რუსი მილიარდერი და ბიზნესჯგუფი, რომელიც რამდენიმე ქართულ მინერალური წყლის კომპანიას ფლობს

რუსი მილიარდერი და ბიზნესჯგუფი, რომელიც რამდენიმე ქართულ მინერალური წყლის კომპანიას ფლობს

access_time2019-07-21 13:40:10

მიხაილ ფრიდმანი მსოფლიოს 79-ე და რუსეთისმეშვიდე უმდიდრესიმოქალაქეა. მან რუსეთის ერთ-ერთი პირველი ბანკი Alfa ჯერ კიდევ 1989 წლის ბოლოს დააფუძნეს. 2018 წელს ამ ბანკის წმინდა მოგებამ $1,3 მილიარდი შეადგინა, ხოლო თავად მიხაილ ფრიდმანის ქონება კი, $16,1 მილიარდ დოლარს შეადგენს. 

ფრიდმანის ძირითად აქტივს დღეს საინვესტიციო ჰოლდინგიAlfa Group-ი წარმოადგენს. ამ ჰოლდინგში 8 კომპანია და მათ შორის, თავად "ალფა ბანკიც" ერთიანდება. ამ რვა კომპანიიდან ერთი - არის IDS Borjomi International-ი. ჰოლდინგი IDS Borjomi International არის იმაზე უფრო დიდი, ვიდრე ეს შეიძლება საქართველოდან ჩანდეს, რადგანაც ის საკუთარ თავში აერთიანებს მინერალური და მტკნარი წყლის ჩამომსხმელ საწარმოებს უკრაინის კარპატებში (ქალაქ მირგოროდსა და მორშინში), რომელიც მინერალურ წყალ Моршинськ-ს ასხამს. კომპანია ასევე ფლობს რუსეთის ერთ-ერთ წამყვან მტკნარი წყლის ბრენდს Святой источник-ს. ამ წყლის ჩამოსხმა ქალაქ კოსტრომაში ხდება. 

"ბორჯომმა" საქართველოს დამოუკიდებლობის 28 წლის განმავლობაში რამდენიმე ძირითადი მფლობელი გამოიცვალა. 1990-იან წლებში კომპანიის პრივატიზების შემდეგ მისი დამფუძნებელი პარტნიორი ბიზნესმენი მამუკა ხაზარაძე იყო, ამ პერიოდში "ბორჯომი" ერთ-ერთ ყველაზე წარმატებულ ქართულ ბიზნესად იქცა. 2000-იანი წლების დასაწყისში აქტივის მართვაში ბადრი პატარკაციშვილის მიერ დაფუძნებული Salford Capital Partners-ი შევიდა. 2002 წელს დაფუძნდა კომპანია  IDS Borjomi International-ი. სწორედ ამ დროს მოხდა მმართველობით დონეზე "ბორჯომისა" და უკრაინული წყლის ჩამომსხმელი კომპანიების კონსოლიდაცია. 

2006 წელს კომპანიამ ბაზარზე ახალი ბრენდები - "ლიკანი", "მიტარბი" და "ბაკურიანი" წარადგინა. ამავე წელს, მინერალური წყლების მწარმოებლის მთავარი ბაზარი - რუსეთი დაიხურა. 

იმის გამო, რომ ბადრი პატარკაციშვილს სხვადასხვა მიზეზის გამო საკუთარი ქონება არ ჰქონდა მყარად დასაბუთებული და დამტკიცებული, მისი გარდაცვალების შემდეგ, ეს აქტივები დავის საგნად იქცა. 2008 წელს, ბერეზოვსკისა და პატარკაციშვილის მემკვიდრეებს შორის Salford-ის აქტივებზე, სასამართლო დავა დაიწყო, რომელიც 2012 წლის სექტემბერში მორიგებით დასრულდა. ბერეზოვსკიმ სადაო აქტივები, მათ შორის, IDS Borjomi ოფიციალურად, პატარკაციშვილის ოჯახს დაუთმო. 2012 წლის დეკემბრის ბოლოს კი, კომპანია რუსული Alfa Group-იაკუთრება გახდა. ასეთ ფონზე, შვიდწლიანი პაუზის შემდეგ, "ბორჯომი" რუსეთის ბაზარზე ბრუნდება.

Alfa Group-ს საკუთარ ფინანსურ ანგარიშში მინერალური წყლების ბიზნესის შემოსავალს განცალკევებული სახით არ უთითებს, შესაბამისად უცნობია თუ რა შემოსავალი აქვს  IDS Borjomi International-ს. ხელმისაწვდომია მხოლოდ კომპანიის ქართული შვილობილის, შპს “აიდიეს ბორჯომი საქართველო", შპს "აიდიეს ბორჯომი ბევერიჯიზ კომპანის საქართველოს ფილიალის” ფინანსური მაჩვენებლები. კომპანიას 2018 წელს 289,476,060 ლარის შემოსავალი ჰქონდა. 

