„საარჩევნო წელი მოდის და მთავრობა ცდილობს ხალხს ინფრასტრუქტურული სამუშაოებით მოაწონოს თავი“

„საარჩევნო წელი მოდის და მთავრობა ცდილობს ხალხს ინფრასტრუქტურული სამუშაოებით მოაწონოს თავი“

access_time2019-12-05 17:30:48

საქართველოს რეგიონული განვითარებისა და ინფრასტრუქტურის სამინისტრომ მიმდინარე წლის 11 თვეში ბიუჯეტიდან 1.67 მილიარდი ლარი აითვისა. უწყების ინფორმაციით სამინისტროს 11 თვის ბიუჯეტის შესრულება 2019 წელს ისტორიულად ყველაზე მაღალია.


ეკონომიკის ექსპერტი ზვიად ხორგუაშვილი მიიჩნევს, რომ რეგიონული განვითარებისა და ინფრასტრუქტურის სამინისტროს ბიუჯეტის სიდიდე არჩევნების მოახლოებასთან ერთად უფრო იზრდება, რათა ხელისუფლებამ ხალხს დაანახოს თითქოს ქვეყანაში რაღაც კეთდება და მას ეკონომიკური დანიშნულება არ აქვს.


„საქართველოს ინფრასტრუქტურული ხარჯები არის ზედმეტად დიდი, ქვეყნის ეკონომიკა არ არის იმხელა, რომ ასეთი დიდი კაპიტალური ხარჯები აითვისოს. ინფრასტრუქტურული ხარჯების ზრდის ნაცვლად, უკეთესი იქნება მათ  ხარჯები დავაკლოთ და ეს წავიდეს არა პირდაპირ ხარჯვაზე, არამედ დანაზოგებზე. რეალურად პროექტები ძირითადად ვალით კეთდება, რაც საქართველოს გადასახადის გადამხდელისთვის ზედმეტი ხარჯია. ასეთი დიდი ინფრასტრუქტურული ხარჯი, რომ გვაქვს და ვალს რომ ვიღებთ, ეს ხშირ შემთხვევაში დეფიციტს აბალანსებს, ჩვენ კი წელს ძალიან დიდი დეფიციტი გვაქვს. თუმცა, საარჩევნო წელი მოდის და ყველა სტრუქტურა ამუშავებულია, რათა ხალხმა ინფრასტრუქტურული სამუშაოები დაინახოს. ეკონომიკაში ამ ინფრასტრუქტურულ პროექტებს დროებითი ეფექტი აქვს და არსებული ეკონომიკური ზრდა ძირითადად სწორედ ამ ინფრასტრუქტურულ ხარჯებზე დგას, მაგრამ ამას დროებითი ეფექტი აქვს. ის იხარჯება ერთჯერადი დანიშნულებით და ამას ინვესტიციის სახე არ აქვს, რომელმაც შემდეგ დივიდენდები უნდა მოგცეს. ექსპერტულ წრეებს წინა ხელისუფლებასთანაც იგივე კრიტიკა ჰქონდა, რომ ამხელა ხარჯი ინფრასტრუქტურაში არ არის საჭირო, ამ მთავრობამ კი ეს კიდევ უფრო გაზარდა. ამ ყველაფერს დროებითი ეფექტი აქვს და იქ ადამიანების დასაქმებაც დროებითია, თუმცა მთავრობას სწორედ ეს უნდა, რომ არჩევნები გადააგოროს და ხარჯებს არა ეკონომიკურად, არამედ პოლიტიკური დანიშნულებით იყენებს“, - აცხადებს ზვიად ხორგუაშვილი.


ექსპერტი გია ხუხაშვილი მიიჩნევს, რომ ინფრასტრუქტურულ პროექტებში დიდი რაოდენობით თანხის ხარჯვას კვლავწარმოების დანიშნულება არ აქვს.



„კარგია, რომ ინფრასტრუქტურა შენდება, მაგრამ ეს ფაქტი სხვა რამეზე მეტყველებს. აბსოლუტურად გასაგები ხდება, ხელისუფლება როგორი ეკონომიკური ზრდით ამაყობს და რეალურად ეს  საიდან გამომდინარეობს ანუ ფაქტობრივად ეს ნიშნავს, რომ  ეკონომიკა ქვეყანაში რეალურად არ იზრდება ანუ ეკონომიკური ზრდა მიღწეულია ამ ინფრასტრუქტურული პროექტებით რაც პრინციპში ერთჯერადია, მას კვლავწარმოების დანიშნულება არ აქვს, შესაბამისად ეკონომიკური ზრდაც სინამდვილეში - ვირტუალურია. ასევე, ჩვენ უნდა გვესმოდეს, რომ ეს ინფრასტრუქტურული პროექტები ძირითადად კრედიტებით შენდება, რომელსაც სახელმწიფო იღებს, გამომდინარე იქედან, რომ საკუთარი რესურსი ქვეყანას არ აქვს და ეს კრედიტი ადრე თუ გვიან ჩვენ სუსტ ეკონომიკას ექნება ასათვისებელი. მართალია არავინაა წინააღმდეგი, რომ ინფრასტრუქტურული პროექტები შედგეს, მაგრამ ხარჯის რაოდენობაა მნიშვნელოვანი, როდესაც სახლში სკამი არ გაქვს და ჭურჭლის სარეცხ მანქანას ყიდულობ, ეს რა თქმა უნდა კითხვის ნიშნებს ბადებს“, - აცხადებს გია ხუხაშვილი.



