რუსთაველის გამზირიდან და პეკინის ქუჩიდან თვითგორიები (самокат), რომლის დაქირავების ერთადერთი საშუალება რუსული რუბლი იყო, აიღეს

რუსთაველის გამზირიდან და პეკინის ქუჩიდან თვითგორიები (самокат), რომლის დაქირავების ერთადერთი საშუალება რუსული რუბლი იყო, აიღეს

access_time2019-07-12 13:00:44

რუსთაველის გამზირზე თვითგორიები, რომლის დაქირავების ერთადერთი საშუალება რუსული რუბლი იყო და რომელთა გამოჩენასაც სოციალურ ქსელში დიდი აჟიოტაჟი მოჰყვა,  დღეს უკვე ცენტრალური ქუჩიდან აღებულია.


რუსთაველის მეტროს მიმდებარე ტერიტორიაზე მყოფი გამყიდველები, კომერსანტთან საუბარში აცხადებენ, რომ კომპანიამ დილის საათებში გასაქირავებლად გამზადებული თვითგორიები ერთბაშად აიღეო.


„დილით აქ ოთხამდე სკუტერი იყო მიბმული, მერე მოვიდა დიდი მანქანა და ერთბაშად წაიღეს ყველა. მე როგორც ვიცი, ერთი წუთი 30 თეთრი ღირდა,  აქ დადიოდნენ ე.წ. „სამაკატებით“  და  სეირნობდნენ.  მე არ დავინტერესებულვარ, იმიტომ, რომ ჩემი აზრით,  ძალიან ძვირია.“ - აცხადებს ადგილობრივი.




მთავარი მიზეზი, რატომაც  უკმაყოფილება  მოჰყვა ამ სერვისის თბილისში გამოჩენას იყო ის, რომ გავრცელებული ინფორმაციით, გადახდის ერთადერთი საშუალება რუსული რუბლი იყო, ხოლო კომპანია To Go , რომელსაც ეკუთვნის თვითგორიები, რუსული კომპანიაა.



საქართველოში უცხოური ვალუტით ანგარიშსწორების ფაქტთან დაკავშირებით თავის პოზიციას სოციალურ ქსელში ფინანსისტი, თემურ ბასილიაც აფიქსირებს, facebook-ზე გამოქვეყნებულ პოსტში აღნიშნულია, რომ რუბლში და დოლარში ანგარიშსწორება საქართველოს კანონმდებლობით დაუშვებელია და ეს მხოლოდ ეროვნული ვალუტის მეშვეობით უნდა ხდებოდეს.




„ქართული კანონდებლობით საქართველოში გადახდის და ანგარიშსწორების ერთადერთი საშუალება არის ლარი; რომელმა სახელმწიფო უწყებამ მისცა უფლება ამ კომპანიას კანონდარღვევით, რუსულ რუბლებში აწარმოოს ბიზნესი საქართველოს ტერიტორიაზე? კანონის თანახმად არც დოლარში არის დაშვებული ანგარიშსწორება. სად არის ეროვნული ბანკი თავისი ლარიზაციის პროგრამით? რატომ არ არის აღკვეთილი აშკარა კანონდარღვევა და ქართული სახელმწიფოს ერთ-ერთი უმთავრესი ატრიბუტის - ქართული ლარის წინააღმდეგ მიმართული ეს ანტისახელმწიფო ქმედება?“ - წერს თემურ ბასილია თავის Facebook გვერდზე.


საზოგადოების პროტესტს ამ კომპანიის მიმართ დაემატა ის ფაქტიც, რომ აპლიკაციაში, რომელიც ამ კომპანიის სერვისის მისაღებად გამოიყენება ჩამოთვლილია მხოლოდ რუსეთის ქალაქები და ასარჩევ რეგიონებს შორის არის საქართველო. 


„მადლობა ამ აპლიკაციის მეპატრონეებს , რომ საქართველო რუსეთის გუბერნია ჰგონიათ„  წერს ერთერთი Facebook მომხმარებელი. 




როგორც რადიო თავისუფლება იტყობინება,  თვითგორიას დასაქირავებლად საჭირო იყო აპლიკაციის გადმოწერა, მენიუს გახსნა, რომელიც მხოლოდ რუსულადაა ხელმისაწვდომი, რეგისტრაციისთვის პირადი მონაცემების გამოყენებაზე თანხმობა და რუბლში ანგარიშსწორება. ამ ფაქტს სოციალურ ქსელში დიდი უკმაყოფილება მოჰყვა.



 გაქირავებული ტრანსპორტის გადაადგილების კონტროლი GPS სისტემის მეშვეობით ხდება. კომპანიის წარმომადგენელმა Marketer.ge-სთან საუბარში აღნიშნა, რომ მენიუსა და სტიკერების ქართული ვერსიის შექმნის პროცესი უკვე მიმდინარეობს.



„პრობლემის გადასაჭრელად უკვე ვმუშაობთ, დაახლოებით, ორი კვირა დაგვჭირდება, რომ ეს საკითხი მოვაგვაროთ. შემდეგ თანხა დოლარსა და ცენტებში გამოჩნდება. ლარი ფიზიკურად ვერ მოხერხდება, რადგან ქართული ვალუტა საერთაშორისო გადახდების სისტემებში არ არის“, - ამბობს ნიკო პაპაშვილი.

