რუსეთი - იმპორტის ჩანაცვლების 5 წლის შედეგები

რუსეთი - იმპორტის ჩანაცვლების 5 წლის შედეგები

access_time2019-12-03 21:00:06

5 წლის წინ, როდესაც ყირიმის ანექსიის და აღმოსავლეთ უკრაინაში ომის გაჩაღების გამო დასავლეთმა შემოიღო სანქციები რუსეთის წინაამღდეგ, მოსკოვში ალაპარაკდნენ იმპორტის ჩანაცვლების აუცილებლობაზე.

 

დღეს, 5 წლის შემდეგ უკვე შესაძლებელია საუბარი იმპორტის ჩანაცვლების პროგრამის პირველ შედეგებზე .საბოლოო ჯამში, მოძრაობამ ამ მიმართულებით მოიტანა ძირითადად ფასების ზრდა, უცხოური ტექნოლოგიების იმპორტის ზრდა, მედიკამენტების დეფიციტი, და სისხლის სამართლის საქმეები იმ მოქალაქეთა წიმაამღდეგ, ვინც წამლებს უცხოეთში უკვეთავს.

 

რუსეთის მიერ ევროპულ და ამერიკულ პროდუქციაზე შემოღებულმა კონტრსანქციებმა დაადასტურა თავისი არაეფექტურობა - შეზღუდვების გამო ზარალდებიან როგორც მეწარმეები,  ისევე მომხმარებლები.

 

 სურსათი

 

 რუსეთის სოფლის მეურნეობის სამინისტრო იმპორტის ჩანაცვლების პროგრამას წარმატებულად მიიჩნევს.2013 წლიდან ოფიციალური მონაცემებით, კვების პროდუქტების იმპორტი 31%-ით შემცირდა  და  30 მლრდ. დოლარი შეადგინა.

 

2018 წლის შედეგების მიხედვით, მარცვლეულის, შაქრის, კარაქის და ხორცის მოხმარებაში იმპორტის წილი 10%-მდე  შემცირდა, ასევე, სამინისტროს დაპირებით, უახლოეს 70 წელიწადში  რძის პროდუქტების იმპორტი მთლიანად შეწყდება.

 

თუმცა, ადგილობრივი პროდუქტის დომინირება ბაზარზე ვერ ჩაითვლება იმპორტის წარმატებულ ჩანაცვლებად იმ შემთხვევაში, თუ ამა თუ იმი პროდუქტის ფასი გაიზარდა, მოხმარება კი შემცირდა - მიიჩნევს რუსეთის სახალხო მეურნეობის აკადემია.

 

ექსპერტების გათვლებით, რეალური ჩანაცვლება მოხვდა მხოლოდ რამდენიმე მიმართულებით - ღორის, ქათმის ხორცი  და პომიდორი - ამ პროდუქტების შიდა წარმოება გაიზარდა იმ რაოდენობამდე, რომ მოხმარება არ შემცირდა, ფასები კი2013 წლის დონეზე  დარჩა.

 

აკადემიის კვლევა შეეხება 15 სასაქონლო ჯგუფს. აქედან 12-ში იმპორტის ჩანაცვლების პროგრამა ჩავარდა ,ფასები გაიზარდა, ხოლო მოხმარება შემცირდა.

 

3 პროდუქტში, რომლის ჩანაცვლებაც წარმატებულად  ჩაითვალა, მომხმარებლებმა  წელიწადში 75 მლრდ. რუბლი მოიგეს, ხოლო 12 დანარჩენ ჯგუფში პირიქით, წაგებამ წელიწადში  520 მლრდ. რუბლს  მიაღწია.  ამ რაოდენობით  მეტი დახარჯეს მომხმარებლებმა ამ კატეგორიაში ჩამოთვლილი პროდუქტების შეძენაზე.

 

ასე, რომ კონტრსანქციებით მიყენებულმა ზარალმა  წელიწადში 445 მლრდ. რუბლს მიაღწია, ანუ, 14 მლრდ. დოლარს.

 


ფასები გაიზარდა არა მხოლოდ იმპორტზე, არამედ ადგილობრივ ნაწარმზეც - 2013-2018 წლებში კარაქი გაძვირდა 79%-ით, თევზი -68%-ით, კომბოსტო 62%-ით, მაკარონები, ფქვილი, და ზეთი - 25-35%-ით.

 

ადგილობრივ პროდუქტზე ფასების ზრდის მიზეზია მწარმოებლების დიდი დამოკიდებულება იმპორტზე .ეს ეხება აღჭურვილობას, საკვებს, სათესლე მასალებს, და ა.შ.

დათვლილია, რომ რუსულ პროდუქციაში იმპორტის წილი  50%-ს აღემატება . გამოდის, რომ ნებისმიერი რუსული პროდუქტი, ისიც კი, რომლიც  წარმატებით ჩანაცვლდა, სანახევროდ იმპორტულია.

