებარება რეცხვა დეზინფექციას; გამწოვი სავენტილაციო სისტემა არის ჭუჭყიანი, ხდება კონდენსატის წარმოქმნა და წვეთა იქ, სადაც მიმდინარეობს წარმოების ღია პროცესი; სურსათთან შეხებაში მყოფი ჭურჭლისა და აღჭურვილობის (თასები, დანები, ჩამჩები, ქვაბები) რეცხვა დეზინფექცია არ ხდება; ინვენტარის (თასები, ქვაბები) ნაწილი კოროზირებულია.


შპს „კ და მ რესტორნები 1“ (კაფე-ბარი, რესტორანი, რუსთაველის ქუჩა N 2/4) სავენტილაციო სისტემაზე (რომლის ქვეშაც ხინკალი იხარშება) წარმოიქმნება კონდენსატი.


შპს „გრანდი“ (სწრაფი კვების ობიექტი, აკაკი წერეთლის გამზირი 142 მოპირდაპირედ) - არასათანადო პირობები

ი/მ თორნიკე სისაური (სკოლის ბუფეტი/სამზარეულო, აკ.წერეთლის გამზ N42) - ნედლეული ინახება არასათანადო პირობებში.


შპს „ბოჰემა“ (კაფე-სახაჭაპურე, გრიშაშვილის ქ. N11) - სამზარეულოს სავენტილაციო სისტემა არ არის სუფთა მდგომარეობაში.წარმოიქმნება კონდენსატი.ლამზირა ბიგანაშვილი (კაფე-ბარი, რესტორანი, ჭიაურელის N38) - იმ სათავსოში, სადაც მიმდინარეობს სურსათის წარმოებისა და გადამუშავების ღია პროცესი, სავენტილაციო სისტემაზე წარმოიქმნება კონდენსატი და ბინძურდება სურსათი.


შპს ელელ ჯგუფი (საშაურმე, დიღმის მასივი IV და V კვარტალს შორის არსებულ ტექსელის ხეივანში არსებული შენობა 49) - გამწოვი სავენტილაციო სისტემა არის დაბინძურებული, გროვდება კონდენსატი.


ი/მ თორნიკე სისაური (სკოლის ბუფეტი/სამზარეულო, ბაქოს ქ. N1) - არ ხდება იმ საგნების, აღჭურვილობებისა, მოწყობილობებისა და ზედაპირების დასუფთავება და დეზინფიცირება, რომელიც შეხებაშია სურსათთან.


შპს Aladashvili&co (სოციალურად დაუცველი ბენეფიციარების მომსახურება/სასადილო, ტურგენევის ქ. N1) - იმ სათავსოში, სადაც ხდება სურსათის წარმოება/გადამუშავების ღია პროცესი, აღმოჩენილია მწერები.


შპს ლუდის ქარხანა ჩემო კარგო (კაფე-ბარი, რესტორანი, ბელიაშვილის ქ. #25) - სურსათში აღმოჩენილია პათოგენური მიკროორგანიზმი, რომელმაც შესაძლოა, რისკი შეუქმნას ადამიანის სიცოცხლეს და ჯანმრთელობას; სურსათის შესაფუთი მასალა არ ინახება სათანადო პირობებში და წარმოადგენს სურსათის დაბინძურების წყაროს.


შპს ,,ფენიქსი'' (კაფე-ბარი, რესტორანი, დ.აღმაშენებლის გამზ 42) - იმ სათავსოში, სადაც ხდება სურსათის წარმოება/გადამუშავების ღია პროცესი, აღმოჩენილია მწერები.


შპს „კუში ინდიან ფუდ“ (კაფე-ბარი, რესტორანი, მერაბ კოსტავას ქ #44) - სამზარეულოში, სადაც მიმდინარეობს სურსათის/წარმოება/გადამუშავების ღია პროცესი ჭერი არ ექვემდებარება დასუფთავებას ან/და დეზინფექციას და აღნიშნულმა შეიძლება გამოიწვიოს სურსათის დაბინძურება; არ არის დაცული სურსათის შენახვის ტემპერატურული რეჟიმი.


ი.მ დავით სარდლიშვილი (სასადილო, აღმაშენებლის ხეივანი 12 კმ) - ანტისანიტარია, კონდენსატის დაგროვება, სამზარეულოს არასათანადო ინვენტარი.


შპს „დეიდრიმ უნივერსალ საქართველო“ (სასადილო, ვარკეთილის მეტროს მ.ტ) - დაბინძურებულია სავენტილაციო სისტემა, გროვდება კონდენსატი; არ ტარდება სათანადო რეცხვა-დეზინფექცია.


ლელა ცხვარაძე (კაფე-ბარი, რესტორანი. თემქა მე-3 მ/რ, მე-5 კვ. მე-16 მ/ტ) - გროვდება კონდენსატი და ბინძურდება სურსათი.


