„რუსკი კლუბი“: დიახ, ფონდი „ქართუ“, წლებია, გვეხმარება

„რუსკი კლუბი“: დიახ, ფონდი „ქართუ“, წლებია, გვეხმარება

access_time2018-11-26 23:52:38

რუსული კლუბი საქართველოში - ეს არის ორგანიზაცია, რომლის მთავარი ამოცანა საქართველოში რუსული კულტურისა და ლიტერატურის პოპულარიზაციაა და რომელსაც ფონდი ქართუ და პუტინის მიერ შექმნილი ფონდი რუსული სამყარო აფინანსებენ. - ამ ინფორმაციას გამომძიებელ ჟურნალისტთა ქსელი „აი, ფაქტი“ ავრცელებს.

 

„რუსკი კლუბის“ ვებსაიტზე იძებნება ორი ღონისძიება, რომელიც „ქართუ“ ფონდმა დააფინანსა. ერთია წელს, იანვარში, გრიბოედოვის თეატრში დადგმული საახალწლო სპექტაკლი „ფრთები ნამცეცასთვის“ („«Крылья для Дюймовочки» и специальная подарочная акция в театре им. А. С. Грибоедова), რომელსაც თან საჩუქრების აქცია ახლდა, და მეორე - „საბავშვო წიგნის“ სერიის მორიგი ტომის გამოცემა. ეს რუსული საბავშვო მოთხრობების კრებულია.

 

ფონდის მიერ დაფინანსებული ღონისძიებების ჩამონათვალში ვხვდებით მიმდინარე წლის დეკემბერსა და მომავალი წლის იანვარში დაგეგმილ ღონისძიებებსაც.

 

ფონდი „ქართუ“, წლებია, აფინანსებს „რუსკი კლუბს“, რომელიც 2003 წელს დაფუძნდა და ამას თავად კლუბის პრეზიდენტი ნიკოლაი სვენტიცკიც ადასტურებს რადიო თავისუფლებასთან საუბარში, თუმცა ამბობს, რომ „რუსკი კლუბი“ არასამთავრობო ორგანიზაციაა, რომლის მიზანიც კულტურულ-საგანმანათლებლო ღონისძიებების ჩატარებაა და პოლიტიკასთან არავითარი კავშირი არა აქვს.

 

„რუსული კულტურისა და ლიტერატურის პროპაგანდით ნამდვილად ვართ დაკავებული, თუმცა ეს სიმართლის მხოლოდ ნაწილია, ჩვენ ასევე ქარული კულტურისა და ლიტერატურის პროპაგანდას ვეწევით. დიახ, ფონდი „ქართუ“ ნამდვილად გვეხმარება და ჩვენ ამისთვის ძალიან მადლიერები ვართ . „ქართუს“ მხარდაჭერით 7-ჯერ ჩავატარეთ რუსულ-ქართული პოეზიის დღეები. ჩვენ ყველაფერს, რასაც ვაკეთებთ, საქართველოს სიყვარულით ვაკეთებთ. „ქართუს“ დაფინანსებას 2003 წლიდან ვიღებთ. „ქართუს“ ფინანსური მხარდაჭერით ჩაუტარდა რესტავრაცია საბჭოთა კავშირის გმირის, [მელიტონ] ქანთარიას, ძეგლს და, სხვათა შორის, ეს ძეგლი გახსნა და წითელი ლენტი გაჭრა მიხეილ სააკაშვილმა“.

 

ფონდ „ქართუს“ გარდა, „რუსკი კლუბს“, ასევე აფინანსებს ფონდი „რუსკი მირ“ (რუსული სამყარო). რუსეთის ფედერაციის პრეზიდენტის, ვლადიმირ პუტინის, განკარგულებით 2007 წლის 21 ივნისს შექმნილი ეს ფონდი, წესდების თანახმად, რუსული ენის პოპულარიზაციას, რუსული ენის შემსწავლელ პროგრამებს აფინანსებს რუსეთის ფედერაციასა და მის საზღვრებს გარეთ. ფონდს რუსეთის საგარეო საქმეთა და კულტურის სამინისტრო კურირებს.


 

ნიკოლაი სვენტიცკი „რუსულ სამყაროსთან“ კავშირზეც ლაპარაკობს და ამბობს, რომ ის ყველა ფონდს მიმართავს დაფინასებისთვის, მათ შორის „რუსულ სამყაროსაც“, რომლის დახმარებითაც 4-ჯერ ჩატარდა თბილისში ბარდი შემსრულებლების ფესტივალი. „მოსკოვის მთავრობა გვეხმარებოდა 5 წლის წინ წიგნების სერიის „რუსები საქართველოში“ გამოცემაში. ქუთაისში ჩვენი სპექტაკლი „მაკდონალდსმა“ დააფინანსა და რუსული რბილი ძალაა „მაკდონალდსი“? სპექტაკლ „მაუგლის“ 2 სეანსი უფასოდ ჩავატარეთ ქუთაისში , ესეც რუსული ძალაა?!“.

