რუსეთი ერთს ამბობს და მეორეს აკეთებს

რუსეთი ერთს ამბობს და მეორეს აკეთებს

access_time2019-10-19 13:00:36

ანალიტიკოსები ამბობენ, რომ რუსეთის პრეზიდენტი ვლადიმირ პუტინი ახლო აღმოსავლეთში თავს მშვიდობისმყოფელად წარმოადგენს, არბიტრად, რომელთანაც რეგიონის ყველა ლიდერს შეუძლია მისვლა, რადგან იციან, რომ ის არსებული ხელისუფლების შენარჩუნებას კარგ საქმედ მიიჩნევს, რეჟიმის შეცვლას კი ცუდად. თუმცა, როცა საქმე მეზობელ უკრაინას ეხება, სურათი სრულიად განსხვავებულია.

ბოლო დღეებში, რუსეთის მიერ მხარდაჭერილმა სეპარატისტულმა ძალებმა თავდასხმები გააძლიერეს. უკრაინის მთავრობის და დამოუკიდებელი დამკვირვებლების თანახმად, საპორტო ქალაქ მარიუპოლთან განლაგებულ უკრაინული თავდაცვითი პოზიციები მძიმედ დაბომბეს.

16 ოქტომბერს, პრო-მოსკოვურმა სეპარატისტებმა უკრაინულ ძალებს ცეცხლი 30-ზე მეტჯერ გაუხსნეს, ერთი უკრაინელი ჯარისკაცი მოკლეს და ერთი დაჭრეს.

უკრაინელი ოფიციალური პირები რუსეთის მიერ მხარდაჭერილ ძალებს ბრალს სდებენ 82 მილიმეტრიანი ნაღმმტყორცნების გამოყენებაში, რაც რუსეთსა და უკრაინას შორის 2015 წელს მინსკში მიღებული შეთანხმებით იკრძალება.

მოსკოვის მიერ წაქეზებულმა ამბოხებამ, რომელიც 2014 წლის აპრილში, მოსკოვის მიერ ყირიმის ნახევარკუნძულის ანექსიიდან ცოტა ხნის შემდეგ დაიწყო, უკვე 14 ათასი ადამიანის სიცოცხლე იმსხვერპლა.

კრემლის მხარდაჭერილი ძალები რატომ აძლიერებდნენ თავდასხმებს იმ დროს, როდესაც კიევი და მოსკოვი თანხმდებიან დაიწყონ სერიოზული მოლაპარაკებები და გააფორმონ სამშვიდობო ხელშეკრულება, რომელმაც შესაძლოა ორ გამოყოფილ რეგიონს უკრაინის შემადგენლობაში თვითმმართველობა მიანიჭოს, გაურკვეველია.

გეგმის მონახაზი ე.წ. “შტაინმაიერის ფორმულას” ეფუძნება, რომლის მიხედვითაც არჩევნების შემდეგ დონეცკის და ლუჰანსკის ოლქებს საგანგებო ავტონომიური სტატუსი უნდა მიენიჭოს და უკრაინამ რუსეთთან საზღვრის კონტროლი დაიბრუნოს. გეგმის თანახმად, არჩევნები კრემლის გავლენის გარეშე უნდა ჩატარდეს.


სამშვიდობო გეგმის პირობებით, სანამ მხარეები დაპირისპირების შეწყვეტას ერთდროულად დაიწყებენ, ცეცხლის შეწყვეტა სულ ცოტა შვიდ დღეს უნდა გაგრძელდეს. თუმცა უკრაინელი დიპლომატი დარკა ოლიფერი, რომელიც მოლაპარაკებებში მონაწილეობს, ამბობს, რომ პრო-რუსულ ძალებს ფრონტის ხაზიდან მძიმე არტილერია არ გააქვს და ამის ნაცვლად, ფრონტზე ტანკებს და ნაღმმტყორცნებს განალაგებს.

