ფქვილის მწარმოებლები ყაზახური ხორბლის შემოტანაზე : „რუსეთის ხორბლის მთლაინად ჩანაცვლებას არ ველოდებით“

ფქვილის მწარმოებლები ყაზახური ხორბლის შემოტანაზე : „რუსეთის ხორბლის მთლაინად ჩანაცვლებას არ ველოდებით“

access_time2019-05-17 12:00:01


“სამი ტრანზიტული ქვეყნიდან მხოლოდ ყაზახეთის ტერიტორიაზე ტრანსპორტირების სუბსიდირება  მცირედით შეუწყობს ხელს ხორბლის ბაზრის დივერსიფიცირების საკითხს, თუმცა ეს დადებითი მოვლენაა დივერსიფიცირების თვალსაზრისით, — ასე აფასებს “ფქვილის მწარმოებელთა ასოციაციის“ აღმასრულებელი დირექტორი ლევან სილაგავა „კომერსანტთან“ საუბარში ეკონომიკის მინისტრის განცხადებას იმასთან დაკავშირებით, რომ ყაზახური მხარე ფინანსურ დახმარებას გაუწევს და  საკუთარ ტერიტორიაზე, სუბსიდირებას გაუკეთებს ხორბლის გადაზიდვებს, რაც საქართველოში უფრო დიდი მოცულობით ყაზახური ხორბლის შემოტანას შეუწყობს ხელს.


საქართველოს ბოლო სამი წელია ხორბლის 90% რუსეთიდან შემოაქვს. ერთი ტონა მარცვლეული დაახლოებით 244 აშშ დოლარი ღირს. ეს საქართველოსთვის ამჟამად ყველაზე მისაღები ფასია. შუა აზიური ხორბალი 260 დოლარი ჯდება, თუმცა რადგან ყაზახურმა მხარემ ტრანსპორტირების სუდსიდირება თავის თავზე აიღო, პროდუქტის თვითღირებულებაც შემცირდება.


„ 4-5 წლის წინ ყაზახური ხორბალი ქართულ ბაზარზე საკმაოდ ფართოდ იყო წარმოდგენილი. მას ბაზრის 30-40% ეკავა. ყაზახეთიდან მომავალი ხორბალი გაივლის სამ ქვეყანას - ყაზახეთს, კასპიის ზღვით აზერბაიჯანს და მერე შემოვა საქართველოში, ეკონომიკის მინისტრის განცხადებით, ტრანსპორტირების ტარიფის სუბსიდირება ხდება მხოლოდ ყაზახეთში. შესაბამისად, არ ვიცით ეს ტარიფზე როგორ იმოქმედებს.  ეს დადებითი მოვლენაა, თუმცა რამდენად შემცირდება ტარიფი მას შემდეგ გვეცოდინება, რაც ორმხრივი შეთანხმება უკვე გაწერილი იქნება. ეს იმოქმედებს რაღაც რაოდენობის ხორბალზე ყაზახეთიდან, თუმცა რა რაოდენობის პროდუქტზე იქნება საუბარი და რამდენად დიდი მოცულობები იქნება,  ეს დამოკიდებულია საერთაშორისო ბაზრის ფასების ცვლილებაზე, — ამბობს სილაგავა.


მისი აზრით, დღეს ქართული ბაზარი უმეტესად დამოკიდებულია რუსულ ბაზარზე, რადგან იქაური ტარიფი სხვა ქვეყნებთან შედარებით უკეთესია. აქედან გამომდინარე, მთლიანად რუსეთის ხორბლის ჩანაცვლებას არ ველოდებით.



არ ვფიქრობ, რომ ყაზახური ხორბალი რუსულ ხორბალს მთლიანად ჩაანაცვლებს. თავისუფლად შეიძლება ჩვენს ბაზარზე ორივე ქვეყნის მარცვლეული იყოს წარმოდგენილი. ეს ერთი მეორეს ხელს არ უშლის, თუნდაც იმიტომ, რომ წისქვილკომბინატებს შეუძლიათ ე.წ. კუპაჟი გააკეთონ: რუსული ხორბალი ყაზახურს შეურიონ და საკმაოდ კარგი ხორბალი მიიღონ, რომლითაც მაღალი ხარისხის ფქვილს გამოუშვებენ. თუ ყაზახეთის ხორბლის ფასი იქნება კონკურენტული, აუცილებად შემოვიტანთ. დაველოდოთ სასტარტო ფასების გამოცხადებას რუსეთსა და ყაზახეთში,“ - აცხადებს ლევან სილაგავა.


კომერსანტი დაინტერესდა ასევე ხორბლის იმპორტიორი კომპანიების მოსაზრებით ამ თემასთან დაკავშირებით .


კომპანია „აგროკომის“ წარმომადგენელი ქეთი ხაჩიური  ჩვენთან საუბარში აცხადებს, რომ ყაზახეთის ხორბალმა უნდა შეცვალოს ხორბლის ბაზარზე მოქმედების წესები, თუმცა ჯერ კიდევ გასარკვევია რა სახის სატარიფო შეღავათებზეა საუბარი.


