რუსი ბიზნესმენის ბლოგი «Эхо Москвы»-ზე - აფხაზეთი ქაოსის და დაუსჯელობის მორევში ჩაიძირა

რუსი ბიზნესმენის ბლოგი «Эхо Москвы»-ზე - აფხაზეთი ქაოსის და დაუსჯელობის მორევში ჩაიძირა

access_time2019-01-29 21:00:19


რუსი ბიზნესმენი მიხაილ პანოვი თავის ბლოგში გავლენიანი რუსული რადიოსადგურის «Эхо Москвы»-ს საიტზე აღწერს დღევანდელ სიტუაციას აფხაზეთში:


„ბანდიტებმა წამართვეს აფხაზეთში ქარხანა, ერთადერთი საწარმო აფხაზეთში, რომელიც უშვებდა პოლიმერის მილებს  - პირველ რიგში, სამშენებლო პროექტებისთვის, რომლებიც ფინანსდება რუსეთის ბიუჯეტიდან.


თუმცა, მსურს უფრო დეტალურად გავაგებინო რუსულ აუდიტორიას, რა ხდება სინამდვილეში ამ რესპუბლიკაში და რა საფრთხეებს შეიცავს რუსეთისთვის იქ შექმნილი მდგომარეობა.


მშენებლობა დაიწყო 2010 წელს. ჩვენს წინაში იყო ქვეყანა ბევრი გადაუწყვეტელი პრობლემით, სუსტი ხელისუფლებით, დაბალი ხარისხის სახელმწიფო ინსტიტუტებით, თუმცა, ამავე დროს იმედის მომცემი, რადგანაც რუსეთმა აიღო იქ თავის თავზე მენტორის როლი.


რუსულმა ბიზნესმა ირწმუნა რუსეთის ხელისუფლების ავტორიტეტის, ხოლო ადგილობრივი მოსახლეობა ელოდა ნორმალური სამუშაო ადგილების შექმნას.


თუმცა, გავიდა 8 წელი და დღეს რესპუბლიკა ჩაიძირა უკანონობის, ქაოსის და დაუსჯელობის მორევში. აფხაზეთშია ყველაზე მძიმე კრიმინოგენული მდგომარეობა მთელს კავკასიაში, ადამიანები იღუპებიან საავტომობილო ავარიებში გაცილებით ხშირად, ვიდრე რომელიმე პოსტ-საბჭოთა ქვეყანაში. რესპუბლიკაში შეიქმნა კატასტროფული მდგომარეობა ნარკოტიკების მხრივ - „ჩათრევის ასაკი“ შემცირდა 13-14 წლამდე, ახალგაზრდობა ვერ ხედავს პერსპექტივას, რადგანაც თავის რჩენა პატიოსანი შრომით თითქმის შეუძლებელია.


ქვეყანაში არ არსებობს სოციალური ლიფტები და სამართლიანობა, ძირითადად მნიშვნელობა აქვს ნათესაურ და კლანურ კავშირებს.


აფხაზეთში დესტრუქციულმა ძალებმა დაამარცხეს კანონიერი სახელმწიფო ინსტიტუტები და მოსახლეობას შეუძლია ნებისმიერი დანაშაულის ჩადენა სასჯელის გარეშე. ადგილობრივი მოსახლეობა, უცხოელი ინვესტორი, რუსი გადასახადის გადამხდელები - ყველანი არიან მძევლების როლში, ხოლო სიტუაცია ხელსაყრელია მხოლოდ აფხაზი კრიმინალური ჯგუფებისთვის, რომლებიც მიეტმასნენ რუსული ფინანსური დახმარების ჩრდილოვანი განაწილების არხებს.


ვისაც არ სურს იარაღით ხელში კლანურ საქმის გარჩევებში მონაწილება, ვერც მთავრობის მხრიდან დაცვის იმედი ექნება - საუბარია ეთნიკურ უმცირესობებზე, რუსულ ბიზნესზე და, სავარაუდოდ, რუს ჩინოსნებზე, რომლებსაც, გარკვეული მიზეზების გამო, არ სურთ ღია ლაპარაკი რესპუბლიკაში შექმნილ სიტუაციაზე.



რუსული ბიზნესის პრობლემები აფხაზეთში რესპუბლიკაში შექმნილი მდგომარეობის შედეგია.


პირობითი „მოსკოვისთვის“ აფხაზეთში ზომების მიღების დრო მოვიდა. იქ არის ძალები, რომლებსაც ჰქვია „კანონიერი ხელისუფლება“, არის ადამიანი, რომელსაც ჰქვია „პრეზიდენტი“, არიან ჩინოვნიკები და დეპუტატები - ისინი ყველანი აგებენ პასუხს აფხაზეთში შექმნილი ვითარების გამო.


