10 დეკემბრიდან რუსეთის კომუნიკაციების ზედამხედველობის კომიტეტმა (როსკომ ნადზორმა) სოციალური ქსელის Twitter-ის მუშაობის სიჩქარის შენელება დაიწყო.
ზომები ყველა მობილურ მოწყობილობას და სტაციონარული კომპიუტერების 50%-ის შეეხო. სახელმწიფო უწყების მიერ გამოყენებული მექანიზმი ვიდეო და ფოტომასალების გადაცემას ბლოკავს, თუმცა, ტექსტურ შეტყობინებების არ ეხება.
ეს პირველი შემთხვევაა რუსეთის, როდესაც ხელისუფლება სოციალური ქსელის მიმართ ამგვარ ზომებს იღებს. კომუნიკაციების ზედამხედველობის კომიტეტის ინფორმაციით, ამის მიზეზი უკანონო კონტენტის წაშლაზე უარის თქმა იყო. უწყების ცნობით 2017 წლიდან Twitter-ს კონტენტის მოხსნის 28 000 მოთხოვნა გაეგზანვა, თუმცა, დღემდე წაუშლელი რამდენიმე ათასი მასალა რჩება. მათ შორის 2596 არასრულწლოვანებს შორის სუიციდის წახალისებას, 450 ბავშვთა პორნოგრაფიას შეიცავს, 149 კი ნარკოტიკებთანაა დაკავშირებული.
კომუნიკაციების ზედამხედველობის კომიტეტის ქმედებები გამაფრთხილებელი ხასიათისაა და თუ უწყების მოთხოვნების იგნორირება გაგრძელდება, Twitter რუსეთის ტერიტორიაზე მთლიანად დაიბლოკება.
პირველი დღეს სოციალურ ქსელში შეღწევის პრობლემების წინაშე ისეთი მსხვილი კომპანიები აღმოჩნდნენ, როგორც Сбербанк, ВТБ, Альфа-банк, Тинькофф Банк, QIWI, და ა.შ.
რუსეთის პარლამენტის საინფორმაციო ტექნოლოგიების და კავშირგაბმულობის კომიტეტის თავჯდომარის ანტონ გორელკინის თქმით, რუსეთში მუშაობის შენელების შემდეგი კანდიდატია Facebook, თუმცა სოციალურ ქსელს სახელმწიფო უწყებების პრეტენზიების გათვალისწინებისთვის საკმარისი დრო აქვს.
რუსეთის კანონმდებლობით, სახელმწიფო უწყების მიერ მითითებული კონტენტის წაშლა, სავალდებულოა და მოთხოვნის იგნორირება მუშაობის მთლიანი ან ნაწილობრივი დაბლოკვით ისჯება.
ასევე 2019 წლის კანონით, ყველა ინტერნეტ-პროვაიდერი ვალდებულია დაიყენოს აღჭურვილობა, რომელსაც აუცილებლობის შემთხვევაში ნებისმიერი რესურსის მთლიანი ამ ნაწილობრივი დაბლოკვის საშუალებას იძლევა. შესაბამისად, როსკომ ნადზოს საკუთარი გადაწყვეტილების აღსრულება არ გაუჭირდება, მით უმეტეს ხელისუფლების მხრიდან ინტერნეტ-პროვაიდერებზე სრული კონტროლის პირობებში.
თუმცა, რუსეთის ელექტრონული კომუნიკაციების ასოციაციის ანალიტიკოსის კარენ კაზარიანის თქმით, ტექნიკური თვალსაზრისით, ეს საკმაოდ რთული ოპერაციაა, თანაც ნაკლებად ეფექტური, რადგანაც შეზღუდვების თავიდან აცილება საკმაოდ მარტივია.
სადღეისოდ რუსეთში Twitter-ს 11,4 მლნ. ადმიანი იყენებს და შემოღებული შეზღუდვების პირობებში, მომხმარებლები ვიდეოს, სურათებს და სხვა „მძიმე კონტენტს“ ვერ ჩატვირთავენ.
ზომების ამოქმედების შემდეგ სოციალურ ქსელში არიხსნება ისეთი უწყებების საიტები როგორც პარლამენტი, მთავრობა, რამდენიმე სამინისტრო და თავად კომუნიკაციების ზედამხედველობის კომიტეტი. უმეტეს შემთხვევებში არა მხოლოდ ვიდეო და ფოტო მასალების, არამედ ტექსტური ინფორმაციის ნახვაც შეუძლებელია, იმის მიუხედავად, რომ ამ სეგმენტს შეზღუდვები არ უნდა შეხებოდა.
თუმცა, კომუნიკაციების ზედამხედველობის კომიტეტის და როსტელეკომის განცხადებებით, 10 მარტს დაფიქსირებული ხარვეზები მიღებულ ზომებთან არავითარ კავშირშია არაა და გამოწვეულია მხოლოდ პროვაიდერების ტექნიკური პრობლემებით. ის, რომ ეს ყველაფერი კომიტეტის სანქციებთან პარალელურად ხდება, უბრალოდ დამთხვევაა.
Rbc.ru
მოამზადა თენგიზ აბლოთიამ