რუსეთის სამხრეთ კავკასიას ახალ სატრანსპორტო ინფრასტრუქტურას სთავაზობს

რუსეთის სამხრეთ კავკასიას ახალ სატრანსპორტო ინფრასტრუქტურას სთავაზობს

access_time2021-01-16 12:00:53

სომხეთის სამხრეთ რეგიონში მდებარე მეგრის სარკინიგზო სადგური მთლიანად დანგრეულია. ვაგზლის შენობა დიდი ხნის მიტოვებულია, რელსები კი ბალახითაა დაფარული.

 

საბჭოთა დროში მოქმედი სარკინიგზო მაგისტრალისგან თითქმის არაფერია დარჩენილი - ეს ერთადერთი გზაა, რომელიც თურქეთისკენ მიდის და ამ დროისთვის ის მთლიანად დემონტირებულია.

 

1992 წელს მეგრის სადგურის გავლით ბაქოდან ერევნამდე მატარებელი დადიოდა, მაგრამ შემდეგ აზერბაიჯანს და სომხეთს შორის ომი დაიწყო, რომელმაც სარკინიგზო მიმოსვლა მთლიანად შეწყვიტა.

 

თუმცა, 2020 წლის შემოდგომაზე ყველაფერი შეიცვალა, აზერბაიჯანულმა მხარემ სომხეთის მიერ წართმეული ტერიტორიები 44 დღეში დაიბრუნა და დღეს ორივე მხარემ რუსეთის შუამდგომლობით, სატრანსპორტო მიმოსვლის აღდგენაზე მუშაობა დაიწყო.

 

დასახული გეგმების რეალიზებად დიდი ინვესტიციები დასჭირდება, თუმცა პროექტი ბაქოსთვის და ერევნისთვის ძალიან მომგებიანია.

 

ეს საკითხი რუსეთის, სომხეთის და აზერბაიჯანის ხელმძღვანელებს შორის მოსკოვში გამართული შეხვედრის დროს განიხილეს. პირველად ომის დასრულების შემდეგ ვლადიმერ პუტინის ინიციატივით, სომხეთის და აზერბაიჯანის ლიდერები ერთმანეთს მოსკოვში შეხვდნენ.

 

მათ ერთობლივ განცხადებაში ნათქვამია, რომ ქვეყნები სატრანსპორტო მიმოსვლის აღდგენას გეგმავენ. ეს კი ომით და ზიზღით გაჟღენთილ რეგიონს ახალ ეკონომიკურ პერსპექტივებს უხსნის.


 

იდეების რეალიზებისთვის პუტინი, ალიევი და პაშინიანი სამი ქვეყნის მთავრობების წარმომადგენელთა მონაწილეობით სამუშაო ჯგუფის შექმნაზე შეთანხმდნენ. ინფრასტრუქტურული გეგმების რეალიზებას აქამდე მთიან ყარაბაღში გადაუწყვეტელი კონფლიქტი აფერხებდა, თუმცა, უკვე დასრულებულმა ომმა ვითარება რეგიონში მკვეთრად შეცვალა - ბაქომ დაკარგულ ტერიტორიებზე კონტროლი აღადგინა, მათ შორის რეგიონები, რომელთა გავლით თურქეთის მიმართულებით სარკინიგზო მაგისტრალი მიდის.

 

ომის წარმატებულ დასრულების შემდეგ ალიევი სომხეთზე გამავალი სარკინიგზო მარშრუტის გამოცოცხლებას ცდილობს. ეს აზერბაიჯანს ექსკლავ ნახიჭევანთან სახმელეთო კავშირის აღდგენას საშუალებას მისცემს.

 

ნახიჭევანი კი თურქეთს ესაზღვრება, შესაბამისად აზერბაიჯანი თურქეთთან პირდაპირ მიმოსვლას იწყებს.

 

გაცილებით უფრო რთული და ძვირადღირებული სარკინიგზო მაგისრტალი საქართველოს გავლით, სწორედ აზერბაიჯანის და თურქეთის ერთმანეთთან დაკავშირების მიზანს ისახავდა, მაგრამ სომხური ტრანზიტის აღდგენის შემთხვევაში აზერბაიჯანს ამ გზაზე უარის თქმა შეუძლია.

 

სატრანსპორტო კომუნუკაციების გახსნა სომხეთისთვისაც მომგებიანია, აი უკვე 30 წელია, რაც ქვეყანას, თურქეთთან და აზერბაიჯანთან დახურული საზღვრების გამო, გარე სამყაროსთან მხოლოდ ერთად-ერთი დამაკავშირებელი გზა აქვს - საქართველოს გავლით.

 

ახალი მარშრუტი ამ ვითარებას შეცვლის და ერევანს ახალ შესაძლებლობებს მისცემს. თუმცა, სომხებს ამ თემაზე შერეული გრძნობები აქვთ. მეგრის გავლით ნახიჭევანში გზის გახსნა ნიშნავს, რომ ქვეყნის ტერიტორიაზე იმოძრავებენ აზერბაიჯანელები, რომლებიც მათში დიდ ზიზღს იწვევენ.

