„რუსეთს პოლარიზებული ევროპა აწყობს“

„რუსეთს პოლარიზებული ევროპა აწყობს“

access_time2016-12-07 09:00:21

ევროპის ქვეყნები სხვადასხვა პოზიციებზე დგანან - იტალიის პრემიერ-მინისტრმა მატეო რენზიმ გადადგომის შესახებ განცხადება კვირას გამართულ რეფერენდუმზე განცდილი მარცხის შემდეგ გააკეთა. მისი პროევროპული პოლიტიკა იტალიელებმა ბრიტანელების მსგავსად უარყვეს. საპირისპირო მდგომარეობაა ავსტრიაში, სადაც არჩევნები მემარცხენეებმა მოიგეს. ბულგარეთმა, ევროპის კავშირის წევრმაც გასულ თვეში სოციალისტი ლიდერი აირჩია, რომელსაც რუსეთთან ახლო კავშირები აქვს. რას უნდა მოასწავებდეს ამგვარი დინამიკა ევროპის ქვეყნებში რუსეთთან მიმართებაში?

 

კვირას, საფრანგეთის დედაქალაქში, რუსეთის კათალიკოს-პატრიარქმა ეიფელის კოშკის მახლობლად აშენებული რუსული ტაძარი აკურთხა. ცნობილია, რომ რუსეთის მართლმადიდებლური ეკლესიის წინამძღვარი პრეზიდენტ პუტინის ახლო მოკავშირეა. აქედან გამომდინარე, ანალიტიკოსების ნაწილი პარიზის ცენტრში ტაძრის კურთხევის ფაქტს რუსეთის პოლიტიკის ევროპაზე დომინირების სიმბოლურ ნიშნად აღიქვამს.


თუკი გაზაფხულზე საფრანგეთის საპრეზიდენტო არჩევნები ნაციონალისტმა კანდიდატმა მოიგო, მოსკოვი პარიზზე გავლენას გაზრდის - ამბობს პროფესორი პიტერ ელცოვი, ეროვნული თავდაცვის უნივერსიტეტში საერთაშორისო უსაფრთხოების ექსპერტი. „საიდუმლოს არ წარმოადგენს ის ფაქტი, რომ რუსეთის ბანკებმა მარინ ლე პენს, საფრანგეთის ულტრა-მემარჯვენე ფრთის "ნაციონალური ფრონტის" ლიდერს 27 მილიონი ევრო ასესხა. რამდენიმე თვეში იქ საპრეზიდენტო არჩევნები იმართება. ბევრი ანალიტიკოსი ფიქრობს, რომ მას გამარჯვების რეალური შანსები აქვს. თუ ეს ასე მოხდა, თამამად შემიძლია ევროპის კავშირის დასასრულის პროგნოზი გავაკეთო“, - აღნიშნავს პროფესორი ელცოვი.

 

ლე პენი აცხადებს, რომ ის ამერიკის მომავალ პრეზიდენტ დონალდ ტრამპთან და რუსეთის ლიდერ ვლადიმირ პუტინთან ერთად ისეთი ტრიოს წევრი გახდება, რომელიც "მშვიდობისთვის კარგი იქნება".


 

სავარაუდოდ, დონალდ ტრამპის არჩევას შოკური ტალღების მსგავსი გავლენა ექნება ევროპის ქვეყნებზე - ამბობს პროფესორი ელცოვი "ამერიკის ხმასთან" ინტერვიუში. ნაციონალისტური ჯგუფები გაძლიერდებიან, თუმცა იქნება სოციალისტების გამარჯვებებიც. მისი აზრით, რუსეთი ხელს ორივე რადიკალურ მხარეს უწყობს. „რომ წარმოიდგინოთ, რუსეთი მხარს წესით უნდა უჭერდეს ან მემარჯვენე, ან მემარცხენე პოლიტიკოსებს. მაგრამ, კრემლი უმთავრესად ხელს უწყობს იმათ, ვინც ევროპის კავშირს სკეპტიკურად უყურებს. მათ, ვისაც კავშირის დატოვება უნდა და ვინც მომავალში მას რუსეთზე დაწესებული სანქციების მოხსნაში დაეხმარება“, - ამბობს ის.

 

მოსკოვი ინვესტიციებს არამარტო ევროპელ პოლიტიკოსებში, არამედ ძლიერ პროპაგანდაშიც დებს, რომელსაც გავლენა მთელ რეგიონზე აქვს. „ცდილობენ, რაც კი შეუძლიათ, ყველაფერი გააკეთონ. მე ვიტყოდი, მთავარი სუსტი წერტილები, რომელიც დღეს პროპაგანდის განსაკუთრებული გავლენის ქვეშ არის, ესენია: საბერძნეთი, იტალია, ესპანეთი და გარკვეული დოზით, ბულგარეთიც. ჩრდილოეთ ევროპას ეს ნამდვილად არ ეხება“, - აღნიშნავს პროფესორი ელცოვი.

