საბანკო სექტორი და სათამაშო ბიზნესი საქართველოში ფულის გათეთრების საშუალო და მაღალ რისკებად შეფასდა

საბანკო სექტორი და სათამაშო ბიზნესი საქართველოში ფულის გათეთრების საშუალო და მაღალ რისკებად შეფასდა

access_time2019-11-01 20:15:02

საქართველოს მთავრობამ ფულის გათეთრებისა და ტერორიზმის დაფინანსების რისკების შეფასების ეროვნული ანგარიში და სამოქმედო გეგმა დაამტკიცა.

 

დოკუმენტის ძირითადი მიზნებია:

 

ა) ეროვნულ დონეზე და ეკონომიკის შესაბამისი სექტორების მიხედვით ფულის გათეთრებისა და ტერორიზმის დაფინანსების რისკების გამოვლენა, ანალიზი და შეფასება;

 

ბ) ეროვნულ დონეზე და ეკონომიკის შესაბამისი სექტორების მიხედვით ფულის გათეთრებისა და ტერორიზმის დაფინანსების რისკების მართვის უზრუნველსაყოფად აუცილებელი საკანონმდებლო, ინსტიტუციური და სხვა ღონისძიებების განხორციელება;

 

გ) ფულის გათეთრებისა და ტერორიზმის დაფინანსების აღკვეთის ხელშეწყობისთვის განკუთვნილი სახელმწიფო რესურსების პრიორიტეტული განაწილების ხელშეწყობა.

 

ანგარიშის მიხედვით, საქართველოში ფულის გათეთრების ყველაზე მაღალი რისკი სათამაშო ბიზნესშია. კერძოდ, ამ სექტორში რისკი შეფასდა როგორც საშუალო და მაღალი. ამასთან, საბანკო, საგადახდო მომსახურების პროვაიდერებისა და უძრავი ქონების ბაზარზე ფულის გათეთრების რისკი შეფასდა როგორც საშუალო.

 

დოკუმენტის მნიშვნელობაზე „კომერსანტთან“ საუბრობს ახალგაზრდა ფინანსისტთა ბიზნესმენთა ასოციაციის ვიცე- პრეზიდენტი გიორგი კაპანაძე. ექსპერტის თქმით, ხელისუფლება მაქსიმალურად უნდა ეცადოს, რომ ჩვენს ქვეყანაში ფულის გათეთრების რისკები არ არსებობდეს.

 

„ფულის გათეთრებასთან ბრძოლა და ამაზე ყურადღების გამახვილება მნიშვენელოვანია, რადგან ქვეყანაში ფულის გათეთრების რისკი მუდმივად არსებობს. მით უმეტეს ჩვენი დონის ქვეყანაში, სადაც ფინანსური სექტორები არ არის ღია და გამჭვირვალე. ასევე ბევრი მსხვილი ბიზნესის მფლობელი ოფშორში არის დარეგისტრირებული, რაც კიდევ უფრო ზრდის ფულის გათეთრების რისკს. ფულის გათეთრების მაგალითები ჩვენ  გვაქვს, თუნდაც საბანკო სექტორთან მიმართებაში ამიტომაც თუ მოხდება აქტიური დაკვირვება და აქტიური ბრძოლა ფულის გათეთრებასთან მიმართებაში ეს ძალიან მნიშვნელოვანი იქნება ჩვენი ქვეყნისთვის“, - განმარტავს გიორგი კაპანაძე.

 

„კომერსანტის“ კითხვაზე რამდენად ეფექტური იქნება ახალი სამოქმედო გეგმა ფულის გათეთრების რისკების შემცირებისთვის, ახალგაზრდა ფინანსისტთა ბიზნესმენთა ასოციაციის ვიცე- პრეზიდენტი გვპასუხობს:

 


„დოკუმენტს ეფექტი ექნება ვინაიდან აქამდე არ ხდებოდა ესე აქტიურად ყურადღების გამახვილება ფულის გათეთრების რისკებზე. ყველაფერი დამოკიდებულია იმაზე თუ რამდენად ეფექტურად იმუშავებენ შესაბამისი ორგანოები და რამდენად აქტიურად მოხდება ამ ყველაფრის კონტროლი. თუ გამოაქვეყნებენ ანგარიშებს სადაც იქნება საუბარი რამდენად ხშირად ხდებოდა სხვადასხვა ფინანსური სტრუქტურის შემოწმება, ამის შემდეგ შევძლებთ პასუხის გაცემას ექნება თუ არა ეფექტი დოკუმენტის დამტკიცებას“, განაცხადა გიორგი კაპანაძემ.

 

 გიორგი კაპანაძე ამბობს, რომ სათამაშო ბიზნესი და აზარტული თამაშები მთელ მსოფლიოში ფულის გათეთრების ერთ-ერთ მნიშვნელოვნად წყაროდ ითვლება. ექსპერტი ამბობს, რომ ფინანსთა სამინისტროსაც არა აქვს სათანადოდ წვდომა და არ შეუძლია მიმდინარე ტრანზაქციების დეტალურად დაინახოს, რაც მისი თქმით ფულის გათეთრების რისკს ქმნის.