 



 მარიამ მორგოშია






ბათუმის მერია „რივიერას“ ტერიტორიაზე სილქ როუდ ჯგუფის მრავალფუნქციური კომპლექსის პროექტის განხილვას იწყებს

ბათუმის მერია  „რივიერას“ ტერიტორიაზე სილქ როუდ ჯგუფის  მრავალფუნქციური კომპლექსის პროექტის განხილვას იწყებს
access_time2019-07-16 18:55:01
ბათუმის საკრებულომ ბათუმის მერიას დაავალა ადმინისტრაციული წარმოების დაწყება „რივიერას“ ტერიტორიაზე განაშენიანების რეგულირების გეგმის (გრგ) დამტკიცების შესახებ დადგენილების პროექტის მოსამზადებლად. აღნიშნულ ტერიტორიაზე სილქ როუდ ჯგუფი მრავალფუნქციური კომპლექსის აშენებას გეგმავს, რომელიც 5 მაღალსართულიანი ნაგებობის მშენებლობას გულისხმობს. პროექტის ჯამური ინვესტიცია, დაახლოებით მილიარდი ლარი, მოხმარდება, როგორც მრავალფუნქციური შენობების აშენებას, ასევე თანამედროვე...

Visa-მ და MasterCard-მა შესაძლოა რუსეთი დატოვონ

Visa-მ და MasterCard-მა შესაძლოა რუსეთი დატოვონ
access_time2019-07-16 20:00:14
რუსეთის სახელმწიფო სათათბირო განიხილავს კანონპროექტს, რომლის მიღებამაც, შესაძლოა, აიძულოს საერთაშორისო საგადამხდელო სისტემები Visa და MasterCard-ი რუსეთიდან გავიდნენ. თუ ასე მოხვდა, რუსეთის მოქალაქეები ვერ შეძლებენ თავიანთი ბარათების გამოყენებას უცხოეთში, ხოლო რუსეთში აიკრძალება უცხოური ბანკების პლასტიკური ბარათები. 23 ივლისს იგეგმება კანონპროექტის „ეროვნული საგადასახადო სისტემის თაობაზე“ განხილვის დაწყება. მიღების შემთხვევაში, კანონი...

“იმისათვის, რომ ენაც შევინარჩუნოთ და მსოფლიო პროგრესსაც არ ჩამოვრჩეთ, ახლებურად მოაზროვნე, მოქნილი ტვინების ნააზრევი გვჭირდება“

“იმისათვის, რომ ენაც შევინარჩუნოთ და მსოფლიო პროგრესსაც არ ჩამოვრჩეთ, ახლებურად მოაზროვნე, მოქნილი ტვინების ნააზრევი გვჭირდება“
access_time2019-07-16 19:00:05
“იმისათვის, რომ ენაც შევინარჩუნოთ და მსოფლიო პროგრესსაც არ ჩამოვრჩეთ, ახლებურად მოაზროვნე, მოქნილი ტვინების ნააზრევი გვჭირდება “ — ასე აფასებს აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორი, ასევე მისისიპის უნივერსიტეტის კლინიკური ანესთეზიოლოგიის პროფესორი ზურაბ გურული სკოლებში იაკობ გოგებაშვილის „დედა ენის“ დაბრუნდებას, რასაც საზოგადოებაში აზრთა სხვადასხვაობა...

პრემიერის განცხადებით, მცირე და საშუალო ზომის სასტუმროების მფლობელებს სახელმწიფო კრედიტების პროცენტების ნაწილობრივ დაფარვაში დაეხმარება

პრემიერის განცხადებით, მცირე და საშუალო ზომის სასტუმროების მფლობელებს სახელმწიფო კრედიტების პროცენტების ნაწილობრივ დაფარვაში დაეხმარება
access_time2019-07-16 17:55:19
არც ერთი სასტუმრო, საოჯახო ტიპის თუ საშუალო ზომის, რომლის მშენებლობაც იგეგმებოდა, არ უნდა გაჩერდეს, - ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ ბრიფინგზე განაცხადა. როგორც მამუკა ბახტაძემ აღნიშნა, სახელმწიფოს მცირე და საშუალო მეწარმეების დასახმარებლად კონკრეტული მექანიზმები აქვს. კერძოდ, ბახტაძის თქმით, მეწარმეებს, რომლებსაც ბიზნესის განსავითარებლად სესხები აქვს აღებული, მათი პროცენტების თანადაფინანსება სახელმწიფოს...

გადადი ახალ ბინაში — ტერაბანკის იპოთეკური სესხი მათთვის, ვისაც სახლის შეცვლა სურს

გადადი ახალ ბინაში — ტერაბანკის იპოთეკური სესხი მათთვის, ვისაც სახლის შეცვლა სურს
access_time2019-07-16 17:50:11
ტერაბანკი მომხმარებლებს, რომლებსაც ბინის შეცვლა აქვთ გადაწყვეტილი ახალ იპოთეკურ სესხს სთავაზობს. სესხი იმ ადამიანებისთვისაა განკუთვნილი, რომლებსაც საცხოვრებელი ბინა ჯერ არ გაუყიდიათ და სურთ, 1 დიდი სახლით ორი, ან უფრო მცირე ბინა შეიძინონ. პროდუქტის დახმარებით, მსურველებს შესაძლებლობა აქვთ, თანხა გამარტივებულად, მხოლოდ ბინის უზრუნველყოფით მიიღონ, არ იჩქარონ ძველი სახლის გაყიდვა და ახალ ბინაში სესხის დამტკიცებისთანავე გადავიდნენ. მომხმარებლებისთვის 6-თვიანი...


მსგავსი სიახლეები

up