უკრაინის პრეზიდენტმა ვოლოდიმირ ზელენსკიმ რუსეთი სამშვიდობო პროცესის დაყოვნებაში დაადანაშაულა და აღნიშნა, რომ მოსკოვი დაჟინებით მოითხოვს ჯარები პირველად კიევმა გაიყვანოს, იმის ნაცვლად, რომ ეს ორივე მხარემ ერთდროულად გააკეთოს.

უკრაინის პრეზიდენტი ზელენსკი, რომელიც თავს “მშვიდობის პრეზიდენტად” წარმოადგენს, ამბობს, რომ ომის დასრულება მისი მთავარი მიზანია. ზოგიერთი ანალიტიკოსი შიშობს, რომ ამერიკის საიმპიჩმენტო ქარიშხლის შუაგულში უკრაინის მოხვედრის გამო, ზელენსკის საერთაშორისო პოზიციები სუსტდება და რუსეთთან დაპირისპირებაში, შეერთებული შტატებისგან მყარ ორპარტიულ მხარდაჭერას ვერ მიიღებს. ამან, თავის მხრივ შესაძლოა რუსეთი წაახალისოს მოლაპარაკებები გააჭიანუროს იმის იმედით, რომ კიდევ მეტ დათმობებს მოიპოვებს.

ზოგიერთი ანალიტიკოსი კრემლის მშვიდობიანი განზრახვების მიმართ თავიდანვე სკეპტიკურად იყო განწყობილი და ირწმუნებოდა, რომ ის ერთს ილაპარაკებდა და მეორეს გააკეთებდა ჩაერთვებოდა მოლაპარაკებებში, მაგრამ იმავდროულად პრო-მოსკოვური ამბოხების ხელშეწყობას გააგრძელებდა. ისინი ამბობენ, რომ კრემლი მოლაპარაკებებში დასავლეთის დასაყვავებლად ჩაერთო და ეძებს შესაძლო უთანხმოებას დასავლეთის ქვეყნებს შორის იმასთან დაკავშირებით, შეინარჩუნონ თუ არა რუსეთის წინააღმდეგ სანქციები, რომელიც თავდაპირველად 2014 წელს, ყირიმის ანექსიის გამო დაუწესეს.

ადრიან კარატნიცკი, “ატლანტიკური საბჭოს” მკვლევარი, ამბობს, რომ “პუტინს სურს უკრაინაზე დომინირება, ან მისი დანაწევრება. სამშვიდობო შეთანხმება კი არცერთს არ ითვალისწინებს. როდესაც მისი პოპულარობა ეცემა, მას გარეშე მტრები სჭირდება, შეიძლება რამე არ მესმის, მაგრამ ვერ ვხედავ სამშვიდობო ხელშეკრულებას ქვეყნისთვის, რომელიც რუსეთის პრეზიდენტს რუსი ხალხის ნაწილად მიაჩნია იმ დროს, როდესაც მოლდოვა და რეგიონის სხვა ცხელი წერტილები ათწლეულებია გადაუჭრელ პრობლემად რჩება.”



„ამერიკის ხმა“

თეგები:
რუსეთი



დღის Top-10 საინტერესო ამბავი

დღის Top-10 საინტერესო ამბავი
access_time2020-07-06 21:30:53
დღის Top-10 საინტერესო ამბავი 1.იპოთეკური სესხების სუბსიდირებით მთავრობა ბანკებს ბიუჯეტიდან 70 მლნ ლარს ჩუქნის საქართველოს მთავრობა ყველას ვინც 2020 წლის პირველი ივნისიდან 2021 წლის პირველ იანვრამდე აიღებს იპოთეკურ სესხს ლარში, 5 წლის ვადით სესხის 4%-ს...

