„რუსეთის სამარცხვინო ქმედება“ - ევროსასამართლოში საქმის განხილვა გრძელდება

„რუსეთის სამარცხვინო ქმედება“ - ევროსასამართლოში საქმის განხილვა გრძელდება

access_time2018-05-23 15:33:30

საქართველო უპრეცედენტო გადაწყვეტილების მოლოდინში - საქართველოს რუსეთის წინააღმდეგ... სტრასბურგში სახელმწიფოთაშორისი სასამრთლო პროცესის ბოლო ღია მოსმენა მიმდინარეობს. 

 

შესვენების შემდეგ, მხარეები საბოლოო პოზიციებს დააფიქსირებენ. მანამდე კი, სხდომაზე საქართველოს სახელმწიფოს ადვოკატი გამოვიდა.
ბრიტანელმა ბენ ემერსონმა იმ მტკიცებულებებსა და არგუმენტებზე ისაუბრა, რომელიც ქართულმა მხარემ ევროპულ სასამართლოს წარუდგინა.

 

მისი თქმით, რუსეთი აგვისტოს ომამდეც აკონტროლებდა ცხინვალის რეგიონს და ომისთვის 2008 წლამდე ემზადებოდა. ბენ ემეროსნის მტკიცებით, სახეზეა ეთნიკური წმენდის ფაქტები.


„რუსეთმა, ევროსაბჭოს წევრმა ქვეყანამ, სამარცხვინო ქმედება ჩაიდინა, - „იმედინიუსის“ ინფორმაციით, ამის შესახებ საქართველოს სახელმწიფოს ადვოკატმა ბენ ემერსონმა ზეპირ მოსმენაზე განაცხადა. ადვოკატმა ისაუბრა რუსული ავიაციის მიერ გორის მშვიდობიანი მოსახლეობის დაბომბვაზე.

 

„ადგილზე აღმოჩენილ იქნა რაკეტების ფრაგმენტები, რომლებსაც ჰქონდათ სერიული ნომრები, რომლებიც ადასტურებდა მათ რუსულ წარმომავლობას. რუსული მხარე კი ამტკიცებდა, რომ ეს იყო ყალბი ინფორმაცია და ანტირუსული პროპაგანდის ნაწილი. სინამდვილეში რუსეთმა, ევროსაბჭოს წევრმა ქვეყანამ, სამარცხვინო ქმედება ჩაიდინა. სწორედ რუსეთს აქვს პასუხისმგებლობა თავდასხმაზე, - განაცხადა ბენ ემერსონმა.

 


ამის შემდეგ კი რუსული მხარე ორი მოპასუხით გამოვიდა და ქართული მხარის მიერ წარდგენილ ყველა მტკიცებულებას „ფალსიფიკაცია უწოდა.

 

„მნიშვნელოვანია, ვაღიაროთ საქართველოს ძალების მხრიდან ცხინვალზე განხორციელებული ბარბაროსული თავდასხმის შედეგები, მაგრამ საქართველომ საპირისპირო ფაქტები წარმოადგინა. რუსეთის ძალები ქართველი მოსახლეობის დაცვას ცდილობდნენ, - განაცხადა ევროსასამართლოში რუსეთის წარმომადგენელმა მიხეილ გალპერინმა.

 

საქმეზე ბოლო ზეპირი მოსმენის შემდეგ, სტრასბურგის დიდი პალატის მოსამართლეები, რომელიც 17 ქვეყნის, მათ შორის, საქართველოდან და რუსეთიდან არჩეული მოსამართლეებითაა დაკომპლექტებული, სათათბიროდ გავლენ და რამდენიმე თვეში დასაბუთებულ, წერილობით გადაწყვეტილებას გამოაქვეყნებენ.

 

შეგახსენებთ, რომ ადამიანის უფლებათა ევროპული სასამართლოს დიდი პალატა ზეპირი მოსმენით განიხილავს რუსეთის წინააღმდეგ საქართველოს სარჩელს, რომელშიც საქართველო რუსეთს ადანაშაულებს 2008 წლის აგვისტოს ომის და მის შემდგომ პერიოდში ადამიანის უფლებათა ევროპული კონვენციის 8 მუხლის დარღვევაში.

 

სარჩელი ეხება 2008 წელს საომარი მოქმედებებისა და შემდგომი ოკუპაციის დროს, რუსი სამხედროების მონაწილეობით და მათი მხარდამჭერით სიცოცხლის უფლების დარღვევებს, წამებას, არაადამიანურ და დამამცირებელ მოპყრობას. სარჩელში საუბარია რუსეთის მიერ ევროკონვენციის რამდენიმე მუხლის დარღვევაზე.

 

ასეული მტკიცებულებით დგინდება, რომ რუსეთმა საქართველოს წინააღმდეგ ბალისტიკური რაკეტებიც გამოიყენა, რაც საერთაშორისო სამართლით იკრძალება. საქმეში არსებული მასალებით დასტურდება, რომ რუსეთმა ორი ტიპის ბალისტიკური რაკეტა რამდენჯერმე დასახლებულ პუნქტში გამოიყენა, რასაც მსხვერპლი მოჰყვა. იუსტიციის სამინისტროს ცნობით, საქართველო სასამართლოში რადარის ჩანაწერებსაც წარადგენს, რომლებზეც ასახულია, რამდენად აკონტროლებდა და არღვევდა რუსეთის ფედერაცია საქართველოს საჰაერო სივრცეს.

