სააკაშვილის „შამათი“ - „ძალაუფლებისთვის ბრძოლის დროს, სააკაშვილის მომხრეები სახელმწიფოს ანადგურებენ“

სააკაშვილის „შამათი“ - „ძალაუფლებისთვის ბრძოლის დროს, სააკაშვილის მომხრეები სახელმწიფოს ანადგურებენ“

access_time2017-09-11 10:47:44

რა ხდება უკრაინაში სადაც საქართველოს ექსპრეზიდენტი გუშინ ჩავიდა, რა გეგმები აქვს მიხეილ სააკაშვილს და როგორ აფასებენ ამ სიტუაციას ქართველი ექსპერტები?

 

მიხეილ სააკაშვილისა და მისი მხარდამჭერების მიერ უკრაინის საზღვრის გარღვევის ფაქტზე ლვოვის პოლიციამ გამოძიება დაიწყო. ინფორმაცია უკრაინის პოლიციის ვებგვერდზეა გამოქვეყნდა. გამოძიება სახელმწიფო საზღვარზე პირების უკანონოდ გადაყვანის მუხლითაა დაწყებული, რაც 5-დან 8 წლამდე თავისუფლების აღკვეთას გულისხმობს. 
უკრაინის პოლიციის ინფორმაციით, საზღვარზე მასობრივი არეულობის შედეგად პოლიციის 11 თანამშრომელია დაშავებული. 

 

საქართველოს ექსპრეზიდენტმა და ოდესის ოლქის გუბერნატორმა, რომელსაც უკრაინის მოქალაქეობა ჩამორთმეული აქვს, ათეულობით მხარდამჭერთან ერთად გუშინ, პოლონეთი-უკრაინის საზღვრის „შეგინის“ გამშვებ პუნქტთან კორდონები გაარღვია და უკრაინის ტერიტორიაზე საპასპორტო შემოწმების გარეშე შევიდა. როგორც უკრაინის სასაზღვრო სამსახურში განმარტავენ, მესაზღვრეებს ბრძანება ჰქონდათ, არ გამოეყენებინათ ძალა.

 

რაც ეხება სამომავლო გეგმებს, მიხეილ სააკაშვილი ამ თემაზე დღეს ისაუბრებს. თუმცა უკვე ცნობილია, რომ ის მომხრეებთან ერთად კიევისკენ გაემგზავრება.

 

„ძალაუფლებისთვის ბრძოლის დროს, სააკაშვილის მომხრეები სახელმწიფოს ანადგურებენ“, - წერს „ფეისბუქის“ პირად გვერდზე უკრაინის გენერალური პროკურორი იური ლუცენკო. 


 

ლუცენკოს განცხადებით, მთავრობის ქმედებების კანონიერების შესახებ დავის გადაწყვეტა მხოლოდ სასამართლოშია შესაძლებელი. „ასე დაიბრუნა ივანიშვილმა პასპორტი, რომელიც მას სააკაშვილმა გაუუქმა“, - ამბობს უკრაინის გენერალური პროკურორი. „ძალისმიერი გზა ქმნის პრეცედენტს ზახარჩენკოსთვის, იანუკოვიჩისთვის, კლიმენკოსთვის და ყველასთვის, ვინც ათას მხარდამჭერს შეაგროვებს“, - წერს უკრაინელი მაღალჩინოსანი. 

 

მისივე თქმით, კანონი მოითხოვს, დადგეს ყველა იმ პირის სისხლის სამართლებრივი პასუხისმგებლობა, ვინც საზღვრის უკანონო კვეთის ორგანიზებაში მონაწილეობდა, ხელმძღვანელობდა ან რჩევებით ხელს უწყობდა ამ ქმედებებს. „ეს ასეც იქნება. ასევე სათანადოდ იქნება შეფასებული სახელმწიფო ინსტიტუციების ქმედებები“, - განმარტავს ლუცენკო.

 

მიხეილ სააკაშვილის უკრაინაში დაბრუნებას თბილისში ექსპერტები ეხმაურებიან. ანალიტიკოსები ამბობენ, რომ გუშინ განვითარებული მოვლენების შედეგად, მიხეილ სააკაშვილის პოლიტიკური რეიტინგი მნიშვნელოვნად გაიზარდა.

 

„ბიზნესმენი ბატონი პოროშენკო უფრო უარეს მდგომარეობაში ჩავარდა, ვიდრე პოლიტიკოსი სააკაშვილი. სააკაშვილმა მოახერხა საკუთარი პიროვნების აღზევება. მიხეილმა პრაქტიკულად შამათი გაუკეთა უკრაინის ხელისუფლებას, რის გამოც მის უკან დგას ევროპული ორგანიზაციების დიდი რაოდენობა“, - ექსპერტთა კლუბის პრეზიდენტის სოსო ცისკარიშვილის ამ კომენტარს „რუსთავი 2“ ავრცელებს.

 

მიხეილ სააკაშვილის უკრაინაში დაბრუნებაზე საუბრობს საქართველოს ატლანტიკური საბჭოს ვიცე პრეზიდენტიც. ბათუ ქუთელია ამბობს, რომ მომხდარი უკრაინაში დემოკრატიის განვითარებაზე მოახდენს გავლენას.

 

„პოლიტიკური ოპონენტების განდევნა პოლიტიკური სპექტრიდან, ცუდად მთავრდება დემოკრატიული სახელმწიფოებისათვის და ის, რომ სააკაშვილი დაბრუნდა უკრაინაში, უკრაინული პოლიტიკური პროცესებისთვის არის გაცილებით უფრო ჯანსაღი “, - აცხადებს ბათუ ქუთელია.