ბიზნესი ქართულად - აუზებზე მოთხოვნას სასტუმროებმა სპეციალური შეთავაზებებით უპასუხეს

ბიზნესი ქართულად - აუზებზე მოთხოვნას სასტუმროებმა სპეციალური შეთავაზებებით უპასუხეს
access_time2020-07-06 18:00:49
8 ივნისიდან სასტუმროებს საშუალება მიეცათ, რომ საცურაო აუზები გაეხსნათ, თუმცა ღია ტიპის აუზებს გახსნის ნებართვა მხოლოდ ხვალიდან, ისიც შემოწმების შემდეგ ექნებათ. მანამდე კი აუზებზე გაზრდილი მოთხოვნის დაკმაყოფილებას საქართველოს სასტუმროები შესაბამისი შეთავაზებებით ცდილობენ. რეგულაციების გათვალისწინებით, სასტუმროების აუზებით სარგებლობა სტუმრებს მხოლოდ ნომრის აღების შემთხვევაში შეუძლიათ. თუმცა, ქართულ სასტუმროებს მომხმარებლებისთვის დღის შეთავაზება აქვთ, რომელიც...

The Economist: ვინ მართავს მსოფლიოს?

The Economist: ვინ მართავს მსოფლიოს?
access_time2020-07-06 20:00:10
2008-2009 წლების კრიზისის შედეგად გლობალური ძალაუფლება დიდმა ოცეულმა გადაიბარა, რადგანაც ნათელი გახდა - დიდი შვიდეულის ფორმატი რეალობას უკვე არ შეესაბამებოდა.კორონავირუსის პანდემიამ კიდევ ერთი სიახლე გამოავლინა - გლობალური ლიდერის არარსებობა. ამჯერად დიდმა ოცეულმა საოცარი უსუსურობა გამოავლინა და თავი მხოლოდ ღარიბი ქვეყნებისთვის ვალების გასტუმრების გადავადებაზე რიტორიკით...

თბილისის ბალნეოლოგიურ კურორტზე საერთაშორისო ბრენდის სასტუმრო 2020 წელს გაიხსნება

თბილისის ბალნეოლოგიურ კურორტზე საერთაშორისო ბრენდის სასტუმრო 2020 წელს გაიხსნება
access_time2020-07-06 16:45:43
„თბილისის ბალნეოლოგიურ კურორტზე“  საერთაშორისო ბრენდის სასტუმროს გახსნა კორონავრიუსის პანდემიამ შეაფერხა. ამის შესახებ „კომერსანტს“ კურორტის კომერციულმა მენეჯერმა სალომე ყვავილაშვილმა განუცხადა. მისივე განცხადებით, ახალი საერთაშორისო ბრენდის სასტუმრო „თბილისის ბალნეოლოგიური კურორტის“ ტერიტორიაზე მიმდინარე წელს გაიხსნება, თუმცა ბრენდის სახელწოდება კვლავ გასაიდუმლოებულია. 10 მილიონი დოლარის ინვესტიციით „თბილისის ბალნეოლოგიური კურორტის“ განვითარება...

სიახლე უძრავი ქონების ბაზარზე - სასტუმროს ნომრის შეძენა აპარტამენტის ნაცვლად

სიახლე უძრავი ქონების ბაზარზე - სასტუმროს  ნომრის შეძენა აპარტამენტის ნაცვლად
access_time2020-07-06 15:45:57
სასტუმროს ნომრის შეძენა აპარტამენტის სანაცვლოდ - ესაა სიახლე უძრავი ქონების ბაზარზე, რომელსაც სასტუმრო „ლაბაუ“ თავის მომხმარებლებს სთავაზობს.   სასტუმროს ნომრის შეძენით, მყიდველი ავტომატურად ხდება  5 ვარსკვლავიანი სასტუმროს მთლიანი მოგების მეწილე. სასტუმრო მდებარეობს გუდაურში.  რა უპირატესობა აქვს სასტუმრო ნომრის შეძენას აპარტამენტის შეძენისგან განსხავებით?  - ამასთან დაკავშირებით...


მსგავსი სიახლეები

up