 

„როდესაც ვსაუბრობთ ფულის გათეთრებაზე, ერთ- ერთი მთავარი ბიზნესი ეს არის სათამაშო ბიზნესი, ამაზე ფულის გათეთრებასთან ბრძოლის საერთაშორისო ორგანიზაციები ხშირად მიუთითებენ ხოლმე და ევროკავშირის მხრიდანაც არაერთხელ ყოფილა მითითება, რომ ჩვენს ქვეყანაში არსებობს ფულის გათეთრების რისკები. ამის საფუძველი ერთის მხრივ არის სრულიად გაუმჭვირვალე სათამაშო ბიზნესი, ისინი უბრალოდ შპს-ების დონეზე არიან დარეგისტრირებულები და შემოსავლების სამსახურს არ აქვს წვდომა მათ ფინანსებთან, არ აქვთ წვდომა იმასთან დაკავშირებით თუ საიდან შემოედინება თანხები. ვთვლი, რომ ფინანსები 70 პროცენტი გაუმჭვირვალეა. უნდა გავითვალისწინოთ ისიც, რომ ქართულ სათამაშო ბიზნესის კომპანიებს უმეტესწილად რეალური მფლობელები ჰყავს ოფშორში დარეგისტრირებული. ოფშორი ისედაც გაუმჭვირვალეა და ვერ ხდება კონტროლი, შესაბმისად როდესაც ადგილობრივ დონეზე ყველაფერი ბურუსითაა მოცული კიდევ უფრო დიდი რისკი არსებობს იმისა, რომ ჩვენ ქვეყანაში ხდებოდეს ფულის გათეთრება, შავი ფული ადგილობრივ თუ საერთაშორისო დონეზე შემოედინებოდეს“, განაცხადა გიორგი კაპანაძემ.

 

 

ახალგაზრდა ფინანსისტთა ბიზნესმენთა ასოციაციის ვიცე- პრეზიდენტი ამბობს, რომ აღნიშნული საკითხით საერთაშორისო ორგანიზაციებიც ინტერესდებიან და ფულის გათეთრების რისკებზე მიუთითებენ.

 

„ბოლო პერიოდში საერთაშორისო სავალუტო ფონდის მოთხოვნით, სათამაშო ბიზნესის წარმომადგენლები დაავალდებულეს, რომ ფონდისთვის უცხოელი მოთამაშეების მიერ განთავსებული ფსონების მოგებული ან წაგებული თანხების შესახებ ინფორმაცია მიეწოდებინათ. ჩემი აზრით, ესეც განპირობებული იყო იმით, რომ საერთაშორისო დონეზე დაინტერესდნენ რეალურად ხომ არ ხდებოდა აქ ფულის გათეთრება. დარწმუნებული ვარ, რომ ამ ინფორმაციას მანამდე საქსტატს ან შემოსავლების სამსახურს მოთხოვდნენ და რადგან მათ არ აქვთ არანაირი ინფორმაცია პირდაპირ დაავალდებულეს სათამაშო ბიზნესი. სავალუტო ფონდმა ალბათ შენიშნა ის რისკი, რომ შესაძლებელია საქართველოში ფულის გათეთრების რეალური შანსი ყოფილიყო. ეს ცხადყოფს იმას, რომ დღეს ჩვენთან სათამაშო ბიზნესში ფულის გათეთრების რეალური რისკები არსებობს. თუ უცხოელი მოთამაშეების შემთხვევაში სავალუტო ფონდი დაინახავს რა ხდება, ადგილობრივ დონეზე ყველაფერი ისევ ისე დარჩა და ისევ ბუნდოვანი იქნება მოხდა თუ არა ფულის გათეთრების შემთხვევა. თუ შესაბამისმა უწყებებმა რეალურად მოახდინა რისკების შეფასება და რეალურად იბრძოლა ფულის გათეთრების წინააღმდეგ, პირველ რიგში, სათამაშო ბიზნესიდან უნდა დაიწყოს ყველაფერი და აქტიური კონტროლის ქვეშ სწორედ სათამაშო ბიზნესი უნდა  მოაქციოს“, - აცხადებს გიორგი კაპანაძე.

 

 მომზადებულ დოკუმენტში ვკითხულობთ, რომ კანონის მოთხოვნების შესრულება სავალდებულოა ანგარიშვალდებული პირისთვის, საზედამხედველო ორგანოსთვის და საქართველოს კანონმდებლობით განსაზღვრული სხვა ადმინისტრაციული ორგანოსთვის, გამოძიებისა და სისხლისსამართლებრივი დევნის განმახორციელებელი ორგანოებისთვის, აგრეთვე ანგარიშვალდებული პირისა და სამსახურის ხელმძღვანელებისა და თანამშრომლებისთვის.

