რუსეთში მობილიზაციის გამოცხადების შემდეგ, საზღვარს უბრალოდ, მოაწყდნენ - ცოტნე ჯაფარიძე

რუსეთში მობილიზაციის გამოცხადების შემდეგ, საზღვარს უბრალოდ, მოაწყდნენ - ცოტნე ჯაფარიძე

access_time2022-09-22 15:30:39

მას შემდეგ, რაც ვლადიმერ პუტინმა ნაწილობრივი მობილიზაციის შესახებ განკარგულებას მოაწერა ხელი, რუსეთი მღელვარების დიდმა ტალღამ მოიცვა. მოსახლეობა ქვეყანას პანიკურად ტოვებს.


არაერთი კადრი გავრცელდა სოციალურ ქსელში ლარსის საბაჟოდანაც, სადაც მსუბუქი ავტომობილების უწყვეტი რიგია. ასევე, ფასები უპრეცედენტოდაა გაზრდილი ავია რეისებზეც.


როგორც ტურისტული კომპანიის „ტრეფიკ თრეველის მმართველი პარტნიორი ცოტნე ჯაფარიძე რადიო „პალიტრასა“ და „პალიტრანიუსის“ გადაცემაში „საქმე“ აცხადებს, „ჩამოსული რუსებიდან ტურისტები მინიმალური რაოდენობით არიან. ეს საცხოვრებლად ჩამოსული ხალხია, რომელიც მხოლოდ საფრთხის შემცველია და არანაირი სარგებელი არ გვექნება მათგან.


„დღეს ამაზე მნიშვნელოვანი საკითხი საქართველოში არ არსებობს. აქამდეც არ გვაკლდა რუსი ვითომ დევნილები, მაგრამ იქ მობილიზაციის ოფიციალურად გამოცხადების შემდეგ, საზღვარს უბრალოდ, მოაწყდნენ. იგივე ხდება ფინეთში და მონღოლეთში, მაგრამ ჩვენ, ჩვენი ქვეყანა გვადარდებს. არგუმენტი, რომელსაც იშველიებენ, რომ რუსი ტურისტი მოდის და ფულს ხარჯავს, აბსურდია. ჩამოსული რუსებიდან ტურისტები მინიმალური რაოდენობით არიან. ეს საცხოვრებლად ჩამოსული ხალხია, რომელიც მხოლოდ საფრთხის შემცველია და არანაირი სარგებელი არ გვექნება მათგან.



თუ ისინი არიან ტურისტები, კეთილი ინებონ და შემოიღონ 30-დღიანი სავიზო რეჟიმი. ეს ცხადია, არ უნდა გავრცელდეს ეთნიკურ ქართველებზე, რომლებიც საქართველოში დაიბადნენ, ან აქვთ ორმაგი მოქალაქეობა. ამ ხალხში, რომელიც საქართველოში ჩამოდის, უამრავია აგენტი და მებრძოლი, რომლებსაც ჩვენს წინააღმდეგაც შეიძლება ჰქონდეთ ნაბრძოლი. ნამდვილად არ მაქვს ილუზია, რომ ,,ქართული ოცნება“ ამას გააკეთებს. ახლა, როცა მთელი ცივილიზებული სამყარო გაერთიანებულია რუსეთის იზოლაციისთვის. მხოლოდ ირანი და ბელარუსია სხვა მხარედ და სამწუხაროდ, ამ სიაში ვართ ჩვენც და ვაკეთებთ ყველაფერს, არ ,,ვაწყენინოთ“ რუსეთს. ეს გამოიწვევს ჩვენს ფარდის უკან აღმოჩენას, მას შემდეგ, რაც რუსეთი დამარცხდება.


ქალაქში ( მოსკოვში) 10 მლნ-მდე ადამიანი ცხოვრობს და აქციაზე მდგომთა რაოდენობა ძალიან მცირე და არაფრისმომცემია. ამიტომ არგუმენტი, რომ ხალხს იქ რაღაც არ მოსწონს, არარელევანტურად მეჩვენება. საქართველოში შემოსული ადამიანების ეს ოდენობა კი პირდაპირ ჰიბრიდული ომის აქტიური ფაზაა, რომელსაც შეიძლება მოჰყვეს მყისიერი დაპირისპირება როგორც კი რუსეთი უკრაინაში წააგებს. თავიანთი დამარცხების ,,გაპრავება“ და გადაფარვა შეიძლება საქართველოს დაპყრობით მოახდინონ“, - განაცხადა ჯაფარიძემ ,,საქმეში“.


ინფორმაციისთვის, როგორც ტელეგრამ არხი „მედუზა“ ანონიმურ წყაროზე დაყრდნობით წერს, რუსეთის საზღვრების ჩაკეტვა უკრაინის ოკუპირებულ ტერიტორიებზე რეფერენდუმის დასრულებამდე, ანუ 27 სექტემბრამდე არ იგეგმება, მაგრამ სიტუაცია შესაძლოა, შეიცვალოს თუ ის უკონტროლო გახდება. სწორედ 27 სექტემბრამდეა ფასი უპრეცედენტოდ მაღალია რუსეთიდან ავია რეისებზე.