აფხაზ ბიზნესმენებს აშკარად ძარცვავენ აფხაზეთში, ამის შესახებ იციან რუსეთში, თუმცა, ეს საკითხები მხოლოდ ფორმალურადაა მოსკოვს და სოხუმს შორის ურთიერთობების დღის წესრიგში.


რატომ?


აფხაზეთის ხელისუფლება ცდილობს წარმოაჩინოს ჩემი საქმე, როგორც შემთხვევითი ანომალია დანარჩენი რუსული ბიზნესის წარმატებული საქმიანობის ფონზე, თუმცა, ეს ასე არაა. თავად ფუძემდებლური პრინციპები, რომლებზეც უწევთ მუშაობა რუს ბიზნესმენებს აფხაზეთში, არის ღრმად კრიმინალური. მე ვიყავი ალბათ პირველი რუსი მეწარმე აფხაზეთში, რომელმაც უარი განაცხადა ე.წ. „დახმარების“ ან „დაცვისთვის“ ფულის გადახდაზე.


მე ვარ ქარხნის ერთადერთ მეპატრონე. მე ავაშენე ის ჩემი ფულით ცარიელ ადგილზე და არავის ვალი არ მაქვს. ალბათ მე შემექმნა პრობლემები იმის გამო, რომ ჩემ კომპანიაში არ იყო ე.წ. „ერთობლივი საწარმოს“ სქემა, ანუ მე ვიყავი ქარხნის ერთადერთი დამფუძნებელი.


აფხაზეთში მუშაობა კი შესაძლებელია მხოლოდ ერთ შემთხვევაში - თუ წილში შეიყვან ადგილობრივ „ავტორიტეტულ ადამიანებს“, თუმცა, საბოლოოდ ეს ყოველთვის თავდება მეწილეების მიერ ქონების უზურპაციით. ამ შემთხვევაში ინვესტორი სრულიად დაუცველია და ის რეალურად ხდება „პარტნიორების“ მძევალი.


ეს არის სრულიად ნორმალური და საყოველთაოდ მიღებული სქემა აფხაზეთში - სწორედ ამიტომ ათობით ადგილობრივი ბანდა გამდიდრდა რუსეთიდან ჩამოსული „მეწველი ძროხების“ ხარჯზე.


ტერიტორიაზე დანგრეული ინფრასტრუქტრით, არარსებული შიდა ბაზრით და ცივილიზებული თამაშის წესების გარეშე, ვერ მოიზიდავ ინვესტორებს ვერც ერთი ქვეყნიდან. რესპუბლიკის ხელისუფლება ცდილობს შექმნას ისეთი წარმოდგენა, თითქოს ეკონომიკა ვითარდება და სულ მალე მოსახლეობის კეთილდღეობა დაიწყებს ზრდას. ეს არის ტყუილი, რომელიც ცალსახად ცნობილია ადგილობრივი მოსახლეობის უმრავლესობისთვის.


2010 წელს აფხაზეთი გამოიყურებოდა, როგორც ზრდადი სახელმწიფო, დიახ, დიდი პრობლემებით, თუმცა, მათი გადაწყვეტის შესაძლებლობით.


თუმცა, რეალობამ დაგვანახა, რომ არის ორი არჩევანი  - ან იღებ თამაშის წესებს ადგილობრივ „მაყურებლებთან“, „კრიშასთან“, „დაცვასთან“, ან თავხედურად გაგძარცვავენ, გაგაგდებენ ქვეყნიდან ან, როგორც სხვა ბიზნესმენების შემთხვევაში, გაგიტაცებენ ან მოგკლავენ.


დღეს რუსეთის ხელისუფლებამ სასწრაფოდ უნდა გადახედოს თავის დამოკიდებულებას აფხაზეთისადმი. ჩვენი ჩინოვნიკები იმედოვნებენ, რომ ყველაფერი დალაგდება თავისით, თუმცა, ამასობაში ამ არეულ სიტუაციაში იხარჯება რუსეთის ბიუჯეტიდან გამოყოფილი მილიონები.


არაფერი გადაწყდება თავისით, სიტუაცია უარესდება ყოველწლიურად, რაც აყენებს უმძიმეს საიმიჯო ზარალს, როგორც თავად აფხაზეთს, ასევე რუსეთს, რომელთანაც კარგ ურთიერთობებზე აფხაზური ელიტა, როგორც ჩანს, დიდად არ ღელავს,“ - წერს ბიზნესმენი.



