რუსეთის დუმის დეპუტატი,განათლების კომიტეტის მდივანი   გენადი ონიშნეკო  რუსულ რადიოსთან ინტერვიუში სვირინგების საშიშროებაზე ალაპარაკდა. ონიშენკო მიიჩნევს, რომ სვირინგების მიმართ სიყვარული სქესობრივი ჰორმონების სიჭარბეს უკავშირდება.

„ეს უფრო მძიმე გამოვლინებაა იმ სულიერი ინტელექტუალური კრიზისის, რომელსაც საზოგადოება გაინცდის. საერთოდაც, ეს სვირინგები უნდა აიკრძალოს.“ - განაცხადა პარლამენტარმა.

მისი თქმით, სვირინგებით სხეულის მოხატვა სასიკვდილო დაავადებების აღმოცენებას უწყობს ხელს.

„ნებისმიერი ქიმიური ნივთიერება, რომელიც კანის სტრუქტურაში შედის, პოტენციურად საშიშია. ნებისმიერ უცხო სხეულს შეუძლია ყველაფრის პროვოცირება , გართულებებით დაწყებული, ონკოლოგიური დაავადებებით დასრულებილი“- ამბობს პარლამენტარი.

ადრე გენადი ონიშენკო არასრულწლოვნებისთვის სვირინგების აკრძალვაზე საუბრობდა. მისი აზრთ, ადრეულ  ასაკში ეს ნეგატიურად აისახება მოზარდის ფსიქოლოგიურ მდგომარეობაზე.

შეგახსენებთ, რომ გენადი ონიშენკო რუსეთის სანიტარული სამსახურის ყოფილი უფროსია. „როსპოტრებნადზორის“ ყოფილი უფროსი გენადი ონიშენკო სკანდალურად ცნობილია რიგი აკრძალვით, რომელმაც დიდი საზოგადოებრივი რეზონანსი გამოიწვია. კერძოდ, 2000 წელს მან 18 წელს მიუღწეველი ახალგაზრდებისთვის ლუდის მიყიდვა აკრძალა, თუმცა ერთი წლის შემდეგ ეს დადგენილება გაუქმდა. სწორედ მან 2006 წელს გამოუცხადა ომი „ბორჯომს“ და რუსეთში მინერალური წყლის შეტანა აკრძალა. 2010 წელს ის გამოვიდა წინადადებით, ბავშვთა ჯგუფებს უცხოეთში წასვლა აეკრძალოთ. ამ ინიციატივამ უფლებადამცველთა მძაფრი პროტესტი გამოიწვია.

მარიამ მორგოშია

ria.ru