საქართველოს რეგიონული განვითარებისა და ინფრასტრუქტურის სამინისტროს ინფორმაციით, უწყებამ წინა წლის ანალოგიურ პერიოდთან შედარებით 667 მილიონი ლარით, ანუ 67 პროცენტით მეტი თანხა აითვისა. 11 თვის ბიუჯეტის შესრულების ყველაზე მაღალი მაჩვენებელი სამინისტროს, არსებობის განმავლობაში, 2017 წელს ჰქონდა (1 მილიარდ 141 მილიონი ლარი), რასაც 2019 წლის მაჩვენებელმა 46 პროცენტით გადააჭარბა.


ნინო თამაზაშვილი





დღის Top 10 საინტერესო ამბავი

დღის Top 10 საინტერესო ამბავი
access_time2021-06-18 21:00:37
დღის Top 10 საინტერესო ამბავი:     1. ბოლო 10 წელიწადში აშენებული ჰესების წილი გენერაციაში 19%-ს აჭარბებს     ენგურჰესის გამომუშავება რეაბილიტაციის შემდეგ, მაისში, გასული წლის ანალოგიურ პერიოდთან შედარებით, 98%-ით გაიზარდა და 404 მლნ კვტ/სთ-ს მიაღწია. ძირითადად მის ხარჯზე, 24%-ით 1.221...

18 ივნისი - რეგიონში ქართული ლარი და თურქული ლირა გაუფასურდა

18 ივნისი - რეგიონში ქართული ლარი და თურქული ლირა გაუფასურდა
access_time2021-06-18 18:00:43
18 ივნისის ვაჭრობის შედეგად სებ–ის მიერ დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 9 პუნქტით გამყარდა. შედარებისთვის, დაახლოებით 110 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 18 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.1681 ლარი გახდა (ეს კურსი 19 ივნისს შევა ძალაში). 18 ივნისს მოქმედი...

გარემოს დაცვის მინისტრის და საპარლამენტო სამუშაო ჯგუფის წევრების ვიზიტი „არემჯიში“

გარემოს დაცვის მინისტრის და საპარლამენტო სამუშაო ჯგუფის წევრების ვიზიტი „არემჯიში“
access_time2021-06-18 15:55:24
გარემოს დაცვისა და სოფლის მეურნეობის მინისტრი ლევან დავითაშვილი, საქართველოს პარლამენტის გარემოს დაცვის კომიტეტთან არსებული ქვემო ქართლის რეგიონში დაბინძურების შემსწავლელი სამუშაო ჯგუფის წევრებთან ერთად, („საყდრისის კომიტეტი “, „მწვანე პოლიტიკის საზოგადოებრივი და სამეცნიერო - კვლევითი პლატფორმები “) დაბა კაზრეთში „არემჯის “გარემოსდაცვითი პროგრამის ფარგლებში მიმდინარე სამუშაოებს გაეცნო. მინისტრმა რეგულარული მონიტორინგის ფარგლებში „არემჯი კოპერის“ #4 ფუჭი ქანების სანაყაროს...

საქართველოს რკინიგზა $500–მილიონიანი მწვანე ბონდების განთავსებით $140 მილიონს დაზოგავს

საქართველოს რკინიგზა $500–მილიონიანი მწვანე ბონდების განთავსებით $140 მილიონს დაზოგავს
access_time2021-06-18 15:18:53
საქართველოს რკინიგზამ ლონდონის საფონდო ბირჟაზე პარტნიორი საინვესტიციო ბანკების დახმარებით, 500 მილიონი დოლარის ნომინალური ღირებულების  მწვანე ობლიგაციები წარმატებით განათავსა. ამის შესახებ ინფორმაციას საქართველოს რკინიგზა ავრცელებს. კომპნიის ცნობით, საპროცენტო განაკვეთი 7 წლის ვადით 4%-ით განისაზღვრა.  „ახალი ობლიგაციებით...

Forbes: Google-ის თანადამფუძნებლის ყოფილი მეუღლე მილიარდერი გახდა

Forbes: Google-ის თანადამფუძნებლის ყოფილი მეუღლე მილიარდერი გახდა
access_time2021-06-18 20:00:07
Google-ის თანადამფუძნებლის სერგეი ბრინის მეუღლე ანა ვოიჟიტოვსკი მილიარდერი გახდა მას შემდეგ, რაც მისი კომპანია 23andMe, რომლის პროფილიცაა გენეტიკური ტესტირება, ბირჟაზე გავიდა.   ამ დროისთვის ის უკვე იყო მულტიმილიონერი - 2020 წელს მან ამერიკის ყველაზე მდიდარ self-made ქალ-მეწარმეებს შორის 49–ე ადგილი დაიკავა - ამ კატეგორიაში შედიან ქალები, რომლებიც თავისით და არა მეუღლეებთან გაშორებით ან მემკვიდრეობის მიღებით გამდიდრდნენ.   23andMe ბირჟაზე...


მსგავსი სიახლეები

up