ფრანგული შამპანურის მწარმოებლებს, რომლებიც პროდუქტს რუსეთში ყიდიან, შეუძლიათ ჯერჯერობით შვებით ამოისუნთქონ.
რუსეთი დათანხმდა 1 იანვრამდე გადადოს ახალ წესის ამოქმედება, რომელიც ადგილობრივ ცქრიალა ღვინოებს ტერმინ шампа́нское-ს გამოყენების ექსკლუზიურ უფლებას ანიჭებს.
საბჭოთა პერიოდში რუსული шампа́нское იაფი ცქრიალა ღვინოს ერქვა. როდესაც ივლისში ახალი წესის შესახებ გახდა ცნობილი, ფრანგულმა მწარმოებლებმა რუსეთში ექსპორტის შეჩერება გადაწყვიტეს. გადაზიდვები გასულ თვეში განახლდა. თუმცა ფრანგული მწარმოებლების მთავარი ლობის ჯგუფი Comite Champagne CIVC-ი მწარმოებლებს აფრთხილებს, რომ ბრძოლა დასრულებისგან შორს არის.
1 იანვრიდან ფრანგ მწარმოებლებს მოუწევთ ბოთლებზე წარწერად ცქრიალა ღვინო კირილიცას ასოებით განათავსონ, ხოლო სიტყვა შამპანურის გამოყენება მხოლოდ ლათინური ასოებით იქნება შესაძლებელი.
შამპანურის მწარმოებლები სახელის გამოყენებას საფრანგეთში შეზღუდულ ტერიტორიაზე დამზადებულ ცქრიალა ღვინოებზე ზღუდავენ. სახელი 120 ქვეყანაშია დაცული.
რუსეთის ბაზარი ფრანგული შამპანურის მწარმოებლებისთვის საბაზრო ღირებულებით მე-15 ადგილზეა და დაახლოებით 35 მილიონ ევროს უტოლდება.
წყარო: Bloomberg ბიზნესფორმულა
შამპანურის ეტიკეტირება
