„რუსეთზე ეკონომიკურად და პოლიტიკურად უფრო დამოკიდებული ვხვდებით, რაც დასავლური ინვესტიციებისთვის საფრთხეა“

„რუსეთზე ეკონომიკურად და პოლიტიკურად უფრო დამოკიდებული ვხვდებით, რაც დასავლური ინვესტიციებისთვის საფრთხეა“

access_time2020-02-13 10:00:21

ევროკავშირის პალატამ (EuCham) ბიზნესისთვის საუკეთესო ქვეყნების სია გამოაქვეყნა, სადაც საინვესტიციო მიმზიდველობით საუკეთესო ქვეყნების გამოსავლენად, მსოფლიო ბანკის ბიზნესის კეთებისა და საერთაშორისო გამჭვირვალობის კორუფციის აღქმის ინდექსებია გამოყენებული.


საქართველოს პოზიცია რეიტინგში 2 საფეხურით გაუარესდა და მე-18 ადგილი დაიკავა. წინა წელთან შედარებით, გაუარესდა საქართველოს სარეიტინგო ქულაც და 100-დან 70-მდე შემცირდა.




ანალიტიკოსი ნიკა ობოლაძე მიიჩნევს, რომ საქართველოში ინვესტიციები დაუცველია, რაზეც დიდ გავლენას მართლმსაჯულების სისტემა და პოლიტიკური სიტუაცია ახდენს. აქედან გამომდინარე, ის რეიტინგებში გაუარესების ტენდენციის გაგრძელებას მომავალშიც არ გამორიცხავს.


„იმისთვის, რომ ინვესტიციები ქვეყანაში შევიდეს ისინი დაცული უნდა იყოს, ამ დაცულობას კი ორი მთავარი რამ უზრუნველყოფს -საგარეო და საშინაო ფაქტორები. ჩვენ ქვეყანასთან მიმართებით, საგარეო ფაქტორები სამწუხაროდ ყოველწლიურად უარესდება, ჩვენ ვხდებით რუსეთზე ეკონომიკურად და პოლიტიკურად უფრო დამოკიდებული და მისი გავლენა იზრდება, რაც დასავლური ინვესტიციებისთვის საფრთხეა. რაც შეეხება ქვეყნის შიდა სიტუაციას, აქ რამდენიმე ფაქტორია, რაც ინვესტიციების დაცულობაზე ახდენს გავლენას, ერთი არის მართმსაჯულების სისტემა და მეორე პოლიტიკური სიტუაცია. ქვეყანაში პოლიტიკური სიტუაცია უარესდება და ერთპიროვნული მმართველობიდან ავტორიტარიზმისკენ მივდივართ. გასაკვირი არის ის ოფიციალური რიცხვებიც რაც საქართველოში ინვესტიციების რაოდენობას განსაზღვრავს, აქედან დიდი ნაწილი არის ოფშორების გავლით, ასევე უმრავლესობის უკან არც კი ვიცით ვინ დგას და შეიძლება რაღაც ინტერესების გამო ბიძინა ივანიშვილიც იყოს. საბოლოო ჯამში ის, რომ თუ სიტუაცია გაუარესდა ლოგიკურია, მაგრამ ალბათ მაჩვენებლები იმაზე მეტადაა გაუარესებული, ვიდრე ამას სტატისტიკა აჩვენებს“, - ამბობს ნიკა ობოლაძე.


რეიტინგში საინვესტიციო მიმზიდველობის კუთხით საქართველოს ჩამოქვეითებას, „ეკონომიკური ტრანსფორმაციის ცენტრის პრეზიდენტი“ რამაზ გერლიანი რეგულაციებს უკავშირებს და აღნიშნავს, რომ რეგულაციური ეკონომიკური პოლიტიკის გატარება, ამ ტიპის აქტივობას ყოველთვის ამცირებს.


„ინვესტიციების კუთხით აშკარა კლების ტენდენცია გვაქვს, შესაბამისად, ინდექსებში ამის ასახვა არც არის გასაკვირი. თავის მხრივ ინვესტიციების კლებაც უკუკავშირს განაპირობებს და უფრო უარეს შედეგს იწვევს. რეგულაციური ეკონომიკური პოლიტიკის გატარება, რომელიც ბოლო სამი წლის განმავლობაში განსაკუთრებით აქტიურად მიმდინარეობს, ამ ტიპის აქტივობას ყოველთვის ამცირებს. მსგავსი ინდექსები არის იმ პროცესების გამოვლინება რაც ეკონომიკაში მიმდინარეობს. ეს მონაცემები ასახავს წინა პერიოდს, შესაბამისად ახალში კიდევ უფრო გაუარესებული მონაცემები იქნება, რადგან განცხადებები აშშ-ს და ევროკავშირის მხრიდან, პრაქტიკულად ქვეყნის იმიჯს კიდევ უფრო უკან სწევს. ეს არის მსოფლიოს განვითარებული ქვეყნებისთვის მესიჯი, რომ ჩვენი ქვეყანა არასანდო პარტნიორი ხდება, შესაბამისად ეს აისახება ეკონომიკურ ურთიერთობებზე და ინვესტიციური ნაკადების მხრივ. რეგულაციური პოლიტიკის გატარება სამშენებლო და საფინანსო სექტორში, ასევე უცხო ქვეყნის მოქალაქეებზე აქტივების საკუთრებაში გადაცემის აკრძალვა - ინვესტორებს აფრთხობს, რადგან თუ დღეს ამ კუთხით არის აკრძალვები, ხვალ შეიძლება სხვაც აკრძალონ. ეს ყველაფერი ქვეყნის იმიჯს ყველა მიმართულებით ლახავს და მიმდინარე წელს ნებისმიერი ტიპის ინდექსში გაუარესება გვექნება“, - აცხადებს რამაზ გერლიანი.