თენგიზ აბლოთია






თამბაქოს ტრანსფორმირება რეგულირებულ გარემოში

თამბაქოს ტრანსფორმირება რეგულირებულ გარემოში
access_time2019-07-20 18:00:04
ყოველდღიურად მთელი მსოფლიოს მასშტაბით 150 მილიონი მომხმარებელი ირჩევს British American Tobacco (BAT)-ის პროდუქციას, მაგრამ პოტენციურად შემცირებული რისკის მატარებელ (PRRP) პროდუქტებზე – მაგალითად, ელექტრონულ სიგარეტზე, თამბაქოს გაცხელების პროდუქტებზე ან საღეჭ თამბაქოზე - ხელი ყველა მათგანს არ მიუწვდება. ეს ასეა იმის მიუხედავად, რომ BAT-ის მთავარი აქცენტი დღეს სწორედ ამ მიმართულების განვითარებაა. მომხმარებლები საქართველოდან ამ მხრივ გამონაკლისს არ წარმოადგენენ, თუმცა მათთვის PRRP...

Haqqin.az: საქართველოში რუსი ტურისტების კლების მიუხედავად, აზერბაიჯანში მათი რაოდენობა არ გაიზრდება

Haqqin.az: საქართველოში რუსი ტურისტების კლების მიუხედავად, აზერბაიჯანში მათი რაოდენობა არ გაიზრდება
access_time2019-07-20 20:00:57
  მას შემდეგ, რაც საქართველოსა და რუსეთს შორის საჰაერო მიმოსვლა შეწყდა, რამაც საქართველოში გამოიწვია რუსი ტურისტების შემცირება ტურისტული ნაკადის მისაღებად ბრძოლა დაიწყეს აზერბაიჯანმა, სომხეთმა, თურქეთმა და სეპარატისტულმა აფხაზეთმა.   თუმცა, აზერბაიჯანელი ექსპერტების აზრით, სავარაუდოდ, მაღალი ფასების და ცუდი სერვისის გამო, რუსი ტურისტების რაოდენობის მკვეთი ზდა აზერბაიჯანში მოსალოდნელი არაა. უკეთეს შემთხვევაში, ქვეყანა მიიღებს საქართველოში დასვენების...

2030 წელს გაზზე მოთხოვნა გაორმაგდება - რატომ სჭირდება საქართველოს მიწისქვეშა გაზსაცავი?

2030 წელს გაზზე მოთხოვნა გაორმაგდება - რატომ სჭირდება საქართველოს მიწისქვეშა გაზსაცავი?
access_time2019-07-20 16:00:59
საქართველოს ნავთობისა და გაზის კორპორაციამ მიწისქვეშა გაზსაცავის სკოპინგის ანგარიში წარმოადგინა, რომელიც გარემოზე ზემოქმედების შეფასების მომზადების პირველი ეტაპის პროცედურაა.   აღნიშნული ანგარიშის მიხედვით, საქართველო სხვადასხვა ენერგორესურსების სატრანზიტო დერეფანს წარმოადგენს, შესაბამისად, ევროპისთვის საქართველო ნავთობითა და გაზით მომარაგების კუთხით უმნიშვნელოვანეს პარტნორად მოიაზრება.   არსებული მდგომარებით, საქართველოში ბუნებრივი აირით მომარაგება...

მედია სამართალსა და საზოგადოებრივ ინტერესს შორის

მედია სამართალსა და საზოგადოებრივ ინტერესს შორის
access_time2019-07-20 14:00:53
სტრასბურგის ადამიანის უფლებათა საერთაშორისო სასამართლოს გადაწყვეტილებამ რუსთავი 2-ის შესახებ ქართული მედია-სივრცე დიდი გამოწვევების წინაშე დააყენა. ტელეკომპანია, რომლის სარედაქციო პოლიტიკის...

„ბიბისი“ - 10 მიზეზი, რატომ ვერ შედგა ბრექსიტი

„ბიბისი“ - 10 მიზეზი, რატომ ვერ შედგა ბრექსიტი
access_time2019-07-20 12:00:47
დიდი ბრიტანეთის პრემიერ-მინისტრი ტერეზა მეი იძულებული გახდა, გადამდგარიყო. ქვეყნის პარლამენტმა შეთანხმებას ვერ მიაღწია. კონსერვატიული და მშრომელთა პარტიები ორივე...


მსგავსი სიახლეები

up