 

 მრეწველობა

 

 2013 წლის შემდეგ, დეკლარირებული იმპორტის ჩანაცვლების პროგრამის მიუხედავად, აღჭურვილობის და მანქანა-დანადგარების იმპორტი უცვლელი დარჩა . ის შეადგენს 47,3%-ს, რაც თითქმის არ განსხვავდება 2013 წლის მაჩვენებლისგან (48%).

 

ჯერ კიდევ 2015 წელს ადგილობრივი მანქანა-დანადგარებს და მასალებს საწარმოების 30% ყიდულობდა, თუმცა, 2018 წელს ეს მაჩვენებელი  8-9%-მდე შემცირდა. ანალიზმა აჩვენა, რომ აღჭურვილობის და მასალების იმპორტის ჩანაცვლება იყო ძალზე მცირე, და 2018 წლიდან ის თითქმის შეწყდა.

 

სახალხო მეურნეობის ინსტიტუტის მონაცემებით, ამის მიზეზია ასეთი ტიპის წარმოების მცირე რაოდენობა რუსეთში და მათ მიერ გამოშვებული პროდუქციის დაბალი ხარისხი.

 

მანქანა-დანადგარების და მასალების იმპორტის მიღების წყაროდ ძირითადად რჩება დასავლეთ ევროპა, კონტრსანქციების შედეგად მოგებულებს შორის არიან ჩინეთი და ინდოეთი.

 

იმპორტულ მასალებზე და ტექნოლოგიებზე დამოკიდებულება შემცირდა მხოლოდ რამდენიმე დარგში - ხორცის და წამლების წარმოებაში, ასევე მეტალურგიულ მანქანმათმშენებლობაში.

 

რამდენიმე სფეროში კი ეს მაჩვენებელი პირიქით, გაზრდილია - მაგალითად, ხილის და ბოსტნეულის გადამუშავებაში.მეტიც, 2016-2018 წლებში მანქანა-დანადგარების შემსყიდველი საწარმოების წილი მთლიან მრეწველობაში  32%-დან 38%-მდე გაიზარდა.

შესაბამისად, ამ დარგში იმპორტის ჩანაცვლების პროგრამა მთლიანად  და უიმედოდ ჩავარდა.

 

 მედიცინა

 

2015 წელს რუსეთის მთავრობამ   608 დასახელების უცხოური წამლების იმპორტი აკრძალა, თუმცა, რუსეთში   მათი მხოლოდ 282 ანალოგი იწარმოებოდა.

 

2015-2016 წლებში რუსეთში წარმოებული მედიკამენტების სიას შეემატა 74 დასახელება. თუმცა, იმპორტის შეზღუდვამ გამოიწვია მონოპოლიზმის ზრდა ბაზარზე.

 

2019 წლის ივნისში მთავრობამ კიდევ 14 დასახელების სამედიცინო საქონლის იმპორტი   აკრძალა. მათ შორისაა ნარკოზის და ფილტვების ხელოვნური ვენტილაციის მოწყობილობა, სახსრების პროტეზები, და ა.შ. მთავრობის ინფორმაციით, ხსენებული პროდუქცია საკმარისი რაოდენობით იწარმოება რუსეთში  და მისი იმპორტის აუცილებლობა არ არსებობს.

 

 ბოლო წლებში გაყიდვიდან გაქრა ისეთი იმპორტული პრეპარატები, რომლებიც სასიცოცხლოდ აუცილებელია ზოგიერთი ქრონიკული დაავადებების დროს. ისინი არ იყიდება არც საავადმყოფოებში  და არც აფთიაქებში.მათ ნაცვლად გამოიყენება ადგილობრივი წამლები, თუმცა, მათი ეფექტურობა გაცილებით უფრო დაბალია.

 

 

ჯანდაცვის განვითარების ცენტრის ხელმძღვანელის ნატალია კომაროვას თქმით, ფარმაცევტულ მრეწველობაში შექმნილი ვითარების კარდინალური გაუმჯობესება ძალიან რთულია.

 

მისი თქმით, წამლების წარმოებას სჭირდება ძალიან მსხვილი ინვესტიციები, ხოლო რუსეთში ინვესტიციების სიმცირე ნეგატიურად მოქმედებს მედიკამენტების იმპორტის რეალურ ჩანაცვლებაზე. ასევე რუსეთში არაა საკმარისი ტექნოლოგიები და საერთაშორისო სტანდარტების შესაბამისი  აღჭურვილობა.

 

წამლების წარმოების აწყობა არის რთული, ხანგძლივი  და ძვირადღირებული პროცესი. ინვესტორებს სჭირდებათ სტაბილური ბაზრის და პროგნოზირებადი რეგულირების გარანტია გრძელვადიან პერსპექტივაზე. რუსეთში კი ყველაფერი პირიქითაა - მაღალი რისკები და რეგულატორების სრულიად არაპროგნოზირებადი ქმედებები მკვეთრად ამცირებენ ახალი წარმოების აწყობის მოტივაციას - მიიჩნევს ექსპერტი.

