სირია მძიმე სავალუტო კრიზის განიცდის. სირიული ფუნტი დოლართან მიმართებით საგრძნობლად გაუფასურდა და გასული კვირის შუაში ისტორიული მინიმუმიც კი დააფიქსირა. ვალუტა განიცდის ყოველღიურ ვარდნას: გასულ ხუთშაბათს, 4 ივნისს, დოლარის ფასმა პირველად მიაღწია 2000 ფუნტის ნიშნულს. სამშაბათს, 9 ივნისს, ღირებულებამ 3000 ფუნტს მიაღწია, ხოლო ოთხშაბათს 3500 ფუნტს.
კვირის განმავლობაში, სირიული ფუნტისთვის დოლარი 75%–ით გაძვირდა, წლის დასაწყისიდან 250% ით, ხოლო სამოქალაქო ომის 9 წელზე მეტი ხნის განმავლობაში 83-ჯერ გაძირდა.
პროცესი მას შემდგომ გამძაფრდა, რაც აშშ-მა სანქციები გაამკაცარა სირიასთან მიმართებით იმდენად, რომ ქვეყანაში გარიგების დადებას რუსული სტრუქტურებიც ერიდებიან. სანქციებმა დევალვაციის ახალი ტალღის პროვოცირება მოახდინა. 17 ივნისიდან ძალაში შედის ამერიკის Caesar Act-ი, რომელიც ინვესტორებს უკრძალავს ისეთი გარიგებების დადებას, რომლებიც შეიძლება ჩაითვალოს ბაშარ ალ-ასადის მთავრობაში დახმარების აღმოჩენად, მათ შორის ინვესტიციების ჩადებას ქვეყნის განადგურებული ინფრასტრუქტურის რეკონსტრუქციაში.
„სირიაში ფულადი გზავნილების განხორციელების პერიოდი 2-დან 3 კვირამდე მერყეობს. ივნისის დასაწყისიდან ქვეყანაში ფულადი ნაკადების შესვლა საგრძნობლად შემცირდა“, – აცხადებს Chatham House-ის უფროსი მკვლევარი, ზაკი მეხჩი. მისი განცხადებითვე, უცხოური კომპანიები, რომლებიც ასადის რეჟიმს უჭერენ მხარს, იგივე რუსული კომპანიები, არ აპირებენ გარისკვას.
Reuters-თან საუბრისას სავალუტო დილერები აცხადებენ, რომ უამრავმა კომპანიამ შეაჩერა ყველა გარიგება, რამაც შეანელა ვალუტის შემოდინება ეკონომიკაში. ამასთან, ქვეყანაში მოთხოვნა დოლარზე მკვეთრად გაიზარდა.
სირიისთვის ეს დარტყმა, მძიმე აღმოჩნდა ლიბიისთვისაც, რომელიც ემსახურებოდნენ გადახდებს. მარტში, ლიბიამ დეფოლტზე განაცხადა, რადგან ვერ შეძლო 1.2 მილიარდი დოლარის მოცულობის ევროობლიგაციების გამოსყიდვა.
აღნიშნულის შესახებ გამოცემა finanz.ru წერს.
გაზეთი „ბანკები და ფინანსები“