რუსეთში მცხოვრები 5 ყველაზე შეძლებული ქართველი

რუსეთში მცხოვრები 5 ყველაზე შეძლებული ქართველი

access_time2017-08-19 20:00:32

თავის დროზე რუსეთის დღის აღსანიშნავ ღონისძიებაზე მოსკოვში მცხოვრები ქართველი მომღერლის თამარ გვერდწითელის მიერ რუსეთის ჰიმნის შესრულებას ჩვენში მკვეთრად უარყოფითი გამოხმაურება მოჰყვა.



ეს ერთი შემთხვევა არ ყოფილა, როდესაც რუსეთში მოღვაწე ქართველები საქართველოში განკიცხვის ობიექტი კრემლთან სიახლოვის გამო ხდებიან, თუმცა ვერსად გავექცევით ფაქტს, რომ რუსეთში, რომელსაც ჩვენი ქვეყნის 20% ოკუპირებული აქვს, ქართველების ერთ-ერთი ყველაზე დიდი დიასპორა ცხოვრობს და ჩვენი თანამემამულეები არაერთ სფეროში წარმატებულებიც არიან.

 


რუსეთში მცხოვრები 5 ყველაზე შეძლებული ქართველი

 


ზურაბ წერეთელი

 

რუსეთში მოღვაწე 83 წლის ზურაბ წერეთელი მოქანდაკე, მხატვარი და პედაგოგია. ის წლების განმავლობაში განსაკუთრებულად იყო დაახლოებული რუსეთის სხვადასხვა ხელისუფლებასთან და დღემდე რჩება კრემლის ფავორიტად. მისი ნამუშევრები მსოფლიოშია ცნობილი. 1997 წლიდან რუსეთის სამხატვრო აკადემიის პრეზიდენტია. წერეთლის ცნობილი ნამუშევრებია: პეტრე დიდის ძეგლი, იოანე პავლე II -ის ქანდაკება, მონუმენტები მეგობრობა სამუდამოდ, კარგი ამარცხებს ბოროტს და ა.შ.

 


border=0

 

ავტორია 500 ათასზე მეტი ფერწერული, გრაფიკული, მონუმენტური ნამუშევრებისა. წერეთელი ავტორია მსოფლიოში დიდი ქრისტეს ქანდაკებისა (80მ.), რომელიც შესაძლოა სანკტ-პეტერბურგში დადგან. მიუხედავად მისი პოპულარულობისა, ხშირად აკრიტიკებენ გიგანტური ნამუშევრების გამო.საინტერესოა, რომ რამდენიმე წლის წინ მან მონუმენტი თვით ვლადიმირ პუტინს მიუძღვნა. ზურაბ წერეთელს არ უყვარს ქონებაზე საუბარი, თუმცა ამბობენ, რომ ის არაერთი დიდი რუსული კომპანიის წილების მფლობელია და მის საკუთრებაში სულ ცოტა ორი მილიარდი დოლარია.

 



თენგიზ არშბა

 

რუსეთში მოღვაწე ოთარ, იგივე თენგიზ არშბა 1955 წელს სოხუმში დაიბადა და გაიზარდა ბათუმში.

 

ბავშვობაში ზაფხულის არდადეგებს აფხაზეთში, ოჩამჩირის რაიონ სოფელ ბედიაში ატარებდა. ბებიის თხოვნით საქონელს უვლიდა, შეშას ჩეხავდა, სწორედ ბებოს წყალობით მიეჩვია მომავალი ბიზნესმენი შრომას. რაც შეეხება სპორტს, ძალიან უყვარდა ფეხბურთი. ის საქართველოს ახალგაზრდული ნაკრების წევრიც გახლდათ. სკოლის დამთავრების შემდეგ ოთარის ოჯახი საცხოვრებლად რუსეთში გადავიდა. სწავლობდა სსრკ-ის სახელმწიფო უშიშროების კომიტეტში. 1994 წელს კი მოსკოვის საერთაშორისო საფინანსო-საბანკო სკოლა დაამთავრა.



width=679

 

2003 წლიდან რუსეთის დუმის დეპუტატია.

