„საშეღავათო პერიოდის გასვლის შემდეგ, ვადაგადაცილებული სესხების პორტფელი შესაძლოა  3%-დან  10%-მდე გაიზარდოს“

„საშეღავათო პერიოდის გასვლის შემდეგ, ვადაგადაცილებული სესხების პორტფელი შესაძლოა 3%-დან 10%-მდე გაიზარდოს“

access_time2020-05-14 10:00:22

მარტში ვადაგადაცილებული სესხები 66.7 მლნ ლარით გაიზარდა და 503.4 მლნ ლარი შეადგინა. ეროვნული ბანკის ინფორმაციით, ვადაგადაცილებული სესხების წილი კომერციული ბანკების საკრედიტო პორტფელში 1.4% იყო.


საბანკო პროდუქტების ექსპერტმა დავით კიკვიძემ „კომერსანტთან“ საუბრისას აღნიშნა, რომ საშეღავათო პერიოდის გასვლის შემდეგ ვადაგადაცილებული სესხების პორტფელი შესაძლოა 10%-მდეც გაიზარდოს, მაშინ როდესაც, ახლა ეს მაჩვენებელი ბევრად დაბალი,3%-მდეა. .


„მიმდინარე პერიოდში ეკონომიკა ინერციით მიდის და ჯერ კიდევ დარჩენილი ფულის ტრიალი მიმდინარეობს, რაც უკვე იწურება, რაც რეალური კრიზისის საფუძველი გახდება.პრობლემები  იმ დროს წარმოიქმნება, როდესაც საშეღავათო პერიოდი გავა, საუბარია ივნისის პერიოდზე. ვადაგადაცილებული სესხების გაზრდილი რაოდეობა რაც წინა თვეში დაფიქსირდა განსაკუთრებულს არაფერს წარმოადგენს. თუმცა, საშეღავათო პერიოდის გასვლის შემდეგ ვადაგადაცილებული სესხების  რაოდენობა გაიზრდება. უმუშევრობის დონე საკმაოდ მაღალი იქნება  და შესაბამისად სესხების დაფარვის წყაროებიც აღარ იარსებებს. აქედან გამომდინარე, საბანკო  სექტორს მოუწევს დაკრედიტების პირობების გამკაცრება, რისკების გადახედვა და რეალურად ეკონომიკისთვის არცთუ ისე კარგი პერიოდი დადგება“, - განაცხადა დავით კიკვიძემ.



ექსპერტის განმარტებით, სესხები ეკონომიკამ და ბიზნესმა უნდა იხადოს, რაც უახლოეს პერიოდში გაჩერებული ეკონომიკის პირობებში ძნელი წარმოსადგენია.


„მართალია ეროვნულმა ბანკმა გარკვეული ნაბიჯები გადადგა იმისთვის, რომ ეკონომიკა ფულით მოემარაგებინა, რეზერვები და ბუფერები შეუმცირა კომერციულ ბანკებს, თუმცა, ეს საკმარისი  არ იქნება თუ რეალური ეკონომიკური სექტორი არ ამოძრავდა და ფულის გამომუშავება არ დაიწყო. შესაბამისად, სასესხო პორტფელის გაუარესების მოლოდინი დიდია და პრობლემებიც ძალიან მალე დაიწყება. ეს სესხები ეკონომიკამ და ბიზნესმა უნდა იხადოს, რაც უახლოეს პერიოდში გაჩერებული ეკონომიკის პირობებში ძნელი წარმოსადგენია. ჩემი აზრით, ამ შემთხვევაში ერთადერთი გამოსავალი ისევ სესხების რესტრუქტურიზაცია იქნება, ოღონდ ამ შემთხვევაში  განსაზღვრული სეგმენტისთვის და არა ყველასთვის როგორც წინა შემთხვევაში მოხდა, რადგან კომერციული ბანკებისთვის ლიკვიდობის კუთხით ეს საკმაოდ დიდი დარტყმა იქნება. არ უნდა დაგვავიწყდეს, რომ ბანკებს საკმაოდ დიდი როლი უჭირავს ეკონომიკის დაკრედიტებაში და ეს მაქსიმალურად მოქნილი უნდა იყოს“, - განაცხადა დავით კიკვიძემ.


აღსანიშნავია, რომ ვადაგადაცილებული სესხების 35% ეროვნული ვალუტითაა დენომინირებული. საანგარიშო პერიოდში, მთლიანი საკრედიტო პორტფელის დოლარიზაციის მაჩვენებელი 4.2%-ით გაიზარდა და 58.5%-ს გაუტოლდა.


