მსხვილმა ამერიკულმა ბანკებმა პანდემიური შოკიდან გამოსვლა დაიწყეს.

JP Morgan, Goldman Sach და Wells Fargo-მ 2021 წლის 3 კვარტლის ფინანსური შედეგები გამოაქვეყნეს. როგორც ციფრებიდან ჩანს, ეს ბანკების კრიზისიდან პირველები გამოდიან, რაც აშშ-ს ეკონომიკის აღდგენაზე მეტყველებს.

JPMorgan

პირველ კვარტალში JPMorgan-ის მოგება 5-ჯერ გაიზარდა, 2021 წლის პირველ კვარტალში ამ მაჩვენებელმა 14,3 მლრდ. დოლარი შეადგინა, მაშინ, როდესაც 2020 წლის ანალოგიურ პერიოდში - 2,8 მლრდ. ასევე გაზრდილია აქციების მომგებიანობა - 0,78-დან 4,5 დოლარამდე.

მოგების ასეთი ზრდა ბანკის მიერ რეზერვებიდან 5,2 მლრდ დოლარის გამონთავისუფლებამ გამოიწვია, 1 წლის წინ, პანდემიის დასაწყისში JP Morgan-მა რეზერვები 6,9 მლრდ-ით გაზარდა.

ბანკები თითქმის ნულოვანი საპროცენტო განაკვეთით გამოწვეული შოკიდან გამოდიან, პანდემიის გავლენა კი მოსალოდნელზე სუსტი აღმოჩნდა. ამან კი მათ რეზერვების გამონთავისუფლების შესაძლებლობა მისცა.

JP Morgan-ის შემოსავალი საანგარიშო პერიოდში 14%-ით, 32,3 მლრდ. დოლარამდე გაიზარდა, რაც პროგნოზირებულ მაჩვენებელს (30,5 მლრდ.) მნიშვნელოვნად აღემატება. ყველაზე დიდი ზრდა ბანკის საინვესტიციო და კორპორაციულმა ქვეგანაყოფებმა აჩვენეს.

პარალელურად, სამომხმარებლო სეგმენტში კი პირიქით, 2020 წლის პირველ კვარტალთან შედარებით შემოსავალი 6%-ით შემცირდა.

კარგი ფინანსური შედეგების მიუხედავად, 14 აპრილს ბანკის აქციების ღირებულება 1,9-ით შემცირდა.

Goldman Sachs

ბანკმა რეკორდული შემოსავლის და მოგების მიღება მოახერხა, რაც ეკონომიკის აღდგენით და საფონდო ბაზრის სწრაფი ზრდითაა გამოწვეული. გასათვალისწინებელია ისიც, რომ Goldman Sachs ძირითადად საინვესტიციო ბანკია და ნაკლებად მომგებიან სამომხმარებლო სეგმენტში არ მუშაობს.

ფინანსური ინსტიტუტის შემოსავალმა 2020 წლის პირველი კვარტლის მონაცემებს 2-ჯერ გადააჭარბა და რეკორდულ 17,7 მლრდ. დოლარს მიაღწია. ასევე 5,6-ჯერ, 6,8 მლრდ. დოლარამდეა გაზრდილი მოგებაც.

საინვესტიციო სექტორის შემოსავალმა 3,7 მლრდ. დოლარი შეადგინა, ხოლო საფონდო ბაზრებზე ვაჭრობის განყოფილების - 7,5 მლრდ.-მდე.

კვარტალური ანგარიშის გამოქვეყნების შემდეგ Goldman Sachs-ის აქციების ფასი 3,5%-ით გაიზარდა.

Wells Fargo

ბანკის კვარტალურმა შედეგებმა ყოველგვარ მოლოდინებს გადააჭარბა - სუფთა მოგება 2020 წლის პირველ კვარტალთან შედარებით 7-ჯერ, 653 მლნ.-იდან 4,7 მლრდ.-მდე გაიზარდა. 

ისევე, როგორც JP Morgan-მა, Wells Fargo-მ დანაკარგების რეზერვები 1 მლრდ. დოლარით შეამცირა, რაც მოგების მნიშვნელოვანი ზრდის მიზეზი გახდა.

ბანკის შემოსავალი 2%-ით, 18 მლრდ. დოლარამდე გაიზარდა, 2020 წლის პირველ კვარტალში ამ მონაცემმა 17,7 მლრდ. დოლარი შეადგინა.

rbc.ru

მოამზადა თენგიზ აბლოთიამ