რუსეთის ახალი პრემიერ-მინისტრი მიხაილ მიშუსტინმა პოპულარული შემსრულებლის გრეგორი ლეპსისთვის რამდენიმე კომპოზიცია დაწერა. რუსული საავტორო საზოგადოების რეესტრში მითითებულია, რომ მიშუსტინი სიმღერების „ზოლა“ და „ ნამდვილი ქალი“ მუსიკის ავტორია.
„სბერბანკის“ მმართველმა გერმან გრეფმა, 2012 წელს რუსული გაზეთის, „კომერსანტის“ მეშვეობით მიშუსტინს 46 წლის იუბილე მიულოცა და მილოცვაში მისი მუსიკალური შესაძლებლობებიც აღნიშნა: „ ძალიან ცოტა ადამიანმა იცის, რომ თქვენ კომპოზიტორიც ხართ, რომელიც არაჩვეულებრივ მუსიკას წერს და თქვენი კომპოზიციები ჰიტებადაც კი იქცა“. როგორც TACC-ის საიტზე, მიხაილ მიშუსტინის ოფიციალურ ბიოგრაფიაშია ნათქვამი, ის როიალზე უკრავს.
ლეპსის წარმომადგენელმა ვლადიმერ ურიუპინმა „ვედომოსტს“ განუცხადა, რომ „ზოლასა“ და „ნამდვილი ქალის“ მუსიკა არა მიშუსტინის, არამედ მისი მოგვარის მიერაა დაწერილი. სიმღერა „ზოლას“ ტექსტის ავტორი, ალექსანდრ ვულიხი კი ადასტურებს, რომ ლეპსისთვის მუსიკას ნამდვილად მიხაილ მიშუსტინი წერდა, რომლისთვისაც ეს ჰობია.
რუსეთის სახელმწიფო დუმამ პრემიერ-მინისტრის თანამდებობაზე მიხაილ მიშუსტინს მხარი დღეს დაუჭირა. მიხაილ მიშუსტინი 2010 წლიდან რუსეთის ფედერალური საგადასახადო სამსახურის ხელმძღვანელი იყო.
მარიამ მორგოშია
vedomost.ru