რუსული რუბლი გაუფასურდა - მიზეზი აშშ-ს ახალი სანქციების საფრთხე და ნავთობის გაიაფებაა

რუსული რუბლი გაუფასურდა - მიზეზი აშშ-ს ახალი სანქციების საფრთხე და ნავთობის გაიაფებაა

access_time2019-08-06 19:00:27


მას შემდეგ, რაც ვაშინგტონში  სკრიპალების საქმის გამო რუსეთის მიმართ სანქციების ახალი პაკეტის განხილვა დაიწყეს, რუსულმა რუბლმა  გაუფასურება დაიწყო - დოლართან მიმართებაში რუბლის კურსი შეადგენს 65, ევროსთან - 72-ს, ინვესტორებმა კი რუსული სახელმწიფო ობლიგაციების გაყიდვა დაიწყეს.


ანალიტიკოსები ცდილობენ პანიკის თავიდან აცილებას. მათი აზრით, რუბლის ხელახალი დევალვაციის მიზეზია ნავთობზე ფასების მორიგი ვარდნა, სანქციების შესახებ ინფორმაციამ კი ამ პროცესს მხოლოდ  ხელი შეუწყო.


თუმცა, შესაძლოა, უარესი ჯერ კიდევ წინ იყოს.


ინფორმაცია იმის შესახებ, რომ აშშ-ს კონგრესში ახალი სანქციებისთვის დაიწყო მზადება  გამოცემა  Politico გაავრცელა, შემდგომში კი ეს დაადასტურა რუსულმა სააგენტომ
РИА Новости-მ.


ამ დროისთვის განიხილება 6 შესაძლო შეზღუდვა - მათ შორისაა რუსეთისთვის ამერიკულ ბანკებში სესხების აღების აკრძალვა, რომელიც ასევე შეეხება მსხვილ საერთაშორისო ფინანსურ ინსტიტუტებს, სადაც ამერიკას აქვს დიდი ფინანსური გავლენა - ისეთებს, როგორცაა საერთაშორისო სავალუტო ფონდი, საერთაშორისო ბანკი და განვითარების და რეკონსტურქციის ევროპული ბანკი.


ასევე არაა გამორიცხული, რომ აშშ-ში ფრენები აეკრძალოს რუსულ სახელმწიფო ავიაკომპანია „აეროფლოტს“.


ამ ეტაპზე სანქციების პაკეტი   მხოლოდ განხილვის სტადიაზეა, თუმცა ეს საკმარისი აღმოჩნდა რუბლის კურსის მკვეთის გაიაფებისთვის.



ამას დაემატა ნავთობის გაიაფება 61 დოლარამდე, რაც თავის მხრივ, ასევე უკავშირდება ამერიკულ პოლიტიკას - კერძოდ, 1 სექტემბრიდან გაფართოვდება იმ ჩინური საქონლის ჩამონათვალი, რომლის მიმართაც ამოქმედდება 10%-ანი ტარიფები - მთლიანობაში ამერიკული სანქციები შეეხება 300 მლრდ. დოლარის ჩინურ პროდუქციას.


ჩინეთი არის მსოფლიოში ენერგორესურსების უმსხვილესი მომხმარებელი, ამიტომ ბაზარი შეაშინა მისი ეკონომიკის ზრდის შენელებისა და, შესაბამისად, ენერგომოხმარების შემცირების შესაძლებლობამ, რის გამოც ნავთობმა  გაიაფება დაიწყო.


ასევე აშშ-ს ფედერალურმა რეზერვმა შემქნა ნეგატიური მოლოდინები იმით, რომ არ დააანონსა ფულად-საკრედიტო პოლიტიკის შერბილება, რის გამოც ინვესტორებმა დაიწყეს რისკიანი აქტივების გაყიდვა, ამან, შესაბამისად, გააძვირა დოლარი და გააიაფა რუბლი.


თუმცა, ანალიტიკოსების აზრით, ახალი სანქციების შემოღების შემთხვევაში ზემოქმედება იქნება მინიმალური.


„ვერ იფრენს „აეროფლოტი“ შტატებში, აუკრძალავენ ბანკებს სესხების აღებას - ისინი ისედაც არ იღებენ, აქედან გამომდინარე ვერ ვხედავ სანქციების ზემოქმედებას რუსულ ბანკებზე, რომ მათი სტაბილურობა დადგეს საფრთხის ქვეშ,“ - ამბობს ფინანსური კომპანია Открытие Брокер-ის მენეჯერი ტიმურ ნიგმატულინი.


მისი აზრით, ბევრად უფრო საშიში შეიძლება იყოს რუსული სახელმწიფო ობლიგაციების ყიდვის აკრძალვა ამერიკული ფინანსური კომპანიებისთვის, თუმცა, ექსპერტი ვარაუდობს, რომ ვაშინგტონი ამაზე არ წავა.


„ამერიკელებს არ უყვართ პრობლემების შექმნა თავისი ბიზნესისთვის, რომელიც ასე თუ ისე წარმოდგენილია რუსეთში. გასათვალისწინებელია, რომ რუსული სახელმწიფო ვალის მყიდველთა მესამედი მოდის ამერიკულ კომპანიებზე,“ - ამბობს ტიმურ ნიგმატულინი,.


