„საარსებო მინიმუმი და მინიმალური ხელფასი ერთმანეთს არ უნდა გაუტოლდეს"

„საარსებო მინიმუმი და მინიმალური ხელფასი ერთმანეთს არ უნდა გაუტოლდეს"

person access_time2017-06-19 10:00:51

ეკონომიკური პოლიტიკის ექსპერტთა ცენტრის ვიცე-პრეზიდენტის ვეფხია გიორგაძის განცხადებით, შრომისუნარიანი ასაკის მამაკაცისთვის 2300 კილოკალორია არ არის საკმარისი. ამის შესახებ მან რადიო "კომერსანტის" გადაცემაში "პროფესიონალები" ისაუბრა.

 

საარსებო მინიმუმი აპრილთან შედარებით, 2,4 ლარით გაიზარდა. სტატისტიკის ეროვნული სამსახურის ინფორმაციით, შრომისუნარიანი ასაკის მამაკაცის საარსებო მინიმუმმა 173 ლარი და 20 თეთრი შეადგინა.
მაისში საარსებო მინიმუმი წლიურად 13,4 ლარითაა გაზრდილი.

 

"საარსებო მინიმუმი მაქსიმუმს არის მიღწეული და იანვრის შემდეგ, ყოველ წინა თვესთან შედარებით, ორი ლარით არის გაზრდილი. როგორც იცით, საქსტატი საარსებო მინიმუმს იმ მეთოდოლოგიით ითვლის, რაც ყველა ქვეყანაში ერთია, თუმცა პრობლემა არის არა მეთოდოლოგიაში, არამედ მეთოდიკაში. ანუ როგორ უნდა გადანაწილდეს თითოეული კილოკალორია ადამიანზე, რომ მან სრულფასოვნად შეძლოს ძალების მოკრება, აღდგენა და შემდეგი დღისთვის აღდგენილი ძალებით და შემართებით სამუშაოს შესრულება შეძლოს. 2300 კილოკალორია არ არის საკმარისი", - აღნიშნა გიორგაძემ.

 

მისი თქმით, სასურსათო და არასასურსათო პროდუქტის გადანაწილება არა 70/30%-ზე, არამედ 55/45-ზე უნდა იყოს.


 

„დღეს, საარსებო მინიმუმში სასურსათო პროდუქტს 70% უკავია, ხოლო არასასურსათოს - 30%. რა თქმა უნდა, ეს პროცენტი შესაცვლელია იმიტომ, რომ არ აკმაყოფილებს იმ სტანდარტებს, რა სტანდარტებიც არის საზღვარგარეთ აღებული. აუცილებელია ზამთრისა და ზაფხულის კალათის შემოღება მოხდეს. ჩვენმა არასამთავრობო ორგანიზაციამ 2014 წელს დათვალა და გადანაწილებაც შესაბამისად მოხდა. კალათში 55% სასურსათო პროდუქტმა უნდა დაიკავოს, 45% - არასასურსათო პროდუქტმა. ასეთ გადანაწილებას ვემხრობი, რადგან ეს კალორიები დიეტოლოგმა და პროფესიონალმა ადამიანებმა გამოთვალეს",- განაცხადა გიორგაძემ.

 


კითხვაზე, უნდა გაუტოლდეს თუ არა საარსებო მინიმუმი მინიმალურ ხელფასს, ვეფხია გიორგაძე პასუხობს, რომ სხვა ქვეყნებს მსგავსი პრაქტიკა აქვს, თუმცა საქართველო იმ დონეზე განვითარებული არ არის, რომ საარსებო მინიმუმისა და მინიმალური ხელფასის გატოლება მოხდეს.

 

 

„საარსებო მინიმუმის მინიმალურ ხელფასთან გატოლება ძალიან ცუდი იქნება. კარგი იქნებოდა, რომ საარსებო მინიმუმი მინიმალურ ხელფასთან არ შეგვედარებინა. საარსებო მინიმუმი ეკონომიკაში მხოლოდ ინდიკატორი უნდა იყოს. საზღვარგარეთ მსგავსი პრაქტიკა არის და იქ საარსებო მინიმუმი და მინიმალური ხელფასი ერთმანეთს უტოლდება, მაგრამ ისინი სხვა დონის ქვეყნები არიან და ჩვენ - სხვა. ამ ქვეყნებში სახელფასო ანაზღაურება გაცილებით მაღალია. ასეთი გატოლება ჩვენისთანა განვითარების ქვეყნის ბიუჯეტს მძიმედ დააწვება, მითუმეტეს, თუ გავითვალისწინებთ, რომ მცირე და საშუალო ბიზნესი სულს ღაფავს. ამ გადაწყვეტილებით მათ სრულ განადგურების პირამდე მივიყვანთ", - აღნიშნა ვეფხია გიორგაძემ.