შპს ფუდტოპია (სწრაფი კვების ობიექტი, რუსთაველის გამზ N2-4) - კონდენსატის დაგროვება, ნივთების არსათანადო რეცხვა-დეზინფიცირება.


გია ჩიგოგიძე (საცხობი, ცაბაძის ქ. 8, ფაცხები) - კედლები და ჭერი არ ექვემდებარება დასუფთავებას ან/და დეზინფექციას და აღნიშნულმა შესაძლებელია გამოიწვიოს სურსათის დაბინძურება; არ სუფთავდება და კოროზირებულია საგნები და აღჭურვილობები.


bpn.ge





რამდენ ხანს გავძლებთ ასე გაყინული?

რამდენ ხანს გავძლებთ ასე გაყინული?
access_time2020-04-02 18:40:38
ზურაბ გირჩი ჯაფარიძე სოციალურ ქსელ  Faceebok-ში სტატუსს აქვეყნებს, რომელსაც „კომერსანტი“ უცვლელად გთავაზობთ : „რელიგიური რიტუალების ჩატარება თუ შეიძლება გარკვეული წესების დაცვით,ისევე როგორც, (როგორც გაირკვა) ონლაინ გაყიდვების დაშვება თუ შეიძლება გარკვეული წესების დაცვით. ან სასურსათო მაღაზიების და აფთიაქების მუშაობა თუ შეიძლება გარკვეული წესების დაცვით. რატომ არ შეიძლება რომ რესტორანმა/კაფემ იფუნქციონიროს გარკვეული წესები...

2 აპრილი - ქართული ლარი და თურქული ლირა მყარდება

2 აპრილი - ქართული ლარი და თურქული ლირა მყარდება
access_time2020-04-02 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდებოდა, სამეზობლოში ვალუტის კურსები კი ან მცირედით და ეტაპობრივად უფასურდება, ან მყარდება. თუმცა, ბოლო კვირის განმავლობაში ლარის კურსი გამყარების ტენდენციით ხასიათდება.   ეროვნული ბანკის მიერ გამოქვეყნებული 1 აპრილის ვაჭრობის შედეგად, ქართული ლარის კურსი 6 თეთრით გამყარდა და ერთი აშშ დოლარის...

რუსული ნავთობის ფასმა ახალ რეკორდულ მინიმუმს მიაღწია

რუსული ნავთობის ფასმა ახალ რეკორდულ მინიმუმს მიაღწია
access_time2020-04-02 18:15:56
რუსული ურალსის ტიპის ნავთობის ფასი ახლა ერთ ბარელზე 11 დოლარზე ნაკლებია.  ასეთ სიტუაციაში ბიუჯეტი ნავთობის გადასახადებისგან პრაქტიკულად შემოსავალს ვერ იღებს, ხოლო კომპანიებს ევროპაში ნავთობის გაყიდვა აღარ უღირთ. ურალსის ტიპის რუსული ნავთობის ღირებულება ჩრდილო-დასავლეთ ევროპაში 1 აპრილს 10,54 დოლარამდე დაეცა და ახალი ანტირეკორდი დაამყარა-  ამის შესახებ სააგენტო Argus-ი წერს. ასეთი მინიმუმი 1999 წლის შემდეგ არ დაფიქსირებულა. ურალს-ის ნავთობის პარტიის ფასი...

დღის Top-10 საინტერესო ამბავი

დღის Top-10 საინტერესო ამბავი
access_time2020-04-02 21:30:11
დღის Top-10 საინტერესო ამბავი 1.„საქართველოს ეკონომიკის რეაბილიტაციისთვის საერთაშორისო ინსტიტუტებიდან მაქსიმალური თანხის მობილიზებაა საჭირო, თუმცა სესხიც დაგვჭირდება“ კორონავირუსის პანდემიის შედეგად მსოფლიო ეკონომიკა კრიზისულ ფაზაში შედის და ეს ყველაზე...

„გარდამავალ სტადიაში ვართ, მაგრამ მშენებლობებს არ ვაჩერებთ“

„გარდამავალ სტადიაში ვართ, მაგრამ მშენებლობებს არ ვაჩერებთ“
access_time2020-04-02 16:15:00
2020 წლის 30 მარტის დადგენილებით. საქართველოს მთავრობამ ყველა დეველოპერული მშენებლობა შეაჩერა.  შესაბამისი ცვლილება „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ მთავრობის დადგენილებაში შევიდა. თუმცა, დღეს  საქართველოს მთავრობის №211 დადგენილების თანახმად რამდენიმე ეკონომიკური საქმიანობა, მათ შორის მშენებლობა და კომპიუტერული ტექნიკით დისტანციურად ვაჭრობა დასაშვები ხდება.   დეველოპერებს ახლა იმის...


მსგავსი სიახლეები

up