 

ის ფიქრობს, რომ მოსკოვი ასევე შეეცდება ფინანსური და იდეოლოგიური რესურსები ჩრდილო-ატლანტიკური ალიანსის შესასუსტებლად მიმართოს. ექნება მცდელობა NATO რამდენიმე წევრმა დატოვოს, ან მასში გაწევრიანება გადაიფიქროს და ალიანსისკენ სვლა შეაჩეროს. პროფესორ ელცოვის აზრით, შეერთებულმა შტატებმა ევროპელი მოკავშირეები მტკიცე მხარდაჭერაში მაქსიმალურად უნდა დაარწმუნოს და ამასთან „რა თქმა უნდა, არ უნდა უღალატოს თავის მოკავშირეებს აღმოსავლეთ ევროპაში. კონკრეტულად ბალტიისპირეთის ქვეყნებს ვგულისხმობ, სახელმწიფოებს, რომელთაც რუსეთის ეშინიათ და სადაც საკმაო რაოდენობით რუსები ცხოვრობენ". ანალიტიკოსის აზრით, თუკი დონალდ ტრამპის ადმინისტრაცია რუსეთთან ურთიერთობებში დათბობას არჩევს, მაშინ ვეღარასოდეს მიაღწევენ იმ მიდგომის გამეორებას, რომელიც დაახლოებით 30 წლის წინ, რეიგან-გორბაჩოვის ეპოქაში იყო.

 

„ამერიკის ხმა“

 



თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი

თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი
access_time2020-07-03 16:30:44
„კომერსანტი“ გთავაზობთ ინტერვიუს სავაჭრო და ბიზნეს ცენტრ “ქარვასლა’’-ს გენერალურ დირექტორ ზურაბ შავლაყაძესთან -რა კვადრატულობის საოფისე ფართების ქირავნობა არის შესაძლებელი სავაჭრო და ბიზნეს ცენტრ “ქარვასლა’’-ში? -“ქარვასლა’’-ში მეორე...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-03 21:30:18
დღის Top-10 საინტერესო ამბავი 1.თუ ღვინო ყურძნისგან გაკეთდება და ხარისხის პრობლემა მოგვარდება, რთველის სუბსიდირება საჭირო აღარ იქნება - ირაკლი იაშვილი კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“...

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?
access_time2020-07-03 18:00:58
იმედი, რომ ახალი „შრომის კოდექსი“, რომელზეც ახლა პარლამენტში მსჯელობენ, არსებულზე გაცილებით სრულყოფილი და ევროპულ სტანდარდარტებთან მიახლოებული იქნებოდა, ნელ-ნელა უქრებათ მშრომელთა უფლებებზე მომუშავე არასამთავრობო ორგანიზაციებს.კომიტეტებში კანონპროექტის განხილვისას გამოჩნდა, რომ უმრავლესობაში არსებობს წინააღმდეგობა კანონში არაერთი ჩანაწერის მიმართ.კანონპროექტის თავდაპირველი ვერსია უკვე საგრძნობლად შეცვლილი და როგორც სამოქალაქო სექტორი ამბობს, „დაჩეხილია“. თუმცა მთავარი...

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“
access_time2020-07-03 13:50:14
გადაცემაში „ჩემი აუდიტორი“ გრანთ თორნთონ საქართველოს ბიზნეს საკონსულტაციო მიმართულების ხელმძღვანელმა გიორგი უსანეთაშვილმა საქართველოს მობილური ბაზრის კვლევის შედეგებზე ისაუბრა. ჩვენ შევაფასეთ მობილური ბაზრის მთავარი ინდიკატორები : აბონენტთა რაოდენობა ,შეღწევადობა, რაც გულისხმობს, აქტიური სიმბარათების ჯამურ რაოდენობას, შეფარდებული მოსახლეობასთან,ასევე საშუალო შემოსავალი ერთ აბონენტზე. აბონენტთა რაოდენობით, საქართველო ევროპაში 26-ე ადგილზეა. 2019 წლის...

სამტრედია-გრიგოლეთის გზა სურამის ციხესავით ვერ აშენდა

სამტრედია-გრიგოლეთის გზა სურამის ციხესავით ვერ აშენდა
access_time2020-07-03 16:00:19
სამტრედია-გრიგოლეთის გზის მონაკვეთის საერთო სიგრძე 51.5 კმ-ია, პროექტი 4 ლოტად ხორციელდება და დაფინასების წყარო ევროპის საინვესტიციო ბანკია (EIB). აღნიშნული გზის მშენებლობა 2014 წელს დაიწყო. უნდა აღინიშნოს, რომ სამტრედია-გრიგოლეთის გზის ოთხივე მონაკვეთის მშენებლობა შეფერხებით მიმდინარეობდა. განსაკუთრებით პრობლემური გზის მეორე მონაკვეთი აღმოჩდა, სადაც პროექტის დასრულების შემდეგ გზაზე ჯდენები წარმოიშვა, რამაც გზის საფარის მოწყობა შეაფერხა და შესაბამისად,...


მსგავსი სიახლეები

up