 

90-იან წლებში რუსეთში მან საკმაოდ დიდი ქონება დააგროვა. არშბა ქართველი მილიარდერების სიაში მეცხრე პოზიციას იკავებს. მისი ქონება 2,5 მილიარდ დოლარს შეადგენს. მილიარდერი მსოფლიოში მე-14 უმსხვილესი რუსული სამთო-მეტალურგიული კომპანიის ევრაზ ჯგუფის დირექტორთა საბჭოს წევრია.

 

 

დავით იაკობაშვილი

 

დავით იაკობაშვილი 1957 წლის 2 მარტს თბილისში დაიბადა. დაამთავრა ფიზიკა-მათემატიკის 42-ე სკოლა. ამის შემდეგ დღისით მეტალურგიულ ინსტიტუტში მუშაობდა, ღამით მეტრომშენში. ასევე ეხერხებოდა რადიოტექნიკისა და მაგნიტოფონების შეკეთება.

 


border=0

 


ამჟამად იგი არაერთი ცნობილი რუსული და საერთაშორისო ორგანიზაციის მმართველი ორგანოების წევრია. იაკობაშვილი მსხვილი რუსული რძის, წვენებისა და სასმელების მწარმოებელი კომპანიის სს ვიმ-ბილ-დან-ის ერთ-ერთი დამფუძნებელია და 2001-2010 წლებში კომპანიის დირექტორთა საბჭოს თავმჯდომარეც იყო. მისი ქონება სამ მილიარდ დოლარს შეადგენს. დავით იაკობაშვილი მრავალი საქველმოქმედო ორგანიზაციის დამაარსებელია. წლების განმავლობაში მის სახელს საქართველოშიც არაერთი ბიზნესი უკავშირდებოდა.

 


ალექსანდრე ჯაფარიძე

 

ალექსანდრე ჯაფარიძე 20 ივლისს 1955 წელს მახაჩკალაში დაიბადა. ბავშვობაში გატაცებული იყო ფიზიკით და მათემატიკით. 1977 წელს დაამთავრა ნავთობქიმიისა და გაზის წარმოების ინსტიტუტი და გეოფიზიკოსთა ექსპედიციის ხელძღვანელად დაინიშნა.

 


border=0
1995 წელს მან დააარსა მომსახურების კომპანია პეტროალიანსი, რომელიც კომპანიებს მომსახურებას უწევდა ნავთობმოპოვების სფეროში. 2004 წელს ბიზნესმენმა ეს კომპანია გაყიდა და შექმნა საბურღი კომპანია. დღეს კომპანია ევრაზიას მფლობელია. ჯაფარიძე ფორბსის რეიტინგში 62-ე ადგილს იკავებს. მისი შემოსავალი 1,8 მილიარდ დოლარს შეადგენს.

 



სოსო ორჯონიკიძე

 

იოსებ (სოსო) ნიკოლოზის ძე ორჯონიკიძე 1948 წელს ბორჯომში დაიბადა. სკოლის დამთავრების შემდეგ, სწავლობდა თბილისის პოლიტექნიკურ ინსტიტუტში ინჟინერ-მექანიკოსის ფაკულტეტზე. 1971 წელს მუშაობა დაიწყო ინჟინერ-ტექნოლოგად. მოგვიანებით, 1976 წელს კომკავშირული კომიტეტის პირველ მდივნად დაინიშნა.
border=0

 

რუსეთში გადასვლის შემდეგ, ის მოსკოვის ყოფილი მერის იური ლუჟკოვის მოადგილედ მუშაობდა. ბიზნესმენი მოსკოვი სიტის მშენებლობის ერთ-ერთი ინიციატორი იყო. გარდა ამისა, რუსეთში ფორმულა 1 ის ტრასის მშენებლობაზე სწორედ მან აიღო პასუხისმგებლობა.

 


ორჯონიკიძეს ორჯერ დაესხნენ თავს: პირველად 2000 წლის 19 დეკემბერს, როდესაც ავტომატური ცეცხლასასროლი იარაღიდან ესროლეს, რა დროსაც ძლივს გადაურჩა სიკვდილს. მეორე მცდელობის დროს 2002 წელს ბიზნესმენი აღარ დაშავებულა. თავდასხმებს მის სათამაშო ბიზნესს უკავშირებენ.


ორჯონიკიძეს ჟურნალისტი ცოლი და ორი შვილი ჰყავს. მისი ქონება შეფასებულია ერთ მილიარდ აშშ დოლარად.