 

ამგვარი ფონდების დაფინანსებით აღწევს “რუსული რბილი ძალა” თავის სტრატეგიულ მიზნებს, ამბობს სტრატეგიული კომუნიკაციების ცენტრ „საქართველოს“ ხელმძღვანელი. გიორგი მოლოდინის სიტყვებით, გეოპოლიტიკური მიზნების მისაღწევად რუსეთი ცდილობს შექმნას იდეოლოგიური პლაცდარმები, რუსული კულტურისა და ენის პოპულარიზაციით გააღვიძოს პოლიტიკური იდენტობა, რომლისთვისაც „რუსკი“ უფრო ახლობელი იქნება, ვიდრე დასავლელი.

 

„თუ არსებობს შესაბამისი საინფორმაციო უზრუნველყოფა და შესაბამისი საზოგადოებრივი აზრი, ტანკების ამოქოქვა საჭირო აღარ არის ხოლმე. ამდენად, „ქართუს“ მიერ „რუსკი კლუბის“ დაფინანსება, რბილად რომ ვთქვათ, მასზე კარგ შთაბეჭდილებას არ უნდა ტოვებდეს. კლუბის ერთ-ერთი დამფინანსებლის საქმიანობა რუსეთში საქართველოს პოლიტიკის ძირგამომთხრელი საქმიანობაა“.

„რუსკი კლუბი“, წესდების მიხედვით, რუსეთის ფედერაციის საგარეო საქმეთა სამინისტროსთან თანამშრომლობს, ხშირად მიმართავს ფონდ „რუსულ სამყაროს“, რომელსაც, თავის მხრივ ,რუსეთის ფედერაციის საგერო საქმეთა სამინისტრო აკონტროლებს.

 

2012 წლიდან დღემდე რუსეთის მოქალაქეები საქართველოში სხვადასხვა მიზნით აფუძნებენ ან მართავენ არასამთავრობო ორგანიზაციებს, რომელთა საქმიანობა საზოგადოებრივი ცხოვრების სხვადასხვა სფეროს უკავშირდება. “აი, ფაქტმა” საჯარო რეესტრიდან მოპოვებული მონაცემები გააანალიზა და საქველმოქმედო და საგანმანათლებლო მიზნით შექმნილი ორგანიზაციების სია გამოაქვეყნა: ფონდების საქმიანობა ძირითადად კულტურულ-საგანმანათლებლო და საქველმოქმედო საქმიანობას უკავშირდება.

 

ქართულ მედიასა და სამოქალაქო სექტორზე რუსული გავლენების შესახებაა საუბარი 2015 წლის ანგარიშში, რომელიც ინფორმაციის თავისუფლების განვითარების ინსტიტუტმა გამოაქვეყნა. ანგარიშში ვკითხულობთ, რონ რუსეთის ხელისუფლება მთავარ იარაღად ადგილობრივ მედიასა და არასამთავრობო ორგანიზაციებს იყენებს.

 

რადიო თავისუფლება, მრავალგზის მცდელობის მიუხედავად, ვერ დაუკავშირდა „ქართუ“ ფონდის წარმომადგენელს, რათა „რუსკი კლუბის“ დაფინანსების მიზნობრიობის საკითხი გაგვერკვია.

 

„ქართული ოცნების“ ერთ-ერთი ლიდერის, მამუკა მდინარაძის, განცხადებით, „ქართუ“ „გრიბოედოვის თეატრს“ ისევე აფინანსებს, როგორც სხვა მრავალ სახელმწიფო თეატრს და ეს ჩვეულებრივი ამბავია. მართლაც, „რუსკი კლუბი“ გრიბოედოვის თეატრის ტერიტორიაზე მდებარეობს, თუმცა მას “ქართუ” თეატრისგან დამოუკიდებლად აფინანსებს.


წყარო: რადიო თავისუფლება




საქართველოს დაავადებათა კონტროლის ცენტრის ლიცენზიის მქონე პირბადეები YES Hackathon Contain COVID-19-ის ერთ-ერთი გამარჯვებულია

საქართველოს დაავადებათა კონტროლის ცენტრის ლიცენზიის მქონე პირბადეები YES Hackathon Contain COVID-19-ის ერთ-ერთი გამარჯვებულია
access_time2020-08-13 12:55:55
ავტორი: ანა ბიბილეიშვილი კორონავირუსმა მასშტაბური ნეგატიური გავლენის პარალელურად, გაგვაცნო ინოვაციური იდეების მქონე ახალგაზრდები, რომლებიც დაუღალავად შრომობენ, რათა სამყარო უკეთესი გახდეს და ახალ რეალობაში თითოეული ადამიანი მარტივად ადაპტირდეს. ახალგაზრდული სამეწარმეო პოტენციალის მობილიზებისთვის მარტის თვეში ფონდმა „კრისტალმა“ USAID YES Georgia-სა და ფინანსური ჩართულობის ორგანიზაცია „კრისტალის“ მხარდაჭერით, დაავადებათა კონტროლისა და საზოგადოებრივი ჯანმრთელობის ეროვნულ...