 

Еurasianet

თენგიზ აბლოთია


თეგები:
რუსეთი



„გრანთ თორნთონი“: „2019 წელი აუდიტორული კომპანიებისთვის ზრდის წელი აღმოჩნდა“

„გრანთ თორნთონი“: „2019 წელი აუდიტორული კომპანიებისთვის ზრდის წელი აღმოჩნდა“
access_time2019-12-12 18:30:34
რადიო კომერსანტის გადაცემაში „ჩემი აუდიტორი“ „გრანთ თორნთონის“ მმართველმა პარტნიორმა ვახტანგ ცაბაძემ საფინანსო ბაზარზე არსებული ვითარება შეაჯამა. მისი თქმით, 2019 წელი აუდიტორული კომპანიებისთვის ზრდის წელი აღმოჩნდა, რაც ნაწილობრივ, ქვეყანაში ხელისუფლების მხრიდან განხორციელებული რეფორმების დამსახურებაა. „2018 წელთან შედარებით, 2019 წელს ბაზარი კიდევ უფრო გაიზარდა. 2018 წელს პირველად იყო,როცა პირველ და მეორე...

საოჯახო სასტუმროებისთვის წყლის საფასურის გადახდის ახალი წესი 2020 წლის 1-ლი იანვრიდან ამოქმედდება

საოჯახო სასტუმროებისთვის წყლის საფასურის გადახდის ახალი წესი 2020 წლის 1-ლი იანვრიდან ამოქმედდება
access_time2019-12-12 18:00:33
2020 წლის 1-ლი იანვრიდან, სემეკის დადგენილების თანახმად საოჯახო სასტუმროებისთვის წყლის საფასურის გადახდის ახალი წესი - ე.წ ჰიბრიდული ტარიფი ამოქმედდება, - ამის შესახებ ინფორმაციას GWP ავრცელებს. როგორც ცნობილია, გადახდის ახალი წესი მხოლოდ იმ ტიპის საოჯახო სასტუმროებზე ვრცელდება, სადაც მფლობელი თავად ცხოვრობს ბინაში, პარალელურად აქირავებს ბინას ტურისტებზე და უწევს მათ მომსახურებას. „სემეკის ახალი დადგენილების მიხედვით 2020 წლის 1-ლი იანვრიდან ამ ტიპის...

Chatham House: დაიშლება თუ არა ბრიტანეთი?

Chatham House: დაიშლება თუ არა ბრიტანეთი?
access_time2019-12-12 20:00:05
დაიშლება თუ არა გაერთიანებული სამეფო? თუ შოტლანდიის ეროვნული პარტია მიაღწევს თავის მიზანს -ასეც იქნება. ეს პარტია 85 წელი იბრძვის შოტლანდიის დამოუკიდებლობისთვის და სწორედ დღეს, ისე, როგორც არასდროს, ის ახლოსაა წარმატებასთან.შოტლანდიური სეპარატიზმის გაღვივება ბრექსიტის თაობაზე ამ მხარის მოსახლეობის განსხვავებულმა პოზიციამ გამოიწვია.მთლიანად ბრიტანეთში ევროკავშირიდან გასვლას 52% ემხრობა, მაშინ როდესაც შოლტანდიაში 62%-მა ხმა ევროგაერთანებაში დარჩენას...

„სალომე ზურაბიშვილი იქნება ჩვენი ქვეყნის ღირსეული პრეზიდენტი“

„სალომე ზურაბიშვილი იქნება ჩვენი ქვეყნის ღირსეული პრეზიდენტი“
access_time2019-12-12 14:30:05
„არც ჯარი გვაქვს, არც იარაღი და არც გვექნება, არც ის ეკონომიკური ძალიან დიდი პოტენციალი, რომ დავიპყროთ, თუნდაც, რეგიონი“, - ეს სალომე ზურაბიშვილის მორიგი სკანდალური განცხადებაა. საქართველოს პრეზიდენტის ნათქვამი საზოგადეობის დიდმა ნაწილმა შეურაცხყოფად მიიღო და მთავრსარდლისგან მობოდიშება მოითხოვა.  აღსანიშნავია რომ პრეიზდენტს „ქართული ოცნების“  წევრებიც...

„პროდუქციის გაიაფებაზე არც ვილაპარაკოთ და არც ვიოცნებოთ“

„პროდუქციის გაიაფებაზე არც ვილაპარაკოთ და არც ვიოცნებოთ“
access_time2019-12-12 15:00:44
„თებერვლის ბოლოს თუ იქნება ის მოცემულობა, რომ  ლარის კურსი  2.70-ის მიდამოებში იქნება,მაშინ შეიძლება ფასები გადაიხედოს“-ამის შესახებ „კომერსანტს“ „საქართველოს დისტრიბუტორთა ბიზნეს ასოციაციის“ თავმჯდომარე ივა ჭყონიამ განუცხადა. როგორც  ჭყონია განმარტავს,კომპანიებს გარკვეული მარაგები აქვთ, რომელიც  ნაყიდი საკმაოდ მაღალ კურსზეა, შესაბამისად,...


მსგავსი სიახლეები

up