 

 



გიორგი გახარია: 8 წელი არ გამოდგა საკმარისი სისტემური ინფრასტრუქტურის ნორმალურ ფორმაში მოსაყვანად

გიორგი გახარია: 8 წელი არ გამოდგა საკმარისი სისტემური ინფრასტრუქტურის ნორმალურ ფორმაში მოსაყვანად
access_time2020-09-20 20:13:05
“ის მდგომარეობა, რა მდგომარეობაშიც ჩვენ ქვეყანა მივიღეთ, გზები, წყალმომარაგება, გაზიფიცირება, ხიდები – ეს ყველაფერი იყო ისეთ სავალალო მდგომარეობაში, სისტემურად, მთელი ქვეყნის მასშტაბით, გუშინაც ვთქვი და დღესაც გავიმეორებ – 8 წელი არ გამოდგა საკმარისი იმისთვის, რომ ეს სისტემური ინფრასტრუქტურა ნორმალურ ფორმაში მოგვეყვანა. მომავალი 4 წლის განმავლობაში, სახელმწიფო გეგმავს, სისტემურ ინფრასტრუქტურაში დახარჯოს 20 მილიარდი ლარი, მაგრამ იმასაც გეტყვით, რომ ესეც არ იქნება სამყოფი. ” თქვა...

Forbes: Duty Free-ს მაღაზიების ქსელების დამაარსებელმა ქველმოქმედებაზე 8 მლრდ. დახარჯა

Forbes: Duty Free-ს მაღაზიების ქსელების დამაარსებელმა ქველმოქმედებაზე 8 მლრდ. დახარჯა
access_time2020-09-20 20:35:56
ჩაკ ფინი მაღაზიების ქსელის Duty Free-ს წყალობით მილიარდერი გახდა, თუმცა, ამან მისი მოკრძალებული, და ასკეტური ცხოვრების წესი ვერ შეცვალა. მან სპეციალური ფონდი Giving While Living შექმნა, რომლის მიზანიც იყო აქტიური საქველმოქმედო საქმიანობის წარმოება სიცოცხლეში, და არა ფულის გადაცემა ფონდებისთვის გარდაცვალების შემდეგ,ბოლო 40 წლის მანძილზე ფინიმ ქველმოქმედებაზე 8 მლრდ. დოლარი გაიღო. 2012 წელს ერთ-ერთ ინტერვიუში მან განაცხადა, რომ 2 მლნ. დოლარი გადადო იმისთვის, რომ მას...

ყოგორ ყიდდნენ ძმები ჰეტფილდები წვიმას XX საუკუნის დასაწყისში?

ყოგორ ყიდდნენ ძმები ჰეტფილდები წვიმას XX საუკუნის დასაწყისში?
access_time2020-09-20 15:25:59
XX საუკუნის დასაწყისში, ამერიკის შეერთებულ შტატებში მოგზაურობდა ადამიანი, რომელიც მტვერსასრუტებით და სხვა საყოფაცხოვრებო ნივთებით კი არა, ჩვეულებრივი წვიმით ვაჭრობდა. მას ჩარლზ ჰეტფილდი ერქვა და თაღლითი არ ყოფილა. მოთხოვნილება აჩენს მიწოდებას XX საუკუნუს დასაწყისში ამერიკის სოფლის მეურნეობა — სიმინდის, კარტოფილის და ბამბის უკიდეგანო მინდვრები იყო. დროულად მოსული წვიმა ფერმერს ამდიდრებდა, ხოლო გვალვა – აკოტრებდა. როდესაც...

როგორ ყიდდნენ ძმები ჰეტფილდები წვიმას XX საუკუნის დასაწყისში

როგორ ყიდდნენ ძმები ჰეტფილდები წვიმას XX საუკუნის დასაწყისში
access_time2020-09-16 16:05:58
XX საუკუნის დასაწყისში, ამერიკის შეერთებულ შტატებში მოგზაურობდა ადამიანი, რომელიც მტვერსასრუტებით და სხვა საყოფაცხოვრებო ნივთებით კი არა, ჩვეულებრივი წვიმით ვაჭრობდა. მას ჩარლზ ჰეტფილდი ერქვა და თაღლითი არ ყოფილა.   მოთხოვნილება აჩენს მიწოდებას   XX საუკუნუს დასაწყისში ამერიკის სოფლის მეურნეობა — სიმინდის, კარტოფილის და ბამბის უკიდეგანო მინდვრები იყო. დროულად მოსული წვიმა ფერმერს ამდიდრებდა, ხოლო გვალვა – აკოტრებდა. როდესაც გამომწვარი მიწა...

Forbes: Tesla-ს წარმატების მთავარი საიდუმლო - ადამიანების რწმენა

Forbes: Tesla-ს წარმატების მთავარი საიდუმლო - ადამიანების რწმენა
access_time2020-09-20 16:50:05
Tesla-ს აქციების ფასის რეკორდულმა ვარდნამ მცირე ინვესტორების განწყობებზე ვერ იმოქმედა - ისინი კვლავ დარწმუნებულები არიან, რომ კაპიტალებს მომავალში აბანდებენ, და მათი ნაწილის სამუშაოს შეცვლაზეც კი მიდის, ოღონდ საყვარელ კომპანიასთან ახლოს იყოს. სწორედ ამ, საცალო აქციონერების დამსახურებაა ელექტროკარების მწარმოებლის კაპიტალიზაციის მუდმივი ზრდა. აქციების 20%-იანმა ვარდნამ Tesla-ს «ფან-კლუბის“ რწმენა ვერ შეარყია. მაღალი ტექნოლოგიების სფეროში მომუშავე ინჟინერისთვის დევიდ ბერდისთვის,...


მსგავსი სიახლეები

up