 

საქართველოს იუსტიციის სამინისტროს განმარტებით, საქმე „საქართველო რუსეთის წინააღმდეგ ადამიანის უფლებათა ევროპული სასამართლოსთვის პრეცედენტულია, რადგან სასამართლო პირველად განიხილავს ფართომასშტაბიან საქმეს, რომელიც ეხება საერთაშორისო შეიარაღებული კონფლიქტის დროს აქტიურ საბრძოლო მოქმედებებს.

 

 

 



ევროპის უმსხვილესი ბანკი მოგების 65%-იან ვარდნას ვარაუდობს

ევროპის უმსხვილესი ბანკი მოგების 65%-იან ვარდნას ვარაუდობს
access_time2020-08-04 18:15:55
HSBC (ჰონგ-კონგისა და შანხაის საბანკო კორპორაცია) სამუშაო ადგილების შემცირების დაჩქარებას გეგმავს. ბანკის განცხადებით, კორონავირუსთან დაკავშირებული უმოქმედო სესხების რაოდენობამ შესაძლოა $13 მილიარდს მიაღწიოს. HSBC-ს ხელმძღვანელის ნოელ ქუინის განცხადებით ეს „აჩქარებს“ ადრეული რესტრუქტურიზაციის გეგმას, რომელიც 35 000 სამუშაო ადგილს მოიცავდა. ქუინის თქმით, ბიზნესის გასაძლიერებლად, ბანკი ასევე „დამატებით აქტივობებს“ გამოიკვლევს. BBC-ის ინფორმაციით, ევროპის უმსხვილესი...

ბანკები გადავადებულ პროცენტებს ერთბაშად ითხოვენ?!

ბანკები გადავადებულ პროცენტებს ერთბაშად ითხოვენ?!
access_time2020-08-04 17:00:31
კომერციული ბანკები, საშეღავათო პერიოდის დასრულების შემდეგ, თანხის გადახდას ერთიანად ითხოვენ. ინფორმაცია როგორც ბანკის მსესხებლების, ასევე არასამთავრობო ორგანიზაციების მხრიდან დასტურდება. ასეთ ვითარებაში ათასობით ოჯახს გაკოტრება ელის. პირველ ეტაპზე, სამთვიანი საშეღავათო პერიოდი, უგამონაკლისოდ, ყველა კომერციულმა ბანკმა დაუწესა მსესხებლებს. მიზეზი პანდემია და საგანგებო რეჟიმი იყო, რომლის გამოც, მოქალაქეები შემოსავლის გარეშე დარჩნენ . ბანკებისა და მთავრობის ერთობლივი...

მთავრობა „შტადლერის“ ქარხნის მშენებლობის მოლოდინშია

მთავრობა „შტადლერის“ ქარხნის მშენებლობის მოლოდინშია
access_time2020-08-04 14:05:06
უცხოური ინვესტიციების პროაქტიური მოზიდვისა და საქართველოში უცხოური წარმოებების რეალოკაციის სტრატეგიის ფარგლებში, ეკონომიკისა და მდგრადი განვითარების მინსიტრი ნათია თურნავა ცნობილი შვეიცარიული კომპანია „შტადლერის ჯგუფის პრეზიდენტს პიტერ შპულერს შეხვდა. შეხვედრას ასევე ესწრებოდნენ „შტადლერის მარკეტინგისა და გაყიდვების აღმასრულებელი ვიცე-პრეზიდენტი ანსგარ ბროკმაიერი, დსთ-ის ქვეყნების მარკეტინგისა და გაყიდვების დირექტორი მატიას შტორი, საქართველოში შვეიცარიის ელჩი პატრინ...

ინდუსტრიული პარკები, IT ქალაქები - როგორ აპირებს 300 000 ადამიანის დასაქმებას გიორგი ვაშაძე

ინდუსტრიული პარკები, IT ქალაქები - როგორ აპირებს 300 000 ადამიანის დასაქმებას გიორგი ვაშაძე
access_time2020-08-04 14:40:36
პოლიტიკურმა პლატფორმამ „სტრატეგია აღმაშენებელი“ საარჩევნო კამპანია ოფიციალურად გახსნა, პრემიერ-მინისტრობის კანდიდატად კი გიორგი ვაშაძე წარადგინა. გიორგი ვაშაძემ 5 მთავარი დაპირების შესახებ ისაუბრა, რომელიც სამუშაო ადგილების შექმნას, დაბალპროცენტიან სესხებს, ანტიმონოპოლიურ საბანკო სისტემას, მედიკამენტების გაიაფებას და მცირე და საშუალო ბიზნესის დამატებითი გადასახადისგან გათავისუფლებას გულისხმობს: „სტრატეგია აღმაშენებლის გუნდის დაპირება ნომერი...

3-5 წელში იმპორტირებული ხიზილალა მხოლოდ 20% იქნება - „ქართული ხიზილალა“

3-5 წელში იმპორტირებული ხიზილალა მხოლოდ 20% იქნება - „ქართული ხიზილალა“
access_time2020-08-04 15:20:33
თევზისა და თევზის პროდუქტების მწარმოებელი კომპანია „ქართული ხიზილალა“ სხვა ადგილობრივ მწარმოებლებთან ერთად, 3-5 წლიან პერიოდში ქართულ ბაზარზე იმპორტირებული ხიზილალის წილის მინიმუმამდე დაყვანას გეგმავს, - განუცხადა „ბიზნესპარტნიორს“ კომპანიის დამფუძნებელმა ალექსანდრე დადიანიძემ. კომპანიის საკუთრებაშია გორის რაიონის სოფელ კარალეთში 3 თევზსაშენი და რესტორანი „თევზის სახლი“. მისი ინფორმაციით, დღეს ბაზარზე იმპორტირებული ხიზილალის წილი 90-დან 70%-მდე არის...


მსგავსი სიახლეები

up