 

დერეფნის უსაფრთხოებას რუსი მესაზღვრეების გააკონტროლებენ, სომხებს ეშინიათ, რომ ისინი ან ტერიტორიაზე და მასთან ერთად ირანის საზღვარზე კონტროლს ნელა-ნელა დაკარგავენ.

 

ბლოკირებული მარშრუტების აღდგენის შემთხვევაში მთელი რეგიონის სატრანსპორტო ინფრასტრუქტურა მკვეთრად შეიცვლება. სომხეთს და რუსეთს ერთმანეთთან კავშირი საქართველოს გვერდის ავლით ექნებათ, ერევანი ასევე პირდაპირ გზას თურქეთის და შესაბამისად, ევროპის მიმართულებითაც მიიღებს.

 

აზერბაიჯანსაც თურქეთთან და ევროპასთან დაკავშირების გაცილებით უფრო მოკლე გზა ექნება.

 

 

წყარო: nzz.ch





დღის TOP 10 საინტერესო ამბავი

დღის TOP 10 საინტერესო ამბავი
access_time2021-05-05 21:00:52
დღის Top 10 საინტერესო ამბავი: 1. განვითარების სტრატეგიის არარსებობა, შეუსრულებელი ხელშეკრულებები და გაუმჭვირვალე ხარჯი - როგორ მუშაობს „მთის კურორტების კომპანია“ კომპანიის განვითარების სტრატეგიის არარსებობა, შეუსრულებელი...

საყოველთაო ვაქცინაციის დასრულებას 45 მლრდ. დოლარი დასჭირდება

საყოველთაო ვაქცინაციის დასრულებას 45 მლრდ. დოლარი დასჭირდება
access_time2021-05-05 20:00:45
დედამიწის მთლიანი ზრდასრული მოსახლეობის კორონავირუსისგან აცრას 45 მლრდ. დოლარი დასჭირდება - განაცხადა ჯანდაცვის მსოფლიო ორგანიზაციის ხელმძღვანელმა ტედროს გებრეუსმა.   მისი თქმით, ეს თანხა 19 მლრდ. დოლარს დაემატება, რომელიც მიიღო საერთაშორისო პროგრამა ACT Accelerator-მა, რომელიც ორგანიზაციამ მსოფლიოში კორონავირუსთან ბრძოლისთვის შექმნა.   „ჩვენი შეფასებით, 45 მლრდ. დოლარი საკმარისი იქნება იმისთვის რომ ზრდასრული მოსახლეობის დიდი უმრავლესობა აიცრას“-...

East-fruit: ახალქალაქის რაიონში გლეხები 700 ტონა კარტოფილის გადაყრას აპირებენ

East-fruit: ახალქალაქის რაიონში გლეხები  700 ტონა კარტოფილის გადაყრას აპირებენ
access_time2021-05-05 19:00:30
ახალქალაქის რაიონის სოფელ ალასტანში გლეხებს და ფერმერებს თითქმის 700 ტონა კარტოფილი ულპებათ. ადგილობრივი მოსახლეობა აცხადებს, რომ მთავრობის მხრიდან სასწრაფო დახმარებას ელის, წინააღმდეგ შემთხვევაში მზადაა მოსავალი გადაყაროს.   მათი თქმით, კარტოფილის რეალიზებას მასშტაბური იმპორტი ართულებს.   „ამ წელს მოსახლეობას მოსავლის გადაყრა მოუწევს, რადგანაც არც ერთი მყიდველი ჩვენთან ჯერ არ მოსულა. მთავრობა სულ ლაპარაკობს სოფლის მეურნეობის განვითარებაზე, მაგრამ...

5 მაისი - რეგიონში ქართული ლარი და თურქული ლირა გაუფასურდა

5 მაისი - რეგიონში ქართული ლარი და თურქული ლირა გაუფასურდა
access_time2021-05-05 18:00:45
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 5 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 5 მაისის ვაჭრობის შედეგად (რომლის ოფიციალური კურსი 6 მაისისაა) ეროვნული ვალუტა აშშ დოლართან...

როდიდან ამოქმედდება ელექტრონული ლარის საპილოტე ვერსია

როდიდან ამოქმედდება ელექტრონული ლარის საპილოტე ვერსია
access_time2021-05-05 16:05:55
„ციფრული ლარს მოვიაზრებთ ნაღდი ფულის ჩასანაცვლებლად“,- ამის შესახებ რადიო „პალიტრისა“ და „პალიტრანიუსის“ გადაცემაში საქმე ეროვნული ბანკის ვიცე-პრეზიდენტმა პაპუნა ლეჟავამ განაცხადა.   მისი თქმით, ელექტრონული ლარის უპირატესობა იქნება დაბალი საოპერაციო ხარჯი და ამასთან, მომენტალურობა. გარდა ამისა, ციფრული ვალუტის გამოყენებისას არ იქნება საჭირო ანგარიშის ქონა რომელიმე ბანკში და არ საჭიროებს შუამავალს.   როგორც პაპუნა ლეჟავამ განმარტა, ელექტრონული ლარის...


მსგავსი სიახლეები

up