ნინო თამაზაშვილი





დღის Top 10 საინტერესო ამბავი

დღის Top 10 საინტერესო ამბავი
access_time2020-10-26 21:00:58
დღის Top 10 საინტერესო ამბავი: 1.კეთილდღეობის და სწრაფი განვითარების ლოზუნგით მოსული „ქართული ოცნების“ დეპუტატები 4 წლიან საქმიანობას აჯამებენ „კომერსანტი“ დაინტერესდა ამ დროის განმავლობაში რა გააკეთეს მმართველი პარტიის დეპუტატებმა მთავარი დანაპირების - „კეთილდღეობის და სწრაფი განვითარების“ შესასრულებლად, რის გამოც ოთხი წლის წინ ამომრჩევლებს ხმას სთხოვდნენ. როგორ აფასებენ...

26 ოქტომბერი - რეგიონში ყველა ვალუტა გაუფასურდა

26 ოქტომბერი - რეგიონში ყველა ვალუტა გაუფასურდა
access_time2020-10-26 18:30:27
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.2285 ლარი...

„საწარმოები რეფორმით გათვალისწინებული მოთხოვნების შესასრულებლად, მზად არ არიან“ - როგორია ფინანსური ანგარიშგებისა და აუდიტის რეფორმის შედეგები 4 წლის შემდეგ

„საწარმოები რეფორმით გათვალისწინებული მოთხოვნების შესასრულებლად, მზად არ არიან“ - როგორია ფინანსური ანგარიშგებისა და აუდიტის რეფორმის შედეგები 4 წლის შემდეგ
access_time2020-10-26 18:00:06
ფინანსური ანგარიშგებისა და აუდიტის რეფორმა პანდემიის პირობებში, როგორია რეფორმის შედეგები 4 წლის შემდეგ და რა მოლოდინები აქვთ აუდიტორულ კომპანიებს. „გრანთ თორნთონის“ მმართველი პარტნიორი, ვახტანგ ცაბაძე რადიო კომერსანტის გადაცემაში „ჩემი აუდიტორი“ მეოთხე კატეგორიის კომპანიებზე საუბრობს და აღნიშნავს, რომ საწარმოები რეფორმით გათვალისწინებული მოთხოვნების შესასრულებლად, ჯერჯერობით, მზად არ...

მთავრობა 48 მილიონი ლარის ღირებულების საწოლფონდის შესყიდვას გეგმავს

მთავრობა 48 მილიონი ლარის ღირებულების საწოლფონდის შესყიდვას გეგმავს
access_time2020-10-26 16:30:39
მთავრობამ საწოლფონდის შესაძენად გამარტივებული შესყიდვა გამოაცხადა. შესაბამისი განაცხადი უკვე ფიქსირდება სახელმწიფო შესყიდვების ეროვნული სააგენტოს ვებგვერდზე. სოციალური მომსახურების სააგენტომ კლინიკებთან უკვე გააფორმა ხელშეკრულებები 5,645,320 ლარის საწოლფონდის შესაძენად. შესყიდული საწოლი ადგილები თბილისსა და ქვეყნის სხვა რეგიონებში არის გადანაწილებული. ჯამურად, სოციალური მომსახურების სააგენტო 48 მილიონი ლარის ღირებულების საწოლფონდის შესყიდვას...

KTW მზის ენერგიის გამოყენებას იწყებს - პროექტში ჯგუფი 3 წელში $3-4 მლნ-ს ჩადებს

KTW მზის ენერგიის გამოყენებას იწყებს - პროექტში ჯგუფი 3 წელში $3-4 მლნ-ს ჩადებს
access_time2020-10-26 14:30:55
კომპანია KTW ჯგუფი მზის ენერგიის გამოყენებას იწყებს. მომავალი 3 წლის განმავლობაში კომპანია პროექტში 3-4 მლნ დოლარის ინვესტიციას განახორციელებს. როგორც „ბიზნესპარტნიორს“ KTW ჯგუფის დამფუძნებელმა ზურაბ ჩხაიძემ განუცხადა, ამ დროისთვის უკვე განხორციელებულია 0,5 მლნ დოლარის ინვესტიცია, წლის ბოლომდე კი ჯგუფს ამ მიმართულებით 1 მლნ დოლარის ინვესტიცია ექნება განხორციელებული. მიკროელექტროსადგურის საშუალებით საწარმო გარემოზე მავნე ზემოქმედების გარეშე იღებს...


მსგავსი სიახლეები

up