 

 



საარსებო მინიმუმი გაიზარდა და ახლა 202,8 ლარია — საქსტატი

საარსებო მინიმუმი გაიზარდა და ახლა 202,8 ლარია — საქსტატი
access_time2021-05-14 12:00:55
აპრილში საარსებო მინიმუმი წლიურად 3,2 ლარით გაიზარდა და შრომისუნარიანი ასაკის მამაკაცის არსებობისთვის საჭირო მინიმალური თანხის ოდენობამ 202,8 ლარი შეადგინა. ამის შესახებ ინფორმაციას საქსტატი ავრცელებს.   2021 წლის აპრილის თვეში საშუალო მომხმარებლის საარსებო მინიმუმი წლიურად 2,8 ლარით გაიზარდა და 179,6 ლარი შეადგინა. წინა თვესთან შედარებით, არსებობისთვის საჭირო მინიმალური თანხის ოდენობა კი შრომისუნარიანი მამაკაცისთვის 1,8 ლარით, ხოლო საშუალო მომხმარებლისთვის 1,5 ლარით არის...

#სპონსორიაკროკობეთი - 1 000 000 ქართული სპორტის მხარდასაჭერად!

  #სპონსორიაკროკობეთი - 1 000 000 ქართული სპორტის მხარდასაჭერად!
access_time2021-05-14 10:55:53
13 მაისს, სასტუმრო „თბილისი მარიოტში“ კროკობეთის პრეზენტაცია გაიმართა. კომპანია ბოლო 2 წლის განმავლობაში 10 საფეხბურთო და 1 საკალათბურთო გუნდს, 2 ინვიდიდუალური სპორტის სახეობის წარმომადგენელს, საქართველოს BMW-ს კლუბს, საქართველოს დრაგ რეისინგისა და დრიფტის სერიებს ასპონსორებს, ღონისძიებას კი თითოეული გუნდის წარმომადგენელი და სპორტსმენი ესწრებოდა, რომლებმაც საზეიმო ვითარებაში მემორანდუმს მოაწერეს...

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა
access_time2021-05-14 12:30:00
2021 წლის იანვარ-აპრილში, საქართველოდან მსოფლიოს 55 ქვეყანაში 28,3 მლნ-მდე ბოთლი (0,75 ლ) ღვინოა ექსპორტირებული, რაც 15%-ით აღემატება 2020 წლის ანალოგიური პერიოდის მაჩვენებელს. ინფორმაციას ღვინის ეროვნული სააგენტო ავრცელებს. „ექსპორტირებული ღვინის ღირებულება 65 მლნ-მდე აშშ დოლარია, ზრდამ, გასული წლის ამავე პერიოდთან შედარებით, 7%-ს მიაღწია. ექსპორტი გაიზარდა ქართული ღვინის სტრატეგიულ ბაზრებზე: პოლონეთი - 2% (1,841,192 ბოთლი), ჩინეთი - 19%...

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა
access_time2021-05-14 13:00:50
კოოპერატიული ბინათმშენებლობის დაუსრულებლობით დაზარალებულ პირთა დაკმაყოფილების მიზნით განხორციელებული სხვადასხვა პროექტის ფარგლებში 2016 წლის წლის 9 მარტიდან 2021 წლის 10 მაისის მონაცემებით ჯამში დაკმაყოფილებულ იქნა 1276 პირი. ამის შესახებ „კომერსანტს“ თბილისის მერიაში განუცხადეს. მოწოდებული ინოფრმაციის მიხედვით უკვე დასრულებული ალტერნატიული საცხოვრებელი ფართით - ბინით  99 პირი დაკმაყოფილდა, ხოლო დაზარალებულ პირთათვის გადაცემულ მიწის ნაკვეთებზე და ამავე მიწის ნაკვეთებზე ინტერესთა...

„ციფრული ვალუტის შემოღება ბანკებს შეავიწროებს, თუმცა მათი ჩანაცვლება მარტივად ვერ მოხდება“

„ციფრული ვალუტის შემოღება ბანკებს შეავიწროებს, თუმცა მათი ჩანაცვლება მარტივად ვერ მოხდება“
access_time2021-05-14 11:00:32
საქართველოს ეროვნული ბანკი ციფრული ლარის გამოშვების პროექტზე მუშაობს. სებ-ის ინფორმაციით, მისი მანდატი ფასებისა და ფინანსური სტაბილურობის უზრუნველყოფაა, ხოლო ციფრული ტექნოლოგიების განვითარებამ ცენტრალური ბანკის ფულის განვითარებისა და ლარის ციფრული ვერსიის შექმნის აუცილებლობა გამოკვეთა, რათა ის უკეთ მოერგოს ციფრულ ეკონომიკას და ეკონომიკური პოლიტიკის ეფექტიანობა გაზარდოს. როგორც აღმოჩნდა ეროვნულ ბანკს თავისი მანდატის უკეთ შესასრულებლად ციფრული ლარი სჭირდება. ეროვნული ბანკში ასევე აღნიშნავენ,...


მსგავსი სიახლეები

up