თუმცა, მისი განცხადებით, არც ეს იქნებოდა ფატალური რისკი - რუსულ რუბლს მკვეთრი ვარდნისგან იცავს დადებითი მაკროეკონომიკური მაჩვენებლები - დაბალი ინფლაცია, კარგი საგადამხდელო ბალანსი და ბიუჯეტის მცირე დეფიციტი.


საბოლოო ჯამში რუბლის სამართლიანი კურსი შეადგენს 64-65. შესაძლებელია ვიხილოთ 66-67, თუმცა მეტი არა,“ - მიიჩნევს Открытие Брокер-ის ანალიტიკოსი.


ექსპერტების უმრავლესობა თვლის, რომ რუბლის დევალვაცია იქნება ზომიერი, თუმცა, ეროვნული ვალუტა ვერ დაუბრუნდება 63-ან მაჩვენებელს - ამის მიზეზია ცუდი ზოგადი ფონი განვითარებადი ბაზრებისთვის და ნავთობის ფასები.


РИА Новости





ლარი გამყარდა - 1 აშშ დოლარის ოფიციალური ღირებულება 2.8422 ლარი გახდა

ლარი გამყარდა - 1 აშშ დოლარის ოფიციალური ღირებულება 2.8422 ლარი გახდა
access_time2020-02-19 17:05:52
1 აშშ დოლარის ოფიციალური ღირებულება 2.8422 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.8422 ლარი შეადგინა. კურსი, რომელიც დღეს მოქმედებდა, 2.8631 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0209 ლარი შეადგინა. რაც შეეხება ევროს, მისი კურსი 3.0701 ლარია. მაშინ, როცა დღეს მოქმედი კურსი 3.1010 ლარს შეადგენდა. შესაბამისად, ევროს ცვლილებამ 0.0309...

TODINI COSTRUZIONI GENERALI S.p.A-კომპანია, რომელსაც გზების დეპარტამენტმა ნაკისრი ვალდებულებების შეუსრულებლობის გამო ხელშეკრულება მეორედ შეუწყვიტა

TODINI COSTRUZIONI GENERALI S.p.A-კომპანია, რომელსაც გზების დეპარტამენტმა ნაკისრი ვალდებულებების შეუსრულებლობის გამო ხელშეკრულება მეორედ შეუწყვიტა
access_time2020-02-19 17:00:28
საავტომობილო გზების დეპარტამენტმა ნაკისრი ვალდებულებების შეუსრულებლობის გამო უცხოურ კომპანია TODINI COSTRUZIONI GENERALI S.p.A.-სთან ხელშეკრულება მეორედ გაწყვიტა. თავდაპირველად მაშინ, როდესაც კომპანიამ სამტრედია-გრიგოლეთის მესამე ლოტზე სამუშაოები არაჯეროვნად შეასრულა და მეორედ ახლა, როდესაც ხულო-ზარზმის გზის 2 მონაკვეთს რეაბილიტაცია-რეკონსტრუქცია ვერ ჩაუტარა. არადა, TODINI COSTRUZIONI GENERALI S.p.A-სთან ხულო-ზარზმის გზის მშენებლობაზე 110-მილიონიანი ხელშეკრულება მაშინ...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-19 21:30:46
დღის Top-10 საინტერესო ამბავი 1.„საქართველოში რამდენიმე წამყვანი ბანკია, რომლებიც გაცილებით დიდ პორტფელს ფლობენ ვიდრე „ფინკა“ და „კრისტალი“ ერთად, ამიტომ კონკურენციას ვერ...

მიხაილ ხოდორკოვსკი: კრემლმა სასამართლო წააგო

მიხაილ ხოდორკოვსკი: კრემლმა  სასამართლო წააგო
access_time2020-02-19 19:30:28
„კრემლმა წააგო სასამართლო „იუკოსის“ აქციონერებთან. სწორედ კრემლმა და არა რუსეთმა“  -წერს   Twitter-გვერდზე კომპანიის ყოფილი დამფუძნებელი მიხაილ ხოდორკოვსკი.მისი თქმით, ჯერ კიდეც 2005 წელს, ციხეში ყოფნის დროს, მან  თავისი წილები „იუკოსში“ მის პარტნიორს, ლეონიდ ნევზლინს გადასცა, შესაბამისად, მას  ამ საკითხში არავითარი პირადი ფინანსური დაინტერესება არ გააჩნია.   სასამართლოს გადაწყვეტილების გამოცხადების შემდეგ, ნევზლინმა განაცხადა,...

„მარცვლეულის წარმოების განვითარებას საბიუჯეტო რესურსები არ ჰყოფნის“

„მარცვლეულის წარმოების განვითარებას  საბიუჯეტო რესურსები  არ ჰყოფნის“
access_time2020-02-19 16:00:47
მარცვლეულის წარმოების მხრივ ქვეყანაში სერიოზული პრობლემებია. გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი ამბობს, რომ მარცვლეულის წარმოება არის სექტორი, რომელიც სახელმწიფოსგან სათანადო მხარდაჭერას ვერ იღებს. ამ მიმართულების განსავითარებლად სამინისტროს შემუშავებული აქვს შესაბამისი პროექტები, თუმცა საბიუჯეტო რესურსები ყოველთვის საკმარისი არ არის. “ჩვენ ყოველწლიურად დაახლოებით, 50-55 000 ჰექტარი ქერისა და ხორბლის ნათესი ფართობი...


მსგავსი სიახლეები

up