საერთაშორისო სავალუტო ფონდისგან (სსფ) რუსეთმა სპეციალური სასესხო უფლების სახით (SDR), ფონდის სახსრების ანტიკრიზისული განაწილების ფარგლებში, $18 მლრდ მიიღო. ექსპერტების თქმით, მოსკოვს შეუძლია ეს სუფლი საკუთარ რეზერვებს შემატოს, ან სხვა ქვეყნებს დაეხმაროს.
სსფ–ის ისტორიაში რეკორდული მოცულობის სპეციალური სასესხო უფლების განაწილება ორგანიზაციის წევრ ქვეყნებზე ორშაბათს, 23 აგვისტოს შევიდა ძალაში – საერთაშორისო სავალუტო ფონდის წევრები 456 SDR–ს მიიღებენ, რაც $650 მლრდ–ის ექვივალენტია. საქართველომ დამატებითი განაწილების შედეგად 2021 წელს 285 SDR მიიღო, რაც დაახლოებით $406 მლნ–ის ექვივალენტია და ქვეყნის საერთაშორისო რეზერვების 6,6%–ს შეადგენს. ფონდის მმართველთა საბჭომ ამ ინიციატივას აგვისტოს დასაწყისში დაუჭირა მხარი.
დამატებითი SDR–ის არანაკლებ $500 მლნ–ის მოცულობით გამოშვების შესახებ ინიციატივა პირველად 2020 წლის გაზაფხულზე, მანდემიის პირველი ტალღის პიკზე გაჟღერდა. სსფ–ის მმართველმა დირექტორმა ამ განაწილებას „უპრეცედენტო კრიზისის პირობებში მსოფლიო ეკონომიკის აცრა“ უწოდა.
გამოყოფილმა თანხებმა მსოფლიოს ქვეყნებს კრიზისის შედეგების დაძლევის, საერთაშორისო რეზერვების ლიკვიდობის ზრდის შესაძლებლობა უნდა მისცეს.
მთლიანი თანხიდან $275 მლრდ განვითარებადმა ქვეყნებმა მიიღეს, მათ შორის $25 მლრდ დსთ–ის ქვეყნებსა და საქართველოს გამოეყო.
რაში იყენებენ ქვეყნები SDR–ს
ვინაიდან SDR არ ითვლება ფიზიკურ აქტივად, საჭიროა მათი კონვერტაცია, რათა შესაძლებელი გახდეს ამ აქტივის გამოყენება სსფ–სთან შიდა ტრანზაქციების მიღმა გამოყენება.
ფონდის მონაწილე ქვეყნებს უფლება აქვთ, იყიდონ და გაყიდონ SDR, ასევე ისესხონ ან გაასესხონ, გირაოში ჩადონ, მიიღონ შემოწირულობის სახით. სსფ–ის საკრედიტო პროგრამებისგან განსხვავებით, SDR–ის განაწილება არ მოიცავს პირობებსა და ვალდებულებებს.