ცნობილი რუსი ჟურნალისტი ოლეგ-სანდრო პანფილოვი სოციალურ ქსელში ბოლო პერიოდში ქვეყანაში გაჩენილ ხანძრებს ეხმაურება. როგორც პანფილოვი წერს 2012 წლიდან დღემდე 30- მდე ბაზარია დამწვარი და არც ერთი საქმე გამოძიებული არ არის. „კომერსანტი“ დაინტერესდა რამდენად რეალურია სტატისტიკა რომელსაც ჟურნალისტი აქვეყნებს. სწორედ ამიტომ მედიაჰოლდინგმა შინაგან საქმეთა სამინისტროსგან გამოითხოვა ინფორმაცია რა ეტაპზეა სავაჭრო და გასართობი ცენტრებში მომხდარი ფაქტების საქმეები. სია, რომელსაც ოლეგ-სანდრო პანფილოვი აქვეყნებს შემდეგია:
1. დამწვარი ,,ლილოს ბაზრობა – 15/XI/2012
2. დამწვარი სავაჭრო ცენტრი ,,საბა – 26/02/2013
3. დამწვარი ,,ევროპარკი – 17/07/2013
4. დამწვარი სენაკის ბაზრობა – 25/08/2014
5. დამწვარი ,,ბოშათა ბაზრობა – 16/09/2014
6. დამწვარი ,,ხოფას ბაზრობა – 7/XII/2014
7. დამწვარი ,,ელიავას ბაზრობა – 27/XII/2014
8. დამწვარი ,,ისნის'' ბაზრობა – 21/01/2015
9. დამწვარი ,,ელიავას ბაზრობა – 4/08/2015
10. დამწვარი ,,კიროვის ქარხანა - 27/08/2015
11. დამწვარი ,,შავი ბაზრობა – 2/08/2016
12. დამწვარი ბაზრობა და ბავშვთა სამყარო – 29/01/2017
13. დამწვარი ,,ელიავას ბაზრობა - 2/06/2017
14. დამწვარი ფოთის ბაზრობა – 10/07/2017
15. დამწვარი ,,დეზერტირების ბაზრობა – 17/07/2017
16. დამწვარი ,,ისნის ბაზრობა - 19/08/2017
17. დამწვარი სასტუმრო ,,ლეოგრანდი - 24/XI/2017
18. დამწვარი ,,მიხაილოვის საავადმყოფო - 18/02/2018
19. დამწვარი ,,კიროვის ქარხანა - 21/02/2018
20. დამწვარი ,,თერგის ბაზრობა - 27/02/2018
21. დამწვარი სამგორის საამქროები და საწყობები - 4/03/2018
22. დამწვარი სავაჭრო ცენტრი ბთუმში - 29/08/2018
23. დამწვარი ,,ყარაჯალის ბაზრობა - 6/09/2018
24. დამწვარი ,,ელიავას ბაზრობის საამქროები - 11/X/2018
25. დამწვარი ,,სტამბოლის ბაზრობა - 31/X/2018
26. დამწვარი ,,ჩინელების ბაზრობა - 6/06/2019
27. დამწვარი ,,თერგის სავაჭრო ცენტრი - 2/X/2019
28. დამწვარი ,,ქავთარაძის ბაზრობა - 13/01/2020
29. დამწვარი ,,ისნის ბაზრობა - 13/01/2020
30. დამწვარი ,,კეჩის ბაზრობა ქუთაისში - 17/02/2020
31. დამწვარი ,,ვარკეთილის ბაზრობა - 15/06/2020
ერთ-ერთი ასეთი გამოუძიებელი საქმე „ბავშთა სამყაროს“ ხანძარია. როგორც „ბავშვთა სამყაროს“ დაზარალებულების ადვოკატი მარიკა არევაძე აცხადებს, დაზარალებულებს ხანძრის შედეგად მიღებული ზარალი ამ დრომდე არ ანაზღაურებიათ. საუბარია, დაახლოებით 9 მლნ. ლარზე. არავეძის თქმით, გამოძიება არაეფექტური, საგამოძიებო უწყებებს პასუხისმგებელი პირი ამ დრომდე არ ჰყავთ გამოვლენილი და არ არიან შესაბამის სამართლებრივ პასუხისგებაში მიცემულნი. მისი თქმით, ამ ადამიანების გამოვლენით და დასჯით ფაქტების პრევენცია მოხდებოდა.
