კომპანია "ფრესკოს" დამფუძნებელმა ვასილ სოფრომაძემ მთავარ არხზე, გადაცემაში "მთავარი აქცენტები" მიხეილ სააკაშვილის საქართველოში დაბრუნების აუცილებლობაზე ისაუბრა.
"არასდროს ვყოფილვარ ნაციონალური მოძრაობის წევრი, ისევე როგორც არცერთი სხვა პარტიის წევრი და არც არასდროს ვაპირებ პოლიტიკაში წასვლას. არც სკამის დაკარგვის მეშინია, ამიტომ ვამბობ ხმამაღლა იმას,რასაც ვამბობ. მოვუწოდებ საქართველოს მესამე პრეზიდენტს მიხეილ სააკაშვილს, ახლავე მიწეროს ამჟამინდელ პრეზიდენტს, თხოვნა იმის შესახებ,რომ დაუბრუნოს მას მოქალაქეობა. სააკაშვილი უნდა დაბრუნდეს ქვეყანაში, მისი ანტიკრიზისული ნიჭი სჭირდება საქართველოს.
სააკაშვილი იყო ის კაცი,რომელმაც ქვეყანა კრიმინალური მდგომარეობიდან გამოიყვანა. მე 2011 წელს ჩამოვედი საქართველოში, არც ვაპირებდი, მაგრამ როცა დავინახე ქვეყნის მაშინდელი მდგომარეობა, ათეულობით მილიონი დოლარი ჩავდე და ათასობით სამუშაო ადგილი შევქმენი. სააკაშვილს აქვს ნიჭი, ჩვენ უნდა გამოვიყენოთ ეს ნიჭი და შემდეგ აგოს პასუხი ხალხის წინაშე ჩადენილზე ბატონ გახარიას წინააღმდეგი არაფერი მაქვს, მაგრამ ის უბრალოდ ვერ გააკეთებს ამას. 20 ივნისის ამბავიც გამოსაძიებელი იქნება და არავინ არავის აპატიებს.
სტალინმა, რომელიც იყო დიქტატორი, სისხლისმღვრელი, რომელმაც არ დაინდო თავისი ოჯახი და არასდროს ეკითდებოდა სხვას აზრს, როდესაც ნაცისტური გერმანია მიადგა საბჭოთა კავშირს, ციხიდან გამოიყვანა ყველა გენერალი.,"- განაცხადა ვასილ სოფრომაძემ.
მოამზადა ვასილ სოფრომაძემ