რუსთავის უფუნქციო რკინიგზის სადგურს ძარცვავენ

რუსთავის უფუნქციო რკინიგზის სადგურს ძარცვავენ

access_time2018-10-15 22:30:48

სამი პირი დააკავეს 1953 წელს აშენებული რუსთავის რკინიგზის სადგურის შენობის დაშლა-ნგრევისთვის, რაც მიმდინარე წლის ზაფხულში დაიწყეს.

 

„რკინიგზის სადგურის სახურავის ერთი ნაწილი ჩამოინგრა. ამის შემდეგ ადამიანების ჯგუფმა შენობის დემონტაჟი დაიწყო. იპარავდნენ ყველაფერს - ხის მასალებს, აგურს, კარ-ფანჯრებს“, უთხრეს რადიო თავისუფლებას „საქართველოს რკინიგზაში“. შენობის ძარცვის ფაქტს ადგილობრივი სამართალდამცველები იძიებენ.

 

მტკვრის მარცხენა სანაპიროზე, რუსთავის ბოლოს, ტუფის ქვით აშენებული რკინიგზის სადგურის შენობა 2010 წელს მართვის უფლებით „საქართველოს რკინიგზის“ მიერ დაფუძნებულ კომპანია „რეილევი ფროფერთის“ მენეჯმენტს გადაეცა და დღემდე მის განკარგულებაშია.

 

მიმდინარე წლის 30 მარტს რუსთავის მერმა ირაკლი ტაბაღუამ წერილობით მიმართა „საქართველოს რკინიგზის“ გენერალურ დირექტორს, დავით ფერაძეს, თბილისი-რუსთავის სარკინიგზო მაგისტრალის აღდგენის თხოვნით.

 

„ყოველდღიურად რუსთავიდან თბილისში 300-მდე სამარშრუტო მიკროავტობუსი ან მსუბუქი ტაქსი გადაადგილდება და 15 ათასამდე მგზავრი გადაჰყავთ, რაც უარყოფითად მოქმედებს როგორც რუსთავის, ასევე თბილისის ეკოლოგიურ მდგომარეობაზე. ამასთანავე, იწვევს აღნიშნულ ქალაქებს შორის არსებული საავტომობილო გზების გადატვირთვას“, ნათქვამია რადიო თავისუფლებისთვის მოწოდებულ რუსთავის მერის წერილში.

 

როგორც რუსთავის მერი ირაკლი ტაბაღუა ამბობს, ქალაქის მუნიციპალიტეტის სურვილია, „საქართველოს რკინიგზასთან“ ერთად გატარდეს შესაბამისი ღონისძიებები არსებული სარკინიგზო ინფრასტრუქტურის მოსაწესრიგებლად:


 

„ეს იქნება საუკეთესო გზა განიტვირთოს, პირველ რიგში, დედაქალაქი, განახლდეს რუსთავში ქალაქთა შორის გადაადგილების კულტურა და სარკინიგზო ტრანსპორტით სარგებლობა გახდეს პრიორიტეტული სტუდენტებისა და დედაქალაქში მომუშავე რუსთაველი მოქალაქეებისთვის“.

 

ტაბაღუა შენიშნავს, რომ ქალაქის მუნიციპალიტეტი აქტიურად თანამშრომლობს საერთაშორისო ორგანიზაციებსა და უცხოელ პარტნიორებთან, რათა ქალაქში დაიწყოს რევიტალიზაციის პროცესი, რომელიც გულისხმობს ძველი, თავის დროზე საქალაქო მნიშვნელობის, ობიექტების განახლებას.

 

ტააბღუას წერილის თანახმად, რკინიგზის სადგურის შენობის განახლება, მისთვის ძველი ფუნქციის დაბრუნება და მასში თანამედროვე კომპონენტების შეტანა, ერთი მხრივ, მიმზიდველს გახდის სარკინიგზო გადაადგილებას რუსთავსა და თბილისს შორის, მეორე მხრივ კი, გამოაცოცხლებს და ახალ ეკონომიკურ შესაძლებლობებს გაუჩენს სადგურის მიმდებარე ტერიტორიაზე არსებულ დასახლებებს, კერძოდ, დავით გარეჯის ქუჩასა და გიორგი ჭყონდიდელის სახელობის დასახლებას.

 

რუსთავის მერი „საქართველოს რკინიგზის“ გენერალურ დირექტორს, დავით ფერაძეს, აქვე სწერს, რომ რუსთავის მუნიციპალიტეტისთვის პრიორიტეტულია სტუდენტებისთვის შეღავათიანი სატრანსპორტო ტარიფის დაწესება, რაც შესაძლებელი იქნება რკინიგზის განვითარების პირობებში.

 

როგორც რუსთავის მერიაში რადიო თავისუფლებას უთხრეს, მარტში გაგზავნილ წერილზე პასუხი დღემდე არ მიუღიათ, ხოლო „საქართველოს რკინიგზაში“ განგვიცხადეს, რომ ამასთან დაკავშირებით ოფიციალურ განცხადებას გააკეთებენ.

 

ამჟამად არსებულ სარკინიგზო მაგისტრალით ბაქოდან მომავალი სატვირთო მატარებლები სარგებლობენ, თუმცა - იშვიათად. გარდა ამისა, დღეში ერთხელ გარდაბნიდან თბილისამდე და პირიქით სამგზავრო მატარებელი დადის საბჭოთა დროინდელი ვაგონების შემადგენლობით. სადგურში მგზავრობის გაბილეთიანება არ ხდება, რადგან დიდი ხანია, მგზავრობის საფასურს ამგვარად აღარ იხდიან.

