რუსთავი-თბილისის დამაკავშირებელი ავტობანის ფონიჭალის მონაკვეთი აღარ აშენდება

რუსთავი-თბილისის დამაკავშირებელი ავტობანის ფონიჭალის მონაკვეთი აღარ აშენდება

access_time2019-07-03 17:30:35



რუსთავი-თბილისის დამაკავშირებელი ავტობანის 4-კილომეტრიანი მონაკვეთი, რომელსაც ფონიჭალაში მდინარე მტკვრის გასწვრივ უნდა გაევლო, აღარ აშენდება. ამის მიზეზი კი ისაა, რომ მუნიციპალური განვითარების ფონდი და მოსახლეობა განსახლებისა და კომპენსაციის საკითხებზე ვერ შეთანხმდნენ.



როგორც მგფ-ში Droa.ge-სთან საუბრისას განაცხადეს, მოსახლეობასთან შეთანხმება, რამდენიმეწლიანი მოლაპარაკებების შემდეგ, უშედეგოდ დასრულდა. უწყების ცნობით, მშენებლობის არეალის მიმდებარედ მცხოვრებლები კომპენსაციის სახით 1 კვადრატულ მეტრზე 900-დან 1000 დოლარამდე თანხას და ტერიტორიიდან განსახლებას მოითოხვდნენ, რის გამოც მათთან შეთანხმებას ვერ მიაღწიეს.


“ჩავატარეთ ყველანაირი კვლევა, რომელმაც აჩვენა, რომ მოსახლეობის განსახლების აუცილებლობა არ იდგა და ეს გზა მოსახლეობას ხელს არ უშლიდა. იმ თანხის გადახდა კი, რომლსაც კომპენსაციის სახით ითხოვდნენ, იყო არაგონივრული და მისი გადახდა შეუძლებელია”, – ამბობენ მუნიციპალური განვითარების ფონდში.




თბილისი-რუსთავის გზის მშენებლობა, რომელიც აზიის განვითარების ბანკმა 10 მლნ ლარით დააფინანსა, სამ ლოტად იყო დაყოფილი, რომლიდანაც მეორე ლოტი აღარ აშენდება, ხოლო I და III ლოტის სამუშაოები, მგფ-ს ცნობით, დასრულებულია.



“პირველი და მესამე ლოტი, რომელიც თბილისიდან მიმავალ და რუსთავიდან მომავალ გზებს მოიცავდა, დასრულებულია და დარჩენილია მხოლოდ ფონიჭალის მონაკვეთი (II ლოტი), რომელსაც აღნიშნული ახალი გზები უნდა დაერთებოდა. ვინაიდან მეორე ლოტის მშენებლობა ვერ ხერხდება, ეს მონაკვეთები ჩვეულებრივ ფონიჭალის არსებულ გზას დაუკავშირდება”, – განმარტავენ მუნიციპალური განვითარების ფონდში.



კითხვაზე, იგეგმება თუ არა სხვა ალტერნეტიული გზის მშენებლობა მეორე ლოტზე, აცხადებენ, რომ ამ დროისთვის მსგავსი სამუშაოები დაგეგმილი არ არის.



შეგახსენებთ, რომ რუსთავი-თბილისის დამაკავშირებელი ავტობანის მშენებლობა უკვე 5 წელია, გრძელდება. მოსახლეობამ გზის ამ მონაკვეთზე ავტობანის მშენებლობა არაერთხელ გააპროტესტა. აქ მცხოვრები ადამიანები ამბობდნენ, რომ მათი საცხოვრებელი სახლები ავარიულ მდგომარეობაშია და მიმდინარე სამუშაოები მათ სიცოცხლეს საფრთხეს შეუქმნიდა.



droa.ge





მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა
access_time2020-07-06 16:00:47
მსოფლიო ბანკის მიერ მხარდაჭერილი პროექტის დასრულება ხიდისთავი-ატენი-ბოშურის 10 კმ-იან მონაკვეთზე ისევ გადაიდო. ამჯერად მისი განმახორციელებელი უწყება ვარაუდობს, რომ პროექტი, რომელიც ტენდერში გამარჯვებულმა უცხოურმა კომპანიამ 2016 წელს დაიწყო შემოდგომამდე დასრულდება. ხელშეკრულებით გათვალისწინებული პირობების დარღვევისთვის კი სამუშაოების განმახორციელებელ კომპანიას ჯარიმა დაეკისრა. ეს გადაწყვეტილება დამკვეთმა უწყებამ 2019 წლის 31 ოქტომბრის შემდეგ...

