რუსთავის მეტალურგიული ქარხანა ღუმელს აჩერებს - რომან კაკულია მოვუწოდებს ეკონომიკის სამინისტროს, რაც შეიძლება მალე წარადგინონ ანტიდემპინგური კანონპროექტი

რუსთავის მეტალურგიული ქარხანა ღუმელს აჩერებს - რომან კაკულია მოვუწოდებს ეკონომიკის სამინისტროს, რაც შეიძლება მალე წარადგინონ ანტიდემპინგური კანონპროექტი

access_time2018-12-06 18:00:00


კომერსანტის ინფორმაციით,  რუსთავის მეტალურგიული ქარხანა შპს რუსთავის ფოლადი უახლოეს დღეებში ერთ ღუმელს აჩერებს და იანვარში მეორეს გაჩერდებას გეგმავს. მიზეზი ირანიდან შემოსული დემპინგური არმატურაა და ზოგადად დემპინგის პრობლემაა, რაზეც  ქარხნის ხელმძღვანელობა რამდენიმე თვეა საუბრობს და უშედეგოდ ცდილობს მთავრობის ყურადრების მიქცევას. სწორდე ხელისუფლების მხრიდან საკითხის მოგვარების გაჭიანურება შეიძლება გახდეს  2000 ადამიანისთვის სამსახურის დაკარგვის და შესაბამისად, უმუშევრად დარჩენის მიზეზიც.



ინფორმაციის გადამოწმების მიზნით კომერსანტი მეტალურგიული ქარხნის ადვოკატს დავით ებრალიძეს დაუკავშირდა, რომელიც ადასტურებს, რომ რუსთავის ფოლადი ერთ ღუმელს ნამდვილად აჩერებს, თუმცა ამ ეტაპზე ოფიციალურ საფუძვლად ტექნიკური მიზეზად ასახელებს.



ადვოკატი დემპინგის პრობლემის აქტუალობაზე კიდევ ერთხელ საუბრობს: 



„ძირითადი პრობლემა, რომელიც მეტალურგიას აწუხებს არის ქვეყანაში დემპინგური ფასებით ირანული არმატურის შემოდინება, რაც უფრო და უფრო სერიოზულ მასშტაბებს იღებს და, შესაბამისად, სერიოზული გამოწვევაა ადგილობრივი წარმოებისთვის. ეს ნიშნავს, რომ იმპორტული პროდუქტი შემოდის თვითღირებულებაზე დაბალი ფასით და არასამართლიან კონკურენციას უწევს ადგილობრივ პროდუქციას. აქ ასევე საგულისხმოა, რომ გარდა დემპინგური ფასისა ირანული პროდუქცია უხარისხოა და ამის კონტროლი დღემდე ვერ მოხერხდა.


ამ თემაზე დიდი ხანია მიდის საუბარი საკანონმდებო ორგანოში, აღმასრულებელ ხელისუფლებაში. ისინი თავის მხრივ ამუშავებენ რეგულაციებს, მაგრამ მნიშვნელოვანია, რომ შედეგები დროულად იყოს მირებული. ძველი ანტიდემპინგური კანონმდებლობა გადამუშავებას საჭიროებს, ეკონომიკის სამინისტრომ გააკეთა განცხადება, რომ ახალ ვარიანტს დეკემბერში წარადგენდა. ჩვენ სიამოვნებით ვითანამშრომლებთ ამ პროცესში,“-განაცხადა დავით ებრალიძემ.



აღსანიშნავია ,რომ წლის დასაწყისში რუსთავის ფოლადმა გაზარდა წარმოების მოცულობა და გეგმავდა მასშტაბური საინვესტიციო პროექტის განხორციელებას, რომელიც ინდუსტრიაში შექმნიდა დამატებით სამუშაო ადგილებს, მაგრამ ეს პროექტი შექმნილი მდგომარეობის გამო  გაურკვეველი ვადით შეჩერდა.




მიმდინარე წელს რუსთავის ფოლადის მდგომარეობა დემპინგური ფასებით იმპორტის გარდა, აშშ-ს მიერ ფოლადისა და ალუმინის იმპორტის შეზღუდვებითაც დამძმდა ერთი მხრივ, რუსთავის მეტალურგიულმა ქარხანამ შეაჩერა ამერიკაში უნაკერო მილების მიწოდება, რადგანაც იმპორტის გადასახადის გათვალისწინებით ეს აღარ უღირდა, მეორე მხრივ კი ქართულ ბაზარზე გააქტიურდა ირანული პროდუქცია.



მთელი წლის განმავლობაში რუსთავის ფოლადი არსებული პრობლემების შესახებ ღიად საუბრობდა და შესაბამის უწყებებს რეაგირებას სთხოვდა, თუმცა პრობლემა დღემდე გადაუჭრელია.