წყარო: bpn.ge








„სასაზღვრო-გამტარ პუნქტ „დარიალში“ მგზავრთა ნაკადი მნიშვნელოვნად შემცირდა“ - შსს

„სასაზღვრო-გამტარ პუნქტ „დარიალში“ მგზავრთა ნაკადი მნიშვნელოვნად შემცირდა“ -  შსს
access_time2022-09-30 13:33:32
„სასაზღვრო-გამტარ პუნქტ „დარიალში“ მგზავრთა ნაკადი მნიშვნელოვნად შემცირდა“, - ამის შესახებ ინფორმაციას შინაგან საქმეთა სამინისტრო ავრცელებს, მათივე  ინფორმაციით   ასევე შემციდა საქართველოს ყველა სასაზღვრო გამშვებ პუნქტში რუსეთის ფედერაციის მოქალაქეთა მიერ საზღვრის კვეთის რაოდენობა. „კერძოდ, 29 სექტემბრის 10:00 სთ-დან 30 სექტემბრის 10:00 სთ-მდე საქართველოს საზღვარი ყველა სასაზღვრო-გამშვები პუნქტის გავლით გადმოკვეთა რუსეთის ფედერაციის 6109 მოქალაქემ,...

„საზოგადოებრივი მაუწყებლის“ შენობა ბიზნესმენმა სოსო ფხაკაძემ იყიდა

„საზოგადოებრივი მაუწყებლის“ შენობა ბიზნესმენმა სოსო ფხაკაძემ იყიდა
access_time2022-09-30 13:06:19
საზოგადოებრივი მაუწყებლის შენობა ბიზნესმენმა სოსო ფხაკაძემ იყიდა. აღნიშნული ბიზნესმენმა ბიზნესპარტნიორს თავად დაუდასტურა.   ჩვენი ჯგუფი დიდი ხანია ახორციელებს კომერციული უძრავი ქონების განვითარებას ქ. თბილისსა და საქართველოს სხვა ქალაქებში. კერძოდ, ჩვენ ვაშენებთ და ოპერირებას ვუწევთ საშუალო ზომის სავაჭრო ცენტრებს, სადაც მთავარი არენდატორია კომპანია “კარფური” და ასევე არენდატორები არიან ათობით სხვა საქართველოში მოღვაწე რითეილერები. შესაბამისად, ვფიქრობთ, ჯგუფში დაგროვდა...

მარტი-ივლისში საქართველოში ბინადრობის ნებართვა რუსეთის 1598 მოქალაქეზე გაიცა - მიმართვიანობა 54%-ით გაიზარდა

მარტი-ივლისში საქართველოში ბინადრობის ნებართვა რუსეთის 1598 მოქალაქეზე გაიცა - მიმართვიანობა 54%-ით გაიზარდა
access_time2022-09-30 13:00:44
უკრაინაში რუსეთის შეჭრის შემდეგ, 2022 წლის მარტი-ივლისის პერიოდში საქართველოში ბინადრობის ნებართვა გაიცა რუსეთის 1,598 მოქალაქეზე, ხოლო უარი ეთქვა 434 მათგანს. 2021 წლის შესაბამის პერიოდთან შედარებით, 2022 წელს რუსეთის მოქალაქეების მიერ საქართველოში ბინადრობის უფლების მისაღებად მიმართვიანობა 54%-ით, ხოლო დაკმაყოფილების მაჩვენებელი 25%-ით გაიზარდა, — ამის შესახებ ინფორმაციას IDFI აქვეყნებს. ორგანიზაციის ინფორმაციით, 2022 წლის მარტი-ივლისი...

სიახლე მხოლოდ ლიბერთის მომხმარებლებისთვის

სიახლე მხოლოდ ლიბერთის მომხმარებლებისთვის
access_time2022-09-30 11:55:06
დღეიდან, ლიბერთიში სოციალური სარგოს მიმღებ პირებს შესაძლებლობა აქვთ სამომხმარებლო ტიპის სესხებზე 4 წლამდე ვადით ისარგებლონ. "მოხარული ვართ, რომ საშუალება მოგვეცა განსაკუთრებული პირობები შეგვეთავაზებინა ექსკლუზიურად ჩვენი მომხმარებლებისთვის. როგორც იცით, 2022 წლის აგვისტოში ეროვნული ბანკის მიერ მიღებული რეგულაციის თანახმად, სამომხმარებლო ტიპის სესხებზე მაქსიმალური ვადა განისაზღვრა 36 თვით, რაც ჩვენი მომხმარებლების გარკვეული ნაწილისთვის შეამცირებდა სამომხმარებლო ტიპის...

„შეცვალე“ - პროკრედიტ ბანკი მასშტაბურ გარემოსდაცვით კამპანიას იწყებს

„შეცვალე“ - პროკრედიტ ბანკი მასშტაბურ გარემოსდაცვით  კამპანიას იწყებს
access_time2022-09-30 11:25:34
შეცვალე! ნუ დაკარგავ კავშირს ბუნებასთან, მოუფრთხილდი მას! თემა, რომელიც დღეს განსაკუთრებით აქტუალურია და საკითხი, რომელიც ყველას გვაფიქრებს: ეკოლოგია და გარემოს დაცვა. პროკრედიტ ბანკმა ახალი კამპანია სწორედ ამ მიმართულებით წამოიწყო. გარემოსდაცვით კამპანიას ბანკი მთავარი ვიდეო რგოლით ხსნის, რომელიც  მოკლემეტრაჟიან ფილმს გვაგონებს. სცენარი წარმოსახვით სამყაროში ვითარდება და განსაკუთრებული სიმძაფრით აღწერს იმ მომავალს, რომელიც შეიძლება დადგეს, თუკი ბუნებას არ...


მსგავსი სიახლეები

up