დღეის მდგომარეობით, კომპანიის მთავარი მმართველი პარტნიორი არის Alfa Group-ი. იმის გამო, რომ "ბორჯომის ჯგუფი" ურთიერთდამოკიდებული კომპანიების ფართო ქსელისგან შედგება და ამ ქსელის მთავარი კომპანიები არაერთი იურისდიქციის, მათ შორის საგადასახადო კონფიდენციალობის მაღალი დონის იურისდიქციებს მიეკუთვნება, ფართო საზოგადოებისთვის უცნობია ფლობენ თუ არა Alfa Group-ის გარდა სხვა ფიზიკური თუ იურიდიული პირები "ბორჯომში" წილებს. 



BMG





რა გამოწვევების წინაშე შეიძლება აღმოჩნდეს წელს რთველი?- „კომპანიები ნაკლებ ყურძენს ჩაიბარებენ“

რა გამოწვევების წინაშე შეიძლება აღმოჩნდეს წელს რთველი?- „კომპანიები ნაკლებ ყურძენს ჩაიბარებენ“
access_time2019-08-17 18:00:58
ღვინის ეროვნული სააგენტო ვარაუდობს, რომ წელს ღვინის მწარმოებლებმა, შესაძლოა, ნაკლები ყურძენი შეისყიდონ. სააგენტოს ხელმძღვანელი ლევან მეხუზლა ამ ვარაუდს ივნისის ბოლოს განვითარებული პოლიტიკური მოვლენებს უკავშირებს და ამბობს, რომ ეს იყო იმის მიზეზიც, რომ ქართული ღვინის ყველაზე დიდ ბაზარზე ექსპორტი შემცირდა.   შეგახსენებთ, 2019 წლის ივლისში საქართველოდან რუსეთში 3 550 264 ბოთლი ღვინის ექსპორტი განხორციელდა, რაც გასული წლის ანალოგიური პერიოდის მონაცემებზე (4 542 496) 21.8%–ით,...

ქვეშეთი-კობის მაგისტრალი - რუსული საფრთხე თუ სარგებელი საქართველოსთვის?

ქვეშეთი-კობის მაგისტრალი - რუსული საფრთხე თუ სარგებელი საქართველოსთვის?
access_time2019-08-17 20:00:57
რუსეთის მიერ ქვეშეთი-კობის ჩქაროსნული მაგისტრალის სამხედრო დანიშნულებით გამოყენების გამორიცხვა არ შეიძლება, თუმცა, სამხედრო საფრთხეზე მეტად, ეკონომიკური...

სამი პუტინი: მემკვიდრე, ოფიცერი, იმპერატორი

სამი პუტინი: მემკვიდრე, ოფიცერი, იმპერატორი
access_time2019-08-17 16:00:29
„ძალაუფლება რყვნის, ხოლო აბსოლუტური ძალაუფლება რყვნის აბსოლუტურად“.                                                                                        ...

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას..."

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას...
access_time2019-08-17 14:00:48
“როგორც არ უნდა ვისაუბროთ სხვადასხვა ფაქოტრებზე და შეცდომებზე, ერთი მნიშვნელოვანი ფაქტორი, რაც ლარის კურსის ვარდნას იწვევს არის ის, რომ ჩვენი ეკონომიკა არ იზრდება იმ დოზით, რა დოზითაც ლარს სჭირდება გასამყარებლად. ამის მაგალითად შეიძლება მოვიყვანოთ 2004-2012 წლები, როცა ლარი მყარდებოდა“, - ამბობს გია ჯანდიერი, „ახალი ეკონომიკური სკოლა - საქართველოს“ ვიცეპრეზიდენტი, რომელიც არც წინა ხელისუფლების შეცდომებზე საუბრისგან იკავებს თავს, თუმცა, თვლის, რომ მაშინდელი ეკონომიკური ზრდის ტემპი...

საქართველოში სასტუმროების ფასი 10%-ით დაეცა

საქართველოში სასტუმროების ფასი 10%-ით დაეცა
access_time2019-08-17 12:00:09
მიუხედავად მოლოდინებისა, რომ წელს, ზაფხულის სეზონზე ტურისტების შემოდინება შემცირდებოდა, რაც საქართველოს ეკონომიკაზე უარყოფითად აისახებოდა, ოფიციალური მონაცემებით, 2019 წლის მე-2 კვარტალში საერთაშორისო არარეზიდენტი მოგზაურების 2.2 მილიონი შემოსვლა დაფიქსირდა, რაც წინა წლის ანალოგიურ მაჩვენებლთან...


მსგავსი სიახლეები

up