EuCham-ის კვლევა 46 ევროპულ ქვეყანას მოიცავს. მონაცემების მიხედვით, პირველ ადგილზე დანიაა, მას შვედეთი და ნორვეგია მოსდევს. ბოლო - 46-ე ადგილს კი უკრაინა იკავებს.

 

ნინო თამაზაშვილი




საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.

 საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.
access_time2020-04-08 10:30:05
“აღნიშნული ცვლილებები მინიმუმამდე შეამცირებს საქართველოს ტერიტორიაზე ტრანზიტულად შემომავალი სატრანსპორტო საშუალებების მიერ აღურიცხავი საწვავის იმპორტის შესაძლებლობას”-აცხადებს საქართველოს ბიზნეს ასოციაციის პრეზიდენტი სოსო ფხაკაძე.   “ეს გადაწყვეტილება ცალსახად არის ბიზნესისა და ფინანსთა სამინისტროს ნაყოფიერი თანამშრომლობის ერთ-ერთი კარგი მაგალითი.  ჩვენ ყოველთვის უწყვეტ რეჟიმში ვმუშაობდით და ვმუშაობთ საქართველოს ფინანსთა სამინისტროს შემოსავლების...

Bloomberg-მა რუსეთს დიდი ეკონომიკური რეცესია უწინასწარმეტყველა

Bloomberg-მა რუსეთს დიდი ეკონომიკური რეცესია უწინასწარმეტყველა
access_time2020-04-07 20:00:11
კორონავირუსის პანდემიასთან ბრძოლის მარათონში რუსეთი ყველაზე ნაკლებ რესურსს ხარჯავს ეკონომიკის მხარდასაჭერად, ვიდრე სხვა ქვეყნები, რაც მძიმე რეცესიის საწყისი შეიძლება გახდეს -  წერს Bloomberg-ი. ექსპერტები მიიჩნევენ, რომ რეზერვების გამოყენებისგან თავის შეკავების მიზეზი არის რუსეთის ხელისუფლების შიში ნავთობის დაბალ ფასებზე.   სანამ მსოფლიო ლიდერები მთელი პლანეტის მასშტაბით, კოლოსალურ თანხებს ხარჯავენ ეკონომიკის...

7 აპრილი - ქართული ლარი გაუფასურდა, თურქული ლირა გამყარდა

7 აპრილი - ქართული ლარი გაუფასურდა, თურქული ლირა გამყარდა
access_time2020-04-07 19:00:39
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან...

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი
access_time2020-04-07 17:55:17
ხამში- ეს არის ძველისძველი ისტორიული სოფელი გარე კახეთში, რომელიც საფერავის საუკეთესო ღვინოსთან ასოცირდება. უახლოეს მომავალში, როდესაც კორონავირუსის პანდემია გადაივლის და ცხოვრება ჩვეულ რიტმს დაუბრუნდება, საგარეჯოს მუნიციპალიტეტის ეს პატარა სოფელი,...

ოთარ ნადარაია - „ჰეჯირების შემთხვევაში მთავრობამ და ეროვნულმა ბანკმა მეტისმეტი სავალუტო რისკი არ უნდა აიღოს“

ოთარ ნადარაია - „ჰეჯირების შემთხვევაში მთავრობამ და ეროვნულმა ბანკმა მეტისმეტი სავალუტო რისკი არ უნდა აიღოს“
access_time2020-04-08 10:00:12
COVID19-ის მიერ გამოწვეული ეკონომიკური შოკები მძიმედ აისახება ლარის კურსზე, რომელიც წლის დასაწყისიდან ინარჩუნებდა პოზიციებს დოლართან მიმართებაში, თუმცა მარტიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. ნეგატიური მოლოდინების ჩასაქრობად და ლარის გასამყარებლად ეროვნულმა ბანკმა $100 მლნ-ის ინტერვენცია განახორციელა, რამაც სხვა ფაქტორებთან ერთად, გამოიწვია ლარის კურსის მცირედი გამყარების...


მსგავსი სიახლეები

up