ტურისტების გარეშე Hilton-ის გახსნას აზრი არ აქვს - ლაშა პაპაშვილი

ტურისტების გარეშე Hilton-ის გახსნას აზრი არ აქვს - ლაშა პაპაშვილი
access_time2020-07-07 13:30:27
თბილისში Hilton-ის ბრენდის პირველი სასტუმროს გახსნა კიდევ ერთხელ გადაიდო. პროექტი ბიზნესმენ ლაშა პაპაშვილის კომპანია „რედიქსს“ ეკუთვნის. ამის შესახებ ბიზნესმენმა „კომერსანტს“ თავად განუცხადა. მისი განმატებით, თბილისში, ჭავჭავაძის გამზირზე Hilton-ის ბრენდის პირველი სასტუმროს გახსნამ ტურისტების არარსებობის გამო, კიდევ ერთხელ გადაიწია. „Hilton-ის გახსნა გადადებულია. ფანჯარაში ვიხედებით, როდესაც მსოფლიოში კარგი სიტუაცია იქნება ანუ როცა ტურისტები შემოსვლას დაიწყებენ,...

ამერიკამ საქართველოს ხელისუფლებას ყვითელი შუქი აუნთო - გია ხუხაშვილი

ამერიკამ საქართველოს ხელისუფლებას ყვითელი შუქი აუნთო - გია ხუხაშვილი
access_time2020-07-07 12:30:56
„ამერიკის შეერთებული შტატები საქართველოს სტიმულირების პოლიტიკიდან იძულების პოლიტიკაზე გადადის“, - ასე აფასებს პოლიტოლოგი გია ხუხაშვილი აშშ-ის კონგრესის წარმომადგენელთა პალატის საბიუჯეტო კომიტეტის მიერ დარეგისტრირებულ კანონპროექტს, რომელიც 2021 წელს საქართველოსთვის დახმარების სახით მისაღები თანხის 15 პროცენტის გაყინვას გულისხმობს. დოკუმენტის მიხედვით, შესაძლოა დაახლოებით 20 მლნ დოლარის გაცემა შეჩერდეს იქამდე, სანამ სახელმწიფო დეპარტამენტი არ დაადგენს, რომ საქართველოში...

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები
access_time2020-07-07 11:35:54
აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა, რომელშიც 2021 ფისკალური წლისთვის სახელმწიფო დეპარტამენტის, საგარეო ოპერაციებისა და მასთან დაკავშირებული პროგრამების დაფინანსების პრიორიტეტებზეა საუბარი. დოკუმენტში აღნიშნულია, რომ საქართველო 2021 წელს დახმარების სახით არანაკლებ 132 025 000 აშშ დოლარს მიიღებს, თუმცა აღნიშნულია, რომ აღნიშნული დახმარების 15 პროცენტის საქართველოსთვის გადაცემა შესაძლოა, შეჩერდეს იქამდე, ვიდრე აშშ-ის...

რატომ გაძვირდა ნაყინი? -მწარმოებლების განმარტებები

რატომ გაძვირდა ნაყინი? -მწარმოებლების განმარტებები
access_time2020-07-07 14:40:57
ნაყინის მწარმოებელმა კომპანიებმა პროდუქციის ფასი გაზარდეს. როგორც „კომერსანტისთვის“ გახდა ცნობილი სეზონურ პროდუქტზე ფასი საშუალოდ 10 პროცენტით გაიზარდა. „თოლიას“ დირექტორი გიორგი ჭყონია აცხადებს, ფასის ზრდა ქვეყნებში მიმდინარე ინფლაციური პროცესებითაა გამოწვეული. მისი თქმით, ბიზნესს კორონავირუსმა სერიოზული პრობლემები შეუქმნა, თუმცა ეპიდემიოლოგიური სიტუაციის გაუმჯობესებასთან და ტემპერატურის მატებასთან ერთად მდგომარეობა ნელ-ნელა...


მსგავსი სიახლეები

up