საბანკო სესხების ჯამურმა მოცულობამ 2021 წლის 1-ლი იანვრისთვის $38.8 მლრდ-ს მიაღწია, რომლის 64.8% - ₾25.1 მლრდ უძრავი ქონებითაა უზრუნველყოფილი. ერთი წლის განმავლობაში უძრავი ქონების უზრუნველყოფით გაცემული სესხების მოცულობა ₾6 მლრდ-ით გაიზარდა.
თუ მთლიან სესხებში ლარიზაციის მაჩვენებელი სამომხამრებლო სესხების ხარჯზე 45%-ს აღწევს, უძრავი ქონებით უზრუნველყოფილ სესხებში ის 33.6%-მდე მცირდება.
როგორც ლარში, ასევე უცხოურ ვალუტაში უძრავი ქონებით უზრუნველყოფილი სესხების აბსოლუტური უმრავლესობა 1 წელზე მეტი ვადისაა, კერძოდ ლარში ის 94%-ს აღწევს, უცხოურ ვალუტაში 94.5%-ს.
ლარში გაცემული უზღუნველყოფილი სესხების 67% ფიზიკურ პირებზე მოდის, სურათი იცვლება უცხოური ვალუტის შემთხვევაში, სადაც ფიზიკური პირების წილი 43%-მდე მცირდება. მიზეზი ამ შემთხვევაშიც ამკრძალავი კანონია, რომლის ძალითაც 200 ათას ლარამდე სესხის გაცემა უცხოურ ვალუტაში იკრძალება. ეს თანხა ამჟამინდელი კურსით $61 000-ს იგივე €49 000-ს შეადგენს.
რაც შეეხება საპროცენტო განაკვეთებს. უზრუნველყოფილი სესხები სამომხმარებლოზე იაფია. ლარში ის 12%-ს უდრის, საიდანაც 8% რეფინანსირების განაკვეთზე მოდის, ფიზიკურ პირებს გრძელვადიან სესხში საშუალოდ 11.8%-ის გადახდა უწევთ, იურიდიულ პირებს 12.4%. უცხოური ვალუტის შემთხვევაში სესხს 6.7% ერიცხება. ფიზიკური პირებისთვის - 6.3% და იურიდიული პირებისთვის 7%.
გიორგი ელიზბარაშვილი