კომერსანტისთვის, ასევე ცნობილი გახდა, რომ ხვალ პარლამენტის დარგობრივი ეკონომიკისა და ეკონომიკკური პოლიტიკის  კომიტეტი რუსთავის მეტალურგიის პრობლემებს განიხილავს. კომიტეტმა გასულ თვეშიც მოისმინა რუსთავის მეტალურგიული ქარხსნის ხელმძღვანელისგან არსებული პრობლემების შესახებ. 


როგორც კომერსანტთა კომიტეტის ხელმძღვანელი, რომან კაკულია განმარტავს, ხვალინდელი განხილვა ეხება 2019 წლის 15 იანვრიდან ირანული არმატურის შეზღუდვის საკითხს.



„სიგნალი იმის თაობაზე, რომ რუსთავის მეტალურგიული ქარხანა მძიმე მდგომარეობაშია, უკვე მივიღეთ. მასინვე ჩავერთეთ ამ საქმეში და ხვალინდელი კომიტეტის შემდეგ უფრო დეტალური ინფორმაცია გვექნება. მთავრობის მხრიდან 15 იანვარი დასახელდა თარიღად, როცა  ამ ტიპის არმატურის იმპორტის აკრძალვა შესაძლებელი იქნება, თუმცა შეიძლება ამ ხნის განმავლობაში ძალიან დიდი რაოდენობის არმატურა შემოვიდეს ქვეყანაში და შემდეგ ამ აკრაძალვას აზრი საერთოდ აღარც კი ჰქონდეს. ჩვენთვის მნიშვნელოვანია საქმის კურსში ვიყოთ ამის შესახებ, ასევე აქვს თუ არა ქარხანას რესურსი, რომ შეზღუდვის ამოქმედებამდე გაუმკლავდეს პრობლემებს.


რაც შეეხება წინა განხილვას, ორი შედეგი მოიტანა: ეს იყო ეკონომიკის სამინისტროს დაპირება , რომ წარმოდგენილი იქნებოდა ანტიდემპინგური კანონი და მეორე  შეიცვალა პროდუქტის უსაფრთხოებისა და თავისუფალი მიმოქცევის შესახებ კანონის ამოქმედების თარიღი,„ 
განაცხადა რომან კაკულიამ.



რომან კაკულიას თქმით, აუცილებელია ანტიდემპინგური კანონის მიღება და ამ საკითხზე ეკონომიკის სამინისტრო მუშაობს.



„მე პირადად ვაპირებდი ანტიდემპინგური კანონპროექტის ინიცირებას და ვთვლი, რომ მისი მიღება საჭიროა, თუმცა მივიღე ეკონომიკის სამინისტროსგან სიტყვიერი თანხმობა, რომ ისინი გააკეთებენ ინიცირებას. ამიტომ მოლოდინის რეჟიმში ვარ. ხვალინდელ შეხვედრაზე ამ საკითხსაც შევახსენებ და მოვუწოდებ, რაც შეიძლება მალე წარმოადგინონ ეს კანონპროექტი, წინააღმდეგ შემთხვევაში შესაძლოა მე თვითინ გავხდე ინიციატორი. კანონის დეტალებზე შეიძება ვიმსჯელოთ, თუმცა მისი ამოქმედების წესები ჩვენი მოსაგონი არაა და მსოფლიო სავაჭრო ორგანიზაციის მიერაა დადგენილი. ხაზი მინდა გავუსვა იმას, რომ ამას ჰქვია პასიური კანონი და მისი მიღება არ ნიშნავს იმას, რომ მყისიერად რომელიმე ინვესტორის გასვლას გამოიწვევს ქვეყნიდან,“- განმარტავს რომან კაკულია.



შეგახსენებთ,რომ ანტიდემპინგური კანონი ჯერ კიდევ 2014 წელს შემუშავდა ,თუმცა დღემდე არ დამტკიცებულა.



მარიამ ტიტვინიძე







სალომე ზურაბიშვილი იზიარებს იმ ღირებულებებს, რომლებზეც დგას ქართული ოცნება - რას ამბობდა ოცნება სალომე ზურაბიშვილზე

სალომე ზურაბიშვილი იზიარებს იმ ღირებულებებს, რომლებზეც დგას ქართული ოცნება - რას ამბობდა ოცნება სალომე ზურაბიშვილზე
access_time2019-09-18 22:30:57
მას შემდეგ, რაც მარიამობის დღესასწაულზე პრეზიდენტმა რამდენიმე მძიმე დანაშაულში მსჯავრდებული შეიწყალა, სალომე ზურაბიშვილი საზოგადოების კრიტიკის ობიექტი კიდევ ერთხელ გახდა. პრეზიდენტს განმარტებას ქართული ოცნების დეპუტატები და ხელისუფლების წარმომადგენლებიც სთხოვენ. მათი თქმით, პრეზიდენტის შეწყალების დისკრეციული უფლების მიუხედავად, პოლიციელის და სტუდენტის მკვლელობაში მსჯავრდებულების შეწყალება მიუღებელია....