 

 

წყარო: რადიო  თავისუფლება


თეგები:
რუსთავი



გერმანიის მიმართულებით ავიაბილეთები ძვირდება – ​Ryanair-მა მგზავრები უკვე გააფრთხილა

გერმანიის მიმართულებით ავიაბილეთები ძვირდება – ​Ryanair-მა მგზავრები უკვე გააფრთხილა
access_time2019-12-11 19:30:09
“ლოუკოსტერი” Ryanair-ი იმ მგზავრებს, რომელთაც 2020 წლის 1-ელი აპრილის შემდეგ გერმანიის აეროპორტებში ფრენებზე ქონდათ ავიაბილეთები შეძენილი საავიაციო გადასახადის ზრდის შესახებ აფრთხილებს. ავიაკომპანია ასეთ მგზავრებს განუმარტავს, რომ საავიაციო გადასახადის ზრდის გამო, შეძენილი ავიაბილეთის ღირებულებას თანხა დაამატონ, ან დაიბრუნონ ბილეთებში გადახდილი თანხა, ჯარიმის გარეშე.მგზავრებმა გადაწყვეტილება 18 დეკემბრამდე უნდა...

ბანკების მიმართ პრეტენზიები 129%-ით გაიზარდა - რას ედავება მომხმარებელი საფინანსო სექტორს

ბანკების მიმართ პრეტენზიები 129%-ით გაიზარდა - რას ედავება მომხმარებელი საფინანსო სექტორს
access_time2019-12-11 17:30:09
2019 წლის 10 თვეში კომერციულ ბანკებში მომხმარებლების მიერ დაფიქსირებული პრეტენზიების რაოდენობამ 11 101 შეადგინა, რაც წინა წლის ანალოგიურ პერიოდთან (4 842) შედარებით 129%-ით...

„ლაღიძის წყლების შენობაში 5 მილიონს არავინ გადაიხდის“

„ლაღიძის წყლების შენობაში  5 მილიონს არავინ გადაიხდის“
access_time2019-12-11 16:20:50
„ლაღიძის წყლების“ ისტორიულ ადგილზე - რუსთაველის 24-ში,  აღდგენის სურვილი საქართველოს ყოფილმა პრემიერ-მინისტრმა გიორგი კვირიკაშვილმა გამოთქვა და   შესაბამისი დავალება თბილისის მერს, კახა კალაძეს მისცა. “ლაღიძის წყლების” ყოფილი შენობის გამოსყიდვა მერიას მიზანშეწონიდალად არ მიაჩნია. გამოსყიდვის ღირებულება 5 მილიონი ამერიკული დოლარია,“ -ასე ეხმაურება მერია ლაღიძის წყლების შენობის გამოსყიდვის ამბავს....

ანაკლიის პორტის აშენების ალტერნატივები არსებობს

ანაკლიის პორტის აშენების ალტერნატივები არსებობს
access_time2019-12-11 15:12:59
რეგიონული განვითარებისა და ინფრასტრუქტურის სამინისტროს დაქვემდებარებაში არსებული, სსიპ „ანაკლიის ღრმაწყლოვანი ნავსადგურის განვითარების სააგენტოს“ ხელმძღვანელი დავით ჯავახაძე აცხადებს, რომ ანაკლიის პორტის აშენების ალტერნატივები არსებობს, თუმცა სახელმწიფო “ანაკლიის განვითარების კონსორციუმთან” არსებულ ხელშეკრულებაზეა კონცენტრირებული. “ინტერპრესნიუსის” კითხვაზე, თუ სახელმწიფო “ანაკლიის განვითარების კონსორციუმთან” ხელშეკრულებას შეწყვეტს, როგორ გეგმავს...

პრეცედენტული გადაწყვეტილება–ლისის ტბაში წყალი ბიზნესმენ რამაზ ახვლედიანს ეკუთვნის, სანაპირო/მიმდებარე ტერიტორია–მამუკა ხაზარაძის კომპანიებს

პრეცედენტული გადაწყვეტილება–ლისის ტბაში წყალი ბიზნესმენ რამაზ ახვლედიანს ეკუთვნის, სანაპირო/მიმდებარე ტერიტორია–მამუკა ხაზარაძის კომპანიებს
access_time2019-12-11 18:30:41
„საქართველოს უზენაესი სასამართლოს გადაწყვეტილება პრეცედენტული, ისტორიული და ჭეშმარიტად სამართლიანობის აღდგენის აქტია. საერთო სასამართლოების სისტემაში, წინამდებარე დავა პირველი შემთხვევაა და სასამართლოს განმარტებები მნიშვნელოვნად ხელს შეუწყობს ერთგვაროვანი პრაქტიკის დამკვიდრებას. კანონმა ლიცენზიის სახეობა გააუქმა, სახელმწიფომ კანონის მოთხოვნამდე წარმოშობილი სამართალ-ურთიერთობა არ ცნო, სასამართლოს კანონიერ ძალაში შესული გადაწყვეტილებით კი, დღეს უპირობოდ იქნა...


მსგავსი სიახლეები

up