მარიკა არევაძე აცხადებს, რომ სახელმწიფო ხანძრებთან დაკავშირებით არ არის ეფექტური სავაჭრო ცენტრების უსაფრთხოების ნორმების კონტროლში, რადგან ვერ უზრუნველყოფენ უსაფრთხების ნორმების დაცვას. მისი თქმით, საგანგებო სიტუაციების მართვის სამსახურმა უნდა აკონტროლოს არის თუ არა უსაფრთხოების ნორმები ობიექტზე დაცული, განსაკუთრებით სახანძრო უსაფრთხების მიმართულებით.
კიდევ ერთი პრობლემური საკითხი, რომელზეც ადვოკატი საუბრობს დაზღვევაა. მარიკა არევაძე გვიყვება, რომ „ბავშვთა სამყაროს“ დაწვის შემდეგ საქართველოს მთავრობამ მიიღო დადგენილება, რომლითაც სავალდებულო გახდა ამ ტიპის ობიექტებზე მოიჯარეების დაზღვევა. მისი თქმით, ამ შემთხვევაშიც კანონი არ არის აღსრულებადი რაც ბუმერანგივით, უარყოფითი შედეგით ბრუნდება უკან.
„ჩვენს შემთხვევაში გამოძიება მიმდინარეობდა ორი მიმართულებით: პირველი ეს იყო ხანძრის გაჩენის მიზეზი, ბავშვთა სამყარო დაიწვა თუ დაწვეს. ამ ნაწილში გამოძიებას არანაირი შედეგი არ აქვს. მეორე მიმართულება იყო ბავშთა სამყაროში სახანძრო უსაფრთხოების ნორმების დაცვის საკითხი. ამ ნაწილში გამოძიებამ დაადგინა, რომ ექსპლუატაციის წესები დაცული არ იყო, ბრალი წაუყენა დირექტორს და დაცვის თანამშრომელს თუმცა, რაც არ უნდა გასაკვირი იყოს პირველმა ინსტანციამ სისხლის სამართლის საქმეზე გამამართლებელი განაჩენი გამოიტანა. საქმე სააპელაციოში და ველოდებით, რომ გამამტყუნებელი განაჩენი დადგება, ვფიქრობთ, რომ ამ შედეგისთვის საქმეში საკმარისი მტკიცებულებებია.
ჩვენ ასევე გაშლილი გვაქვს სამოქალაქო და ადმინისტრაციული მიმართულება. ადმინისტრაციულ საქმეს რაც შეეხება, ყველას ახსოვს, რომ მერიამ და საკრებულომ თავის დროზე გამოჰყო ერთჯერადი დახმარება, რა დროსაც თითოეულმა დაზარალებულმა მიიღო 3 000 ლარი, თუმცა ეს თანხა არ მიუღია ყველა დაზარალებულს, მე ვისაც ვიცავდი მათ შორის 33 ადამიანი იყო ასეთი. ამ 33 ადამიანის სახელით მივმართეთ მერიას და საკრებულოს რომელბმაც პასუხის გაცემა არ იკადრეს, ამიტომ სასმართლოს მივმართეთ და პირველი ინსტანცია მოვიგეთ, გადაწყვეტილება გაასაჩივრა მერიამ და საკრებულომ მოვიგეთ აპელაცია, რომელიც გაასაჩივრა მერიამ და საკრებულომ და ეს საჩივრებიც არ დაკმაყოფილდა. გასული წლის დეკემბერში მერიამ ნებაყოფლობით შეასრულა ეს სასამართლო გადაწყვეტილება .რაც შეეხება სამოქალაქო სარჩელს. აქ მნიშვნელოვანია ანაზღაურდეს ის ზიანი რომელიც ამ ადამიანებს მიადგა. მიუხედავად იმისა, რომ სამ წელზე მეტი გავიდა ჯერ კიდევ საქმის პროცესში ვართ“, - განმარტავს მარიკა არევაძე.
ბაჩო ადამია
მარიკა არევაძე