 

 

kvirispalitra.ge




რამდენ ხანს გავძლებთ ასე გაყინული?

რამდენ ხანს გავძლებთ ასე გაყინული?
access_time2020-04-02 18:40:38
ზურაბ გირჩი ჯაფარიძე სოციალურ ქსელ  Faceebok-ში სტატუსს აქვეყნებს, რომელსაც „კომერსანტი“ უცვლელად გთავაზობთ : „რელიგიური რიტუალების ჩატარება თუ შეიძლება გარკვეული წესების დაცვით,ისევე როგორც, (როგორც გაირკვა) ონლაინ გაყიდვების დაშვება თუ შეიძლება გარკვეული წესების დაცვით. ან სასურსათო მაღაზიების და აფთიაქების მუშაობა თუ შეიძლება გარკვეული წესების დაცვით. რატომ არ შეიძლება რომ რესტორანმა/კაფემ იფუნქციონიროს გარკვეული წესები...

2 აპრილი - ქართული ლარი და თურქული ლირა მყარდება

2 აპრილი - ქართული ლარი და თურქული ლირა მყარდება
access_time2020-04-02 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდებოდა, სამეზობლოში ვალუტის კურსები კი ან მცირედით და ეტაპობრივად უფასურდება, ან მყარდება. თუმცა, ბოლო კვირის განმავლობაში ლარის კურსი გამყარების ტენდენციით ხასიათდება.   ეროვნული ბანკის მიერ გამოქვეყნებული 1 აპრილის ვაჭრობის შედეგად, ქართული ლარის კურსი 6 თეთრით გამყარდა და ერთი აშშ დოლარის...

რუსული ნავთობის ფასმა ახალ რეკორდულ მინიმუმს მიაღწია

რუსული ნავთობის ფასმა ახალ რეკორდულ მინიმუმს მიაღწია
access_time2020-04-02 18:15:56
რუსული ურალსის ტიპის ნავთობის ფასი ახლა ერთ ბარელზე 11 დოლარზე ნაკლებია.  ასეთ სიტუაციაში ბიუჯეტი ნავთობის გადასახადებისგან პრაქტიკულად შემოსავალს ვერ იღებს, ხოლო კომპანიებს ევროპაში ნავთობის გაყიდვა აღარ უღირთ. ურალსის ტიპის რუსული ნავთობის ღირებულება ჩრდილო-დასავლეთ ევროპაში 1 აპრილს 10,54 დოლარამდე დაეცა და ახალი ანტირეკორდი დაამყარა-  ამის შესახებ სააგენტო Argus-ი წერს. ასეთი მინიმუმი 1999 წლის შემდეგ არ დაფიქსირებულა. ურალს-ის ნავთობის პარტიის ფასი...

დღის Top-10 საინტერესო ამბავი

დღის Top-10 საინტერესო ამბავი
access_time2020-04-02 21:30:11
დღის Top-10 საინტერესო ამბავი 1.„საქართველოს ეკონომიკის რეაბილიტაციისთვის საერთაშორისო ინსტიტუტებიდან მაქსიმალური თანხის მობილიზებაა საჭირო, თუმცა სესხიც დაგვჭირდება“ კორონავირუსის პანდემიის შედეგად მსოფლიო ეკონომიკა კრიზისულ ფაზაში შედის და ეს ყველაზე...

„გარდამავალ სტადიაში ვართ, მაგრამ მშენებლობებს არ ვაჩერებთ“

„გარდამავალ სტადიაში ვართ, მაგრამ მშენებლობებს არ ვაჩერებთ“
access_time2020-04-02 16:15:00
2020 წლის 30 მარტის დადგენილებით. საქართველოს მთავრობამ ყველა დეველოპერული მშენებლობა შეაჩერა.  შესაბამისი ცვლილება „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ მთავრობის დადგენილებაში შევიდა. თუმცა, დღეს  საქართველოს მთავრობის №211 დადგენილების თანახმად რამდენიმე ეკონომიკური საქმიანობა, მათ შორის მშენებლობა და კომპიუტერული ტექნიკით დისტანციურად ვაჭრობა დასაშვები ხდება.   დეველოპერებს ახლა იმის...


მსგავსი სიახლეები

up