„მეტრო ეიფორია ჰოტელ ბათუმის“ აქციები საქართველოს საფონდო ბირჟაზე დაილისტა

„მეტრო ეიფორია ჰოტელ ბათუმის“ აქციები საქართველოს საფონდო ბირჟაზე დაილისტა
access_time2020-08-13 14:10:52
საქართველოს საფონდო ბირჟაზე თურქი ბიზნესმენის გალიფ ოზთურქის სს  „მეტრო ეიფორია ჰოტელ ბათუმის“ აქციები დაილისტა. B კლასის აქციები (ISIN GE1100003932) დაშვებულ იქნა საქართველოს საფონდო ბირჟის B კატეგორიის ლისტინგში და სავაჭრო სისტემაში. აქციებს საბირჟო კოდი (ტიკერი) - MEHBB მიენიჭა. ბირჟაზე B ჯგუფის 54,476,929 ლარის ჯამური ნომინალური ღირებულების აქცია დაილისტა, თითოს ნომინალის ფასი 1 ლარია. კომპანიას ასევე გამოშვებული აქვს A კლასის 6 052 993 აქცია,...

„ოცნებასთან“ დაკავშირებულმა სასტუმროებმა მილიონები მიიღეს, მაშინ როცა სხვა სასტუმროები უსახსროდ დარჩნენ - გიორგი ვაშაძე

„ოცნებასთან“ დაკავშირებულმა სასტუმროებმა მილიონები მიიღეს, მაშინ როცა სხვა სასტუმროები უსახსროდ დარჩნენ - გიორგი ვაშაძე
access_time2020-08-13 15:20:10
„სტრატეგია აღმაშენებლის“ ლიდერმა გიორგი ვაშაძემ ტურიზმის ინდუსტრიაში არსებულ პრობლემებზე ისაუბრა და განაცხადა, რომ კრიზისის შედეგად უამრავ სასტუმროს დახურვა მოუწია, რის შედეგადაც ათასობის სამუშაო ადგილი დაიკარგა ქვეყნის მასშტაბით. ვაშაძის თქმით, კორონავირუსით შექმნილი კრიზისი „ქართულ ოცნებასთან“ დაახლოებული პარტნიორებისთვის კარგი ბიზნესი აღმოჩნდა, რომლებმაც, მხოლოდ 21 კომპანიისთვის 45 მილიონი ლარის ღირებულების ტენდერი გამოაცხადა, რომელთა მფლობელებიც მმართველი გუნდის...

BAG-ის გამოკითხული წევრების 72.2% მიიჩნევს, რომ არსებობს გარკვეული შემაფერხებელი ფაქტორები, რაც ხელს უშლის მათ ბიზნეს საქმიანობას

BAG-ის გამოკითხული წევრების 72.2% მიიჩნევს, რომ არსებობს გარკვეული შემაფერხებელი ფაქტორები, რაც ხელს უშლის მათ ბიზნეს საქმიანობას
access_time2020-08-13 11:59:16
მიმდინარე წლის მეორე კვარტლის ბოლოს ჩატარებული კვლევის თანახმად, საქართველოს ბიზნეს ასოციაციის გამოკითხული წევრების 72.2% განაცხადა, რომ არსებობს მათი ბიზნეს საქმიანობისთვის ხელისშემშლელი თუნდაც ერთი ფაქტორი. აღსანიშნავია, რომ ეს მაჩვენებელი შემცირებულია პირველი კვარტლის ბოლოს ჩატარებული კვლევასთან შედარებით, როდესაც საქმიანობისათვის ხელისშემშლელი ფაქტორების არსებობაზე გამოკითხულთა 86.5%  საუბრობდა. პირველი კვარტლის მაღალი მაჩვენებელი, სავარაუდოდ, COVID პანდემიით იყო განპირობებული, რაც...

პანდემიის გამო „ვითიბი“ ბანკს „ტოქსიკური“ სესხების ოდენობა გაეზარდა

პანდემიის გამო „ვითიბი“ ბანკს „ტოქსიკური“ სესხების ოდენობა გაეზარდა
access_time2020-08-13 12:00:22
ბანკების ფინანსური ანგარიშგებების 2020 წლის II კვარტლის მონაცემების მიხედვით, „ვითიბი ბანკი ჯორჯიას“ ზარალი სესხების შესაძლოა დანაკარგების მიხედვით წინა წლის ანალოგიურ პერიოდთან შედარებით თითქმის 6-ჯერ გაიზარდა. აღსანიშნავია, რომ მიმდინარე წლის 6 თვეში ეს მონაცემი 37,890,502 ლარი იყო, ხოლო 2019 წლის შესაბამის პერიოდში 6,920,718 ლარი. 2020 წლის II კვარტლის ფინანსური მაჩვენებლების მიხედვით, „ვითიბი“ ბანკის ზარალმა 26,095,611 ლარი შეადგინა, მაშინ როდესაც...


მსგავსი სიახლეები

up