Forbes: შეძლებს თუ არა ზელენსკი პუტინთან შერიგებას

Forbes: შეძლებს თუ არა ზელენსკი პუტინთან შერიგებას
access_time2019-09-18 20:00:41
უკრაინის ახალი მთავრობა ყოფილი მსახიობის ვლადიმერ ზელენსკის ხელმძღვანელობით, არ ეთანხმება ბევრ ადამიანს დასავლეთში, ვინც თვლის ვლადიმერ პუტინს საშინელ ბოროტებად. ზელენსკი მიიჩნევს, რომ პუტინს სურს ურთიერთობების ნორმალიზება. ერთ-ერთ საერთაშორისო კონფერენციაზე გამოსვლის დროს უკრაინის ახალმა პრეზიდენტმა განაცხადა, რომ თანახმაა საერთაშორისო სამშვიდობო კონტინგემტის განლაგებაზე აღმოსავლეთ უკრაინაში და სურს დაასრულოს ომი დონეცკის და ლუგანსკის...

რუსეთმა ე.წ. აფხაზეთის რესპუბლიკას ხელფასების და პენსიებისთვის 1 მლრდ. რუბლი გამოუყო

რუსეთმა ე.წ. აფხაზეთის რესპუბლიკას ხელფასების და პენსიებისთვის 1 მლრდ. რუბლი გამოუყო
access_time2019-09-18 18:00:07
2019 წელს მოსკოვმა აფხაზეთის თვითგამოცხადებულ რესპუბლიკას საბიუჯეტო სფეროს ხელფასების და პენსიებისთვის 1 მლრდ. რუბლი, ასევე საბანკო სისტემის გაძლიერებისთვის 500 მლნ. რუბლი გამოუყო - განაცხადა რუსეთის ფედერაციის ე.წ. ელჩმა აფხაზეთში ალექსეი დვინიანინმა. „ჩვენ წარმატებით ვახორციელებთ აფხაზეთის სოციალურ-ეკონომიკური განვითარების საინვესტიციო პროგრამას. 2019 წლისთვის ის ითვალისწინებს 1,7 მლრდ. რუბლის ღირებულების პროექტების რეალიზებას. ამასთან ერთად რუსეთმა...

ბიძინა ივანიშვილი: 2012-ში ხალხს ქუთაისში უნივერსიტეტს დავპირდი, 2020-ში - სტუდენტები შეაბიჯებენ

ბიძინა ივანიშვილი: 2012-ში ხალხს ქუთაისში უნივერსიტეტს დავპირდი, 2020-ში - სტუდენტები შეაბიჯებენ
access_time2019-09-18 16:30:40
ბიძინა ივანიშვილი ქუთაისის საერთაშორისო უნივერსიტეტის მშენებლობის შესახებ განცხადებას ქართული ოცნების ფეისბუქ-გვერდზე ავრცელებს. პარტიის თავმჯდომარე წერს, რომ "განათლება ისევე მნიშვნელოვანია ჩვენთვის, როგორც ჰაერი და წყალი". მისივე თქმით, ის 2012 წელს საზოგადოებას დაჰპირდა, რომ ქუთაისში უნივერსიტეტი აშენდებოდა, 2020 წლის სექტემბერში კი "აქ პირველი სტუდენტები შეაბიჯებენ". პოსტს კომერსანტი უცვლელად...

გიორგი რამიშვილი: „ევრონიუს საქართველოს“ დაფუძნებით საქართველოს მედია-ბაზარზე მაღალი მედია-სტანდარტების ქართულენოვანი ევროპული არხი შემოდის

გიორგი რამიშვილი: „ევრონიუს საქართველოს“ დაფუძნებით საქართველოს მედია-ბაზარზე მაღალი მედია-სტანდარტების ქართულენოვანი ევროპული არხი შემოდის
access_time2019-09-18 15:05:34
საქართველო მესამე ქვეყანაა, ალბანეთისა და სერბეთის შემდეგ, სადაც ევრონიუსი თავის წარმომადგენლობას ფრანშიზის ფორმით აფუძნებს. დღეს ევროპის წამყვანმა საერთაშორისო არხმა „ევონიუსმა“ და მისმა პარტნიორმა „სილქნეტმა“ ხელი მოაწერეს ხელშეკრულებას „ევრონიუს საქართველოს“ დაფუძნების თაობაზე. დღესვე წარდგენილ იქნა „ევრონიუს საქართველოს“ სტრატეგიულ მედია- კონსულტანტად ლუსიან სარბი, წარსულში ევრონიუსის სარედაქციო დირექტორი, რომელიც ადგილობრივ გუნდს სატელევიზიო არხის გამართვაში...


მსგავსი სიახლეები

up