საბანკო და სამშენებლო რეგულაციები, ბიუროკრატია - პრობლემები, რაზეც მენაშენეებმა  პრემიერთან ისაუბრეს

საბანკო და სამშენებლო რეგულაციები, ბიუროკრატია - პრობლემები, რაზეც მენაშენეებმა პრემიერთან ისაუბრეს

access_time2019-10-11 18:00:37

პრემიერ-მინისტრი გიორგი გახარია ტურიზმისა და მევენახეობა-მეღვინეობის სექტორის წარმომადგენლებთან შეხვედრის შემდეგ, დღეს სამშენებლო ინდუსტრიის წარმომადგენლებს შეხვდა. „ყველანაირი დანდობის, გაფრთხილებისა და მოფერების გარეშე თქვენ მე მეუბნებით, კონკრეტულად სად რა პრობლემა გაქვთ“- - ასე მიმართა საქართველოს პრემიერ- მინისტრმა გიორგი გახარიამ სამშენებლო სექტორის წარმომადგენლებს შეხვედრის დაწყებისას.


გახარიას თქმით, მას ესმის, რომ საბანკო თუ სხვა სახის რეგულაციებმა სამშენებლო სექტორს გარკვეული პრობლემები შეუქმნა და სადაც პრობლემების სწრაფად გადაჭრის რესურსია, პრობლემები სწრაფად უნდა გადაიჭრას და ასევე სისტემური პრობლემების მოგვარების გზები დაისახოს.


კონკრეტულად რა პრობლემები დაასახელეს სამშენებლო სექტორის წარმომადგენლებმა პრემიერ-მინისტრთან შეხვედრაზე?„კომერსანტის“ მიერ გამოკითხული ბიზნესმენები ზოგადი კომენტარებით შემოიფარგლნენ, რადგან განაცხადეს, რომ შეხვედრა მოთელვითი ხასიათის იყო, თუმცა, დროული და სასარგებლო. მენაშენეებს იმედი აქვთ, რომ ასეთი ფორმატის შეხვედრები სამომავლოდაც გაგრძელდება, რაც დარგს გააჯანსაღებს.


დეველოპერული კომპანია „ჯიდიჯი ჯგუფის“ დამფუძნებელი ბეჟან წაქაძე „კომერსანტთან“ აცხადებს,რომ პრემიერთან საუბარი თითოეული ქეისის დონემდეც კი იყო, რაც მისასალმებელია. მისი განმარტებით, პრემიერმა  მზადყოფნა გამოთქვა  დაეხმაროს ბიზნესს იმ საკითხების მოგვარებაში,რაც კანონმდებლობაში ჯდება.


„ვერ შეეხება ისეთ საკითხებს, როგორიცაა, მაგალითად, უსაფრთხოება  და ის, რაც ჩვენც ვიცით,რომ მისი არსებობა აუცილებელია. ერთ-ერთი ასეთია სახანძრო უსაფრთხოება და ზოგადად, სამშენებლო სექტორში არსებული  უსაფრთხოება“-აცხადებს წაქაძე.



მისივე განმარტებით, არის რეგულაციების გარკვეული კატეგორია, რომლის დარეგულირებაც არ არის რთული.კანონია უბრალოდ ჩასასწორებელი. ეს კი გამოიწვევს თვითღირებულების შემცირებას. ერთ-ერთი ასეთია-პანდუსის ჩასასმელის ზომა და ასე შემდეგ.


„საუბარი იყო საბანკო რეგულაციებზეც. პრემიერი ეროვნული ბანკის მმართველი ხომ არ არის? ის შეგვპირდა, რომ ამ საკითხსაც განიხილავს და თუ შეიძლება მისი შეცვლა/შერბილება, შეარბილებს. პრემიერმა გამოთქვა მზაობა, რომ თითოეულ მასთან მიწერილ წერილზე ინტერნეტით იქნება ეს თუ სხვა არხებით, მაქსიმალურად მოკლე პერიოდში იქნება რეაგირება“-აცხადებს წაქაძე.


სამშენებლო კომპანია რედკოს პროექტების მენეჯერი მალხაზ კუნელაური სექტორში არსებულ გამოწვევებზე ipn-თან საუბრობს და ძირითად პრობლემად გადაწყვეტილებების მიღების დროულობასა და საკანონმდებლო რეგულაციებს ასახელებს.


როგორც მან პრემიერ-მინისტრთან სამშენებლო სექტორის წარმომადგენლების შეხვედრის დაწყებამდე განაცხადა, უხერხული არაა, რომ რეგულაციები, რომლებსაც უარყოფითი ეფექტი აქვთ, გაუქმდეს.


პრობლემებია გადაწყვეტილების მიღების თვალსაზრისით. გადაწყვეტილებების დროული მიღებაა მნიშვნელოვანი და საკანონმდებლო რეგულაციები, რომლებიც შეიძლება ბევრი მიმართულებით ქმნიდეს პრობლემებს და კარგი იქნება თუ ერთობლივად მივიღებთ ხოლმე ამ გადაწყვეტილებებს და იმ გადაწყვეტილებებმა, რომლებმაც პრობლემები გამოიწვია, შემდეგ უკან დავაბრუნოთ, ეს სრულად არაა უხერხული. საბანკო რეგულაციების საკითხი იყო ერთ-ერთი მნიშვნელოვანი და ერთი პერიოდი ვაკუუმური სიტუაცია შექმნა გაყიდვების თვალსაზრისით. დღესდღეობით ეს საკითხი მეტ-ნაკლებად დარეგულირდა, თუმცა ბოლომდე არაა დღის წესრიგიდან მოხსნილი. ამასთან, ცხადია, რომ სწორი მშენებლობის სტანდარტთან და უსაფრთხოების ნორმებთან პრეტენზია არავის აქვს, თუმცა ,ის საკითხები, რომლებმაც პრობლემები გამოიწვია დროისა და გადაწყვეტილებების მიღების თვალსაზრისით, ეფექტურად უნდა გადაიჭრას, - განაცხადა კუნელაურმა.


სოფო ქსოვრელი 






ხვალიდან, ქართული არხები შესაძლოა, ფასიანი გახდეს

ხვალიდან, ქართული არხები შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up