რუსული ურალსის ტიპის ნავთობის ფასი ახლა ერთ ბარელზე 11 დოლარზე ნაკლებია. ასეთ სიტუაციაში ბიუჯეტი ნავთობის გადასახადებისგან პრაქტიკულად შემოსავალს ვერ იღებს, ხოლო კომპანიებს ევროპაში ნავთობის გაყიდვა აღარ უღირთ.
ურალსის ტიპის რუსული ნავთობის ღირებულება ჩრდილო-დასავლეთ ევროპაში 1 აპრილს 10,54 დოლარამდე დაეცა და ახალი ანტირეკორდი დაამყარა- ამის შესახებ სააგენტო Argus-ი წერს. ასეთი მინიმუმი 1999 წლის შემდეგ არ დაფიქსირებულა. ურალს-ის ნავთობის პარტიის ფასი ხმელთაშუა ზღვისპირეთშიც მნიშვნელვნად დაეცა - 12,79 დოლარი ერთ ბარელზე. ბრენტის ნავთობი კი ბარელზე 2, 5 დოლარი ღირს.
ურალსის ფასის შემცირების გამო ბიუჯეტი მკვეთრად კარგავს ნავთობისგან შემოსავალს, ნავთობის ექსპორტის მოგება ნულდება.
მარტის თვეში, ნავთობზე ფასები ძველი ფასის მესამედზე ნაკლები გახდა, სწორედ მას შემდეგ რაც რუსეთმა და საუდის არაბეთმა „ოპეკ პლუსის“ შეთანხმების გახანგრძლივებაზე მოლაპარაკება ვერ შეძლეს. შეთანხმება ნავთობის მოპოვების შემცირებას ეხება, რომელიც ნავთობის ერთი ბარელის ფასს 50 დოლარზე 3 წლის განმავლობაში ინარჩუნებდა. შეთანხმების მოქმედების ვადა 1 აპრილს ამოიწურა. ეს შეთანხმება წევრ ქვეყნებს ნავთობის მოპოვებისა და ექპორტის გაზრდის საშუალებას აძლევს. საუდის არაბეთმა მოპოვების 25 პროცენტით გაზრდა უკვე დააანონსა - ქვეყანა დღეში 12 მილიონ ბარელამდე ნავთობის მოპოვებას დაიწყებს, აქედან დაიწყო საფასო ომი.
რუსეთმა 2020 წლის პირველ კვარტალში ნავთობის მოპოვება 0,7 პროცენტით გაზარდა - ანუ დღეში 11,3 მილიონი ბარელი მოიპოვებოდა. თებერვალში „ოპეკ პლუსის“ შეთანხმების გაუქმებამდე რუსეთი 11,29 მილიონ ბარელს მოიპოვებდა. თუმცა, ბლუმბერგის მონაცემებით, რუსეთი უახლოეს მომავალში მოპოვების გაზრდას არ აპირებს.
ნავთობის ფასზე მოქმედებს ნედლეულზე მოთხოვნის კატასტროფული ვარდნა კორონავირუსის პანდემიის გამო: აპრილში ბრენტის ტიპის ნავთობი შეიძლება ერთ ბარელზე 10 დოლარი გახდეს, ამის შესახებ ანალიტიკოსმა მაქსიმ ნეჩაევმა განაცხადა. რამდენიმე დღის წინ, დონალდ ტრამპმა განაცხადა, რომ რუსეთმა და საუდის არაბეთმა ნავთობის მოპოვებაზე შესაძლოა ახალ ხელშეკრულებას მოაწერონ ხელი. მანამდე კი ბაზარზე არსებული სიტუაცია, აშშ-ს პრეზიდენტმა ორივე ქვეყნის პირველ პირთან პირისპირ განიხილა.
rbc.ru
მარიამ მორგოშია