 

 ამ კანონის მიზნებისთვის ანგარიშვალდებული პირები არიან:

 

ა) ფინანსური ინსტიტუტები: 1 არასაბანკო სადეპოზიტო დაწესებულება − საკრედიტო კავშირი; 2) არასახელმწიფო საპენსიო სქემის დამფუძნებელი; 3) სადაზღვევო ბროკერი, გადაზღვევის ბროკერი; 4) ვალუტის გადამცვლელი პუნქტი; 5) კომერციული ბანკი; 6) მიკროსაფინანსო ორგანიზაცია; 7) საბროკერო კომპანია; 8) საგადახდო მომსახურების პროვაიდერი; 9) სადაზღვევო ორგანიზაცია; 10) სალიზინგო კომპანია; 11) სესხის გამცემი სუბიექტი; 12) ფასიანი ქაღალდების რეგისტრატორი; 13) არასაფინანსო საქმიანობის განმახორციელებელი პირები

 

 კანონის მიზნებისთვის საზედამხედველო ორგანოები არიან:

 

 ა) საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულება − ბუღალტრული აღრიცხვის, ანგარიშგებისა და აუდიტის ზედამხედველობის სამსახური  

 ბ) საქართველოს ადვოკატთა ასოციაცია

 გ) საქართველოს ეროვნული ბანკი

 დ) საქართველოს იუსტიციის სამინისტრო

 ე) საქართველოს ფინანსთა სამინისტრო

 ვ) საჯარო სამართლის იურიდიული პირი – საქართველოს დაზღვევის სახელმწიფო ზედამხედველობის სამსახური

 

 

 ბაჩო ადამია





დღის Top 10 საინტერესო ამბავი

 დღის Top 10 საინტერესო ამბავი
access_time2020-10-22 21:00:21
1. ბანკებზე თავდასხმის ქრონიკა საქართველოში   ბანკების ძარცვა ტექნოლოგიების ერაში ბევრს ყველაზე მოძველებულ კრიმინალურ აქტად მიაჩნევა, თუმცა ფინანსურ ინსტიტუტებზე შეიარაღებული თავდასხმა პლანეტის ერთერთ მთავარ გადაუჭრელ პრობლემად დღემდე რჩება....

22 ოქტომბერი - რეგიონში ქართული ლარი გამყარდა, თურქული ლირა გაუფასურდა

22 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-22 18:10:25
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 22 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, კურსის ცვლილებამ 0.93 თეთრი შეადგინა, რის შედეგადაც ერთი...

Forbes: აშშ-ს იუსტიციის სამინისტრომ Google-ს უჩივლა

Forbes: აშშ-ს იუსტიციის სამინისტრომ Google-ს უჩივლა
access_time2020-10-22 20:00:48
აშშ-ს იუსტიციის სამინისტრომ Google-ის წინაამღდეგ სასამართლოში ანტიმონოპოლური სარჩელი შეიტანა.   უწყების აზრით, კორპორაცია ონლაინ-ძიების ბაზარზე ხელოვნულ მონოპოლიას აჩენს.   Google არის მსოფლიოს ერთ-ერთი უმდიდრესი კომპანია, რომლის საბაზრო ღირებულებაც 1 ტრლნ. დოლარია. ის თითქმის მონოპოლოსტია მილიარდობით ინტერნეტ-მომხმარებლისთვის, კომპანია ისეთ სერვისებს ფლობს, როგორც  Chrome,  YouTube, Google maps, Google translate და...

უნდა გახსნას თუ არა საზღვრები საქართველომ - PMC RESEARCH-ის შეფასებები

უნდა გახსნას თუ არა საზღვრები საქართველომ - PMC RESEARCH-ის შეფასებები
access_time2020-10-22 17:30:00
2020 წლის სამ კვარტალში, საერთაშორისო მოგზაურობიდან საქართველომ 499 მლნ დოლარის შემოსავალი მიიღო, ეს 81%-იანი დანაკლისია 2019 წლის ანალოგიურ მაჩვენებელთან შედარებით. PMC Research-ის ინფორმაციით, 2020 წლის სექტემბერში საერთაშორისო მოგზაურთა რიცხვი 94.2%-ით შემცირდა. აპრილის შემდეგ, 2019 წლის შესაბამის პერიოდთან შედარებით, ყოველ თვეში, მოგზაურების, ვიზიტორებისა და ტურისტების რაოდენობა 90%-ზე მეტად მცირდებოდა. კვლევაში მითითებულია, რომ COVID-19...

ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე

 ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე
access_time2020-10-22 17:00:34
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის გავრცელებასთან დაკავშირებით, ნოემბრის პროგნოზი ახლიდან გაკეთდება.   მისივე ინფორმაციით, აქამდე გაკეთებული პროგნოზის თანახმად, ვირუსის გავრცელების პიკი ნოემბრის შუა რიცხვებში დადგება და ამ პიკის დროს დღიურმა მაჩვენებელმა შესაძლოა 4-5 ათას შემთხვევას მიაღწიოს.   „პროგნოზირება ძალიან უმადური რამ არის. არ არსებობს არც ერთი...


მსგავსი სიახლეები

up