„კარგი იქნება ხორბლის ბაზარზე მოხდეს დივერსიფიცირება და 100%-ით  რუსეთზე არ ვიყოთ დამოკიდებული, მაგრამ საამისოდ ბევრი რამე უნდა გაკეთდეს. პირველ რიგში ტარიფმა მართლა უნდა დაიკლოს, თუ ტარიფი გახდება კონკურენტუნარიანი ეს იქნება ძალიან კარგი.  მნიშვნელოვანია ვიცოდეთ რა შეღვათებზე ვსაურბრობთ და როგორი კონკურენტუნარიანი იქნება ეს ტარიფი რუსული ხორბლის ტრანსპორტირებასთან მიმართებაში, რადგან წელს რუსეთმაც სუბსიდირება გაუკეთა ტრანსპორტირებას საქართველოში, ამან დიდი გავლენა ვერ მოახდინა ბაზარზე. იმედი მაქვს, რომ ყაზახეთის ხორბალი შეცვლის ბაზარზე მოქმედების წესებს.  ჩვენ ყაზახური ხორბალი ძალიან გვჭირდება,  რომლის ხარისხი დადასტურებულია და ვარგისია პურის საცხობად,“ - აცხადებს ქეთი ხაჩიური.





მარიამ მორგოშია





დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-04 21:00:25
დღის TOP 10 მნიშვნელოვანი ამბავი:   1. ლაშა ტალახაძე ორგზის ოლიმპიური ჩემპიონია ლაშა ტალახაძე ოლიმპიური ჩემპიონი მეორედ გახდა. დამოუკიდებელი საქართველოს ისტორიაში ეს პირველი შემთხვევაა. ოლიმპიურ ოქროსთან ერთად ტალახაძემ ტოკიოში 3 მსოფლიო რეკორდიც (ატაცი 223 კგ, აკვრა 265 კგ, ორჭიდის ჯამი 488 კგ) მოხსნა.   2. სებ–მა მონეტარული პოლიტიკის განაკვეთი...

ნათია თურნავას ობიექტების 1 ლარად გაყიდვის იდეა არ მოსწონს

ნათია თურნავას ობიექტების 1 ლარად გაყიდვის იდეა არ მოსწონს
access_time2021-08-04 17:00:28
ეკონომიკის მინისტრის ნათია თურნავას თქმით, ქვეყნისთვის მნიშვნელოვანია არამარტო ერთჯერადი ეფექტი, რომელიც სჭირდება ბიუჯეტს, არამედ ის, თუ რა ინვესტიციას განახორციელებს ბიზნესი და რამდენ ადამიანს დაასაქმებს. “იმ პირობებით, რომლითაც ჩვენ დღეს ვყიდით ობიექტებს უპრეცედენტო ციფრზე გავედით 6 თვეში, თანაც პანდემიის ფონზე. ზუსტი ციფრის თქმა გამიჭირდება, რადგან ყოველდღე მიმდინარეობს აუქციონები, თუმცა უკვე 240 მლნ ლარს გადავაჭარბეთ. უამრავი შემთხვევაა აუქციონების, სადაც...

რეფინანსირებაზე მიბმული 140 ათასზე მეტი სესხი გაძვირდა

რეფინანსირებაზე მიბმული 140 ათასზე მეტი სესხი გაძვირდა
access_time2021-08-04 14:00:38
ეროვნული ბანკის მონეტარული კომიტეტის გადაწყვეტილებით რეფინანსირების განაკვეთი 0.5%-ით 10%-მდე გაიზარდა, რითაც 140 000-ზე მეტ პირს ლარში აღებული სესხი გაუძვირდა. 2008 წლის ოქტომბრის შემდეგ რეფინანსირების განაკვეთი ორნიშნა არასდროს ყოფილა. ლარში გაცემული იპოთეკური სესხები ძირითადად რეფინანსირების განაკვეთზეა მიბმული. წლის დასაწყისიდან დღემდე განაკვეთი სამ ეტაპად ჯამში 2 პროცენტული პუნქტით გაიზარდა. რეფინანსირების განაკვეთის ზრდამდე 1 დღით ადრე ცნობილი...

ლუკაშენკომ ევროკავშირს ათასობით აზიელი ლტოლვილი შეასია

ლუკაშენკომ ევროკავშირს ათასობით აზიელი ლტოლვილი შეასია
access_time2021-08-04 20:00:48
2 აგვისტოს მონაცემებით, ლიეტუვივს მესაზღვრეებმა 3832 არალეგალი მიგრანტი აღმოაჩინეს, რომლებიც ბელარუსის საზღვართან იმპროვიზირებულ კარვების ქალაქში ცხოვრობდნენ. მათ შორის 2555  - ერაყელი იყო.   ეს ოპონენტების წამებით განთქმული მინსკელი დიქტატორის მხრიდან ევროკავშირის მიმართ შურისძიების ახალი ხერხია.   2021 წელს ერაყიდან ბელარუსის მიმართულებით ავიარეისები აღდგა, რომლებიც მოთხოვნის არარსებობის გამო გაუქმდა. მარგამ მოხდა საოცრება და ერაყელებმა...

ოლიმპიადამ ტოკიოში პანდემიის მძლავრი ტალღა გამოიწვია

ოლიმპიადამ ტოკიოში პანდემიის მძლავრი ტალღა გამოიწვია
access_time2021-08-04 19:00:31
როდესაც მომავალში ისაუბრებენ ტოკიოს ოლიმპიურ თამაშებზე, პირველი რასაც გაიხსენებენ, იქნება ის, რომ ერთი კვირის მანძილზე ქალაქში კორონავირუსით დაავადებულთა რაოდენობა 217%-ით გაიზრდა და დღიურმა დაინფიცირებამ 10 000-ს გადააჭარბა.   ხელისუფლება შექმნილ ეპიდემიოლოგიურ ვითარებას ვერ უმკლავდება  - იაპონიის პრემიერ-მინისტრის ესუხიძე სუგის გამოსვლები ამ საკითხზე ნაკლებად შთამბეჭდავია, მოსაწყენი, მონოტონური და არავის არაფერში არ არწმუნებს.   პარალელურად...


მსგავსი სიახლეები

up