ნავთობის ფასების ვარდნის ფონზე რუსული რუბლი აშშ დოლართან ბოლო ოთხ წელიწადში ყველაზე დაბალ ნიშნულზე დაეცა.გასული 24 საათის განმავლობაში რუბლი დოლართან თითქმის 10%-ით გაუფასურდა. ერთი დოლარის ღირებულება ამჟამად 74.9 რუბლია. 2016 წლის დასაწყისის მერე რუბლი დოლართან ასეთი სუსტი არ ყოფილა.
9 მარტს ნავთობის საერთაშორისო ფასები შემცირდა თითქმის 30%-ით იმის შემდეგ, რაც ოპეკის სხდომამ ვერ მიაღწია შეთანხმებას ნავთობმოპოვების ან ძველი კვოტების შენარჩუნებაზე, ან ახლების დადგენაზე.
შავი ოქროს ფასმა განაახლა 2016 წლის მინიმუმი - კერძოდ, „ბრენტი“-ს სორტის შავი ოქრო გაიაფდა მესამედით, 31,4 დოლარამდე 1 ბარელზე.WTI-ს სორტის ნავთობის ღირებულება ჩამოიშალა 30,2 დოლარამდე.
მოგვიანებით, „ბრენტი“ მცირედით გაძვირდა, და 9 მარტის დილისთვის მისმა ფასმა მიაღწია 32, 9 დოლარს.ნავთობის ფასის ვარდნას მოჰყვა რუბლის კურსის ჩამოშლა - 67-დან 74 რუბლამდე დოლართან მიმართებაში. ბოლოს დოლარმა გადააჭარბა 73-ან მაჩვენებელს 2016 წლის მარტში.
რუბლთან მიმართებაში ასევე გაძვირდა ევრო, რომელმაც მიაღწია 83,7-ან ნიშნულს - ეს არის ყველაზე დაბალი მაჩვენებელი 2016 წლის თებერვლიდან. ანალიტიკოსის სოფია დონეცის თქმით, ეს ნათლად აჩვენებს, რომ დაპირებების მიუხედავად, რუსეთის მთავრობამ ვერ მოახერხა რუბლის კურსის ნავთობის ფასზე დამოკიდებულების შემცირება.
კერძოდ, ნავთობის გაიაფება 10%-ით ავტომატურად იწვევს რუბლის დასუსტებას 3%-ით. ნავთობის ფასი 40 დოლარი ბარელზე საშუალოდ ნიშნავს რუბლის კურსს 74-ს ფარგლებში, ხოლო თუ ნავთობის ფასი დაეცა 30 დოლარამდე, რუბლის კურსი დასუსტება 84-მდე.
თუმცა, რუსი ანალიტიკოსები ინარჩუნებენ სიმშვიდეს - ეროვნული კეთილდღეობის ფონდში აკუმულირებული თანხები იძლევა ფინანსური მდგომარეობის სტაბილურობის შენარჩუნების საშუალებას რამდენიმე წლის მანძილზე. ამავე დროს, ნავთობის ასეთი დრამატული გაიაფება - დროებითია, და უკავშირდება მოკლევადიან ფაქტორს - კორონავირუსს.
rbc
მოამზადა თენგიზ აბლოთიამ