რუსეთის მთავრობამ სამკურნალო დანიშნულებით კანაფისა და ყაყაჩოს მოყვანაზე აკრძალვა გააუქმა

რუსეთის მთავრობამ სამკურნალო დანიშნულებით კანაფისა და ყაყაჩოს მოყვანაზე აკრძალვა გააუქმა

access_time2020-02-18 18:00:49

რუსეთში ყაყაჩოს ველების მოშენებისთვის ემზადებიან.  მთავრობამ სამრეწველო მიზნით კანაფისა და ოპიუმის ყაყაჩოს მოყვანაზე აკრძალვა გააუქმა.  დადგენილების მიზანი ტკივილგამაყუჩებლების საწარმოებლად აუცლებელი ნედლეულის მარაგის შექმნაა. ამასთან, გაიზრდება არანარკოტიკული კანაფის მინდვრებიც, რისგანაც უკვე მზადდება სხვადასხვა საკვები პროდუქტები, ტანსაცმელი, აქსესუარები, სამშენებლო მასალები. გარემოსდამცველები დიდი ხანია ცდილობენ იმის მიღწევას, რომ მცენარემ პლასტმასის პროდუქცია შეცვალოს.


რუსეთის პრემიერ-მინისტრმა მიხაილ მიშუსტინმა ხელი მოაწერა ბრძანებულებას,  რომლის მიხედვით კანაფისა და ყაყაჩოს გაშენება დაშვებულია სამრეწველო, სამედიცინო და ვეტერინარული დანიშნულებისთვის.  


ოპიუმის ყაყაჩოს მოშენებაზე აკრძალვის მოხსნას დიდი ხანია ითხოვენ რუსეთის დუმასა და მრეწველობისა და ვაჭრობის სამინისტროში. „ეს აუცილებელია, რათა ჩაანაცვლდეს იმპორტირებული ნედლეული“, აცხადებენ სამინისტროში.


„ოპიუმით წარმოებული 13 რეგისტრირებული პრეპარატიდან 9 მათგანი სასიცოცხლოდ მნიშვნელოვანი წამლების კატეგორიას მიეკუთვნება“ - ამბობს ჯანდაცვის კომიტეტის წევრი ალექსანდრე პეტროვი.


„ყაყაჩოსგან მოპოვებული მორფინი გამოიყენება ტკივილგამაყუჩებელი საშუალებების საწარმოებლად, ახლა მისი იმპორტირება გვიწევს ესპანეთიდან. გასული წლის ბოლო 11 თვის მანძილზე ქვეყანაში ეს ნედლეული 150 კილოგრამამდე შემოვიდა“. - ამბობს ნიკოლაი ბესპალოვი, ანალიტიკური კომპანია RNC Pharma-ს განვითარების დირექტორი.



როგორც ბესპალოვი აღნიშნავს, რუსეთში საწარმოო დანიშნულებისთვის ყაყაჩოს მოყვანა რთული არ არის და არ მოითხოვს ზედმეტ ენერგიასა და რესურსებს. ასევე აღსანიშნავია, რომ კომპანიები რომელთაც მისი მოშენების ნებართვა ექნებათ მკაცრად გაკონტროლდებიან, თუმცა ეს შეიძლება სულაც ერთი კომპანია იყოს.


„ეს არ ნიშნავს აკრძალული ნივთიერებების წარმოებისა და მოხმარების ლეგალიზაციას“ - ამბობს სამედიცინო ექსპერტი.


ყაყაჩოსგან განსხვავებით,  კანაფის ველები საწარმოო მიზნებისთვის რუსეთში 2007 წლიდან არსებობს, რაც მთავრობის დადგენილებით დაშვებულია.პრემიერ-მინისტრის მიერ ხელმოწერილ დოკუმენტში შეტანილია კანაფის დამატებითი სახეობა, რომელიც აკრძალვისგან თავისუფლდება.


რუსეთის ბაზარზე კანაფი მთელი რიგი პროდუქტების საწარმოებლად აქტიურად გამოიყენება. პოპულარულია კანაფის მცენარეული ზეთი და როგორც ამბობენ,  ჯანსაღად კვებას უწყობს ხელს. მათი რეკლამირება ხდება, როგორც დიეტური პროდუქტის, რომელიც სასარგებლოა ორგანიზმისთვის.  ასევე ცნობილია, კანაფის ცომისგან დამზადებული მაკარონებიც.


რაც შეეხება ტექსტილის სფეროს,კანაფისგან დამზადებული სამოსი და ფეხსაცმელი, თეთრეული, ჩანთები და აქსესუაარები ქვეყანაში აქტიურად იყიდება. ამბობენ, რომ ასეთი ნაჭერი ნაკლებად დეფორმირდება და ხანგრძლივად გამოყენებადია.  


საბჭოთა პერიოდში კანაფი ყოველწლიურად თითქმის 1 მილიონი ჰექტარზე მოჰყავდათ.დარგის ექსპერტების თქმით, მთავრობის დადგენილება კანაფის მინდვრების სტიმულირებას უახლოეს წლებში მაქსიმუმ 20-300 ათას ჰექტარზე მოახდენს.

 

მარიამ მორგოშია

gazeta.ru




27 ოქტომბერი - რეგიონში მხოლოდ ქართული ლარი გამყარდა

27 ოქტომბერი - რეგიონში მხოლოდ ქართული ლარი გამყარდა
access_time2020-10-27 18:05:05
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-27 21:00:05
დღის Top 10 საინტერესო ამბავი     1. „ზუსტად უნდა ვიცოდეთ, რას გულისხმობს ჩვენი მონაწილეობა COVID-ის მართვაში“ - სადაზღვევოები სამინისტროსგან მეტ დეტალებს ითხოვენ   სადაზღვევო კომპანიების ოჯახის ექიმები კორონავირუსის მართვაში დღეიდან ჩაერთვებიან, - ამის შესახებ ჯანდაცვის...

სად გაატარებენ რუსები ახალ წელს? სახლში თუ ოკუპირებულ აფხაზეთში

სად გაატარებენ რუსები ახალ წელს? სახლში თუ ოკუპირებულ აფხაზეთში
access_time2020-10-27 19:00:24
1 აგვისტოდან რუსეთს და ოკუპირებულ აფხაზეთს შორის საზღვარი ოფიციალურად გაიხსნა. მანამდე კი კორონავირუსის გავრცელების თვალსაზრისით თითქმის სტერილურმა არაღიარებულმა რესპუბკლიკამ სწრაფი „დაბინძურება“ დაიწყო.   დიდი ტურისტული ბუმი არ ყოფილა, თუმცა რუსეთის ბევრმა მოქალაქემ ვირუსისგან გაქცევის მიზნით ოკუპირებულ აფხაზეთში სახლები იქირავეს.   თუმცა, გაქცევა არ გამოვიდა - ღია საზღვარმა და ადამიანების უკონტროლო მისვლა-მოსვლამ ეპიდემიის აფეთქებას მაშინ შეუწყო...

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს
access_time2020-10-27 15:20:38
28 ოქტომბერს, სილქნეტი მობილური ქსელის მომხმარებლებს ოთხ სააქციო პაკეტს შეთავაზებს. აქცია ხელმისაწვდომია  ფიზიკური და იურიდიული პირი აბონენტებისათვის.  აქცია საშუალებას მისცემს აბონენტს მინიმალურ ფასად სასურველი პირობა გაიაქტიუროს, ისარგებლოს უსწრაფესი ინტერნეტით და სასაუბრო წუთებით თბილისსა და რეგიონებში.   კომბინაციით *202# მომხმარებელი 30 დღით ჩაირთავს: 2 GB + 100 ლოკალური წუთი - 5...

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“
access_time2020-10-27 16:00:27
„ყველაფერი რაღაცის ხარჯზე ხდება, თუმცა, როდესაც უჭირს სახელმწიფოს და სისტემას, ყველა რესურსს გამოყენება უნდა,“ - ასე პასუხობს სადაზღვევო კომპანია „უნისონის“ ხელმძღვანელი ვასილ ახრახაძე კითხვას, ხომ არ მივიღებთ სისტემაში ხარვეზებს და ხომ არ გაუარესედება დაზღვეულთა მომსახურება.   „უნისონის“ რამდენი ოჯახის ექიმია ჩართული COVID-19-ის მართვაში,   როგორც ახრახაძე აცხადებს, რომ COVID-19-ის მართვაში უნისონის ოჯახის ექიმთა მინიმალური რაოდენობაა